.../الدمعه اللي تكابر في طرف عيني ..

04-09-2009, 06:19 PM

الدمعه اللي تكابـر فـي طـرف عينـي
...........يردهـا المـوق بـس الجفـن حدرهـا
سمعـت صوتـك مـع العالـم ينادينـي
............وأزريـت لا أردهـا بالعيـن وأسترهـا
وصديت مـا ودي إن النـاس توحينـي
...........مثلي يمـوت ودموعـه صعـب ينثرهـا
يخنقني البـوح بـس القلـب يعصينـي
...........ويبقى بوسط الصدور وفـي خواطرهـا
الحـزن لونـي خفيتـه واضـحٍ فينـي
...........وارد على القلب والفرحـات صدرهـا
والبسمـة اللـي تبينـي بـس تخطينـي
............متى علـى الله يجيهـا يـوم وأظهرهـا ؟
ألاحي الـورق مـدري هـي تلاحينـي
...............أون وتسـجـع وونـاتـي تكـررهـا
لبيـه يـا ذكرياتـي وأجمـل سنيـنـي
............وياقصـةٍ عايشـه لـو مـات آخرهـا
وين أنـت يـا أول غرامـي يامعنينـي
...........وين أنت يا أغلى ذنوب القلب وأطهرهـا
أصحى و طيفـك مـعَ زولـي يبارينـي
...........وأرقد وأشوفك مع أحلامـي تباشرهـا
ما أدري تناسى غصب أو أنـت ناسينـي
............ما أدري عهودك وش اللي صدق غيرها ؟!
واليوم وينك بهـا الدينـا وأنـا وينـي
..........طالت ليالـي الفـراق بعيـن ساهرهـا
كم قلت [ توبة ] ترى ما عـاد تعنينـي\
..............إن جات للنفس نفسي يمكـن أقدرهـا
واليا أظلم الوقـت هوجاسـي يسرينـي
...........ويضيق صدري وكـل أيامـك أذكرهـا
وتبيني أنسـى وأنـا مـا عـاد يمدينـي
.............لو شفـت حالـي قسـم بالله تعذرهـا
أصّبـر الحـال فـي قولـت بياتيـنـي
...........وأنـا أدري إنـي اببطـي لـو أصبّرهـا
وقصايدي فـي غيابـك مـا تسلينـي !
...........لو تطرب الناس تشكي جرح شاعرهـا !
والنفس تشكي زمانٍ صـدق مشكينـي
..........حتى أنت ياغلى البشـر تبعـد وتحقرهـا
والدمعة الـي مـن الوحـده تواسينـي
..........الي مـن آخـر لقـاء بالله خابرهـا ؟!
شفها تكابر وترجف فـي طـرف عينـي
............ولاني عقب شوفتـك ياالزيـن ذاخرهـا

04-09-2009, 07:29 PM

الله الله

سلمت يمينك على النقل الاكثر من جزل
لن اشبع من الوقوف هنااا شوق تقبلي مروري وكل التقدير

04-09-2009, 07:32 PM

الاخت شوق
اخترتي صح صوت وكلمات تدل على ذوقك الرفيع
اعجابي بما نقلتي وشكري لك
اخوك ابو فهد

04-09-2009, 10:07 PM

عذبه أنتِ يآشوق في إختيآرك دآئِماً
آبيآآآآآت وصوتـ رآئِع وأكثر

سلمتـِ ولاحُرمنآ منِك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
,,,احب اللي رسم لي الحب دون الناس مايدري....؟	نبض الوفاء	نصوص شعريه وخواطر من ذائقتكم	10	17-07-2011 11:25 PM
وطني وما ملكت فداه(ومبروك علينا اليوم الوطنى)	الرعــد	رواسي المواضيع العامه	9	23-09-2010 06:37 AM
اتحداكم ماتضحكووون..قصه روووعه	ارجوان الحب	رواســي الـقصص والـروايات	5	06-07-2010 12:21 AM
طلبتكم تكفون اقراءوه كاملا	حنين الذكرى	رواسي المواضيع العامه	5	25-06-2009 10:15 PM