آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
02-09-2023, 09:15 AM | #38441 |
|
اقتباس:
وليدة اللحظه على ضو القمر أسَاالك ياقمر نصف الشهر هو ماعليّه خوف؟ أروح بْجو خالي واسحب الموال بالحالي واغني مابدر مني وابيّن مايكن الجوف واسجل واحتفظ باللي تهيضته بجوالي يحوف الهاجس المتغطرس القلب المولع حوف يذكرني وِيحْسبْني نسيت اللي على بالي قمر طاب السمر والليل كاسب فيني المعروف سكونه مع نسيمه ينعش اوقاتي ويحلالي على ضو القمر الأزرق ههههههه صح لسآنك شآعرتنا المبدعه ودآم حضورك وابداعك |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
02-09-2023, 10:28 AM | #38442 |
حزب العاصفه
|
اهلا يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ نعمة النسيان عجزت تغطي كل شي حاولت تستوعبه وغلبتها الذاكره دمع ابن لعبون ربَّص بقايا اطلال مي يوم طيره فارق من المفارق ماكره سي وضع المنلهد ما يكفي قول سي مع تسارع نبض قلبه وكسرة خاطره واهني اللي فواده من الهاده خلي من حياته دمعته في جفونه نادره كم تمنيت إن مالي ولا يحسب علي الزمن له زومته والليالي غادره |
|
02-09-2023, 10:34 PM | #38443 |
حزب العاصفه
|
طاب مساكم واسعد الله اوقاتكم
وصحت ابدانكم,الهواوي والجوهره وصح لسانك شاعرنا على المجاراة الكايفه النايفه وصح لسانك على هـ الدرر الممتعه وسلمتم ودمتم |
سبحانك اللهم وبحمدك
أشهد الا اله الا أنت,أستغفرك واتوب اليك |
02-09-2023, 10:41 PM | #38444 |
حزب العاصفه
|
أشهد ان الشعر سلوه ومنوه وانتعاش
أشكر اللي بدّني ومدّني ذالموهبه المولع كان ماهوب شاعر كيف عاش؟ وكيف لامن ولع الصدر ضوه وحْطبه واستلم من ذكرياته ملفاته بلاش جابها مندوب فكره بحبره واكْتبه في جدار الصّدْر والصّبْر غطاها بْشاش من فصول الماضي اللي مضى ماله شبه عزتي له مايبيله مراسيل ونقاش دام ماعبّر بقافٍ يبيّن مطلبه لو مغلف بالطلاسم وفي جوه رْشاش من غيومٍ هي عذاب المعنى وسْببه., |
|
03-09-2023, 12:11 PM | #38445 |
حزب العاصفه
|
هلا بش شاعرتنا وصح الله لسانش وبدنش ودام حضورش ولاهان راسش هههههههه
إيه البارح سمعت اغنية هلابش وباهلش/ وما ادري وش بعد وتأثرت هههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ من تكة الصدر مايرضى اللسان اليوم في لهجته قام ايتخبط بمنطوقه مع العالم بلهجاتها اللوثه اللي بيومٍ فيه وادع من يبيهم جته ياليت شعره هل اللي سببت له لوثته جاتها الشوق ملوي ووجده حين عنوا له لوى مهجته سوت باحاسيسه استنفار مع تغيير موجاتها يا شيب عينه من افواه الغلا يوم انها مجته ما عاد يطمع بهمسٍ ينعشه شحت علاجاتها وسط جبينه بسيف استودع الله حضرتك شجته وبسجل نوح الحمامه حط رقمه في سجلاتها |
|
04-09-2023, 11:22 AM | #38446 |
حزب العاصفه
|
الاسماء الموجوده انا والخيال و14زائر وبس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ ياحلو الهبوب اليوم بارد ونسمته شرقيه شماليه ينعنش برادها بذعذاعها تبعد عن الصدر كتمته والا ضيقته لو هب عاصوف عادها مقيمه ومنها الضغط ياصل لقمته ما تبعد مادام ان(........)طوَّل بعادها ابـ تصبر وتفرج/ وش معجلك؟سمته ما فرجت وسده باح واليوم عادها وشوقه بوجدانه ينفذ مهمته ياللهول كم هي بالغت في عنادها |
|
04-09-2023, 06:01 PM | #38447 |
|
اسعد الله اوقاتكم بكل خير وحفظكم الله من كل مكروه. ,,,
تسالي ,, يقول الشاعر : عبدالعزيز بن سعود الحمد العريني السبيعي: يورى في عيوني مجلس الشايب وبيت الطين مداهيل الرجال الـلي لهـم بالطيـب منزالـي مجالسهم مجالس للشجاعـة والكـرم والديـن تنومس راعي الطالـة وتغبـن كـل بطالـي ماهي مثل المجالس ذا الزمان اللي قبوله شيـن مغير السالفة وسط السياسة واسهـم المالـي ويقول الشاعر عبد الله الجبرتي ياوين احصّل مجلسٍ فيه شايب متصدر المجلس ومركاه فالنُص هرجه ثمر ماخالطه بالشوايب يروي لنا من طيب الهرج ويقُص وحوله نشامى يحتمون النوايب قومٍ تعرف العلم وتقص وتحُص تسري من المجلس وخاطرك طايب كنك كسبت من العقيق الحمر فُص \ يقول الشاعر غزاي الحربي: والمجلس اللي يزعجك لا تمره خله تراك بشوفته منت مجبور والرجل سقها في صحاصيح بره ومد النظر مابين ريضان وزهور لا صار وجه القاع ما فيه جره والمشي حافي والثرى تو ممطور ساعات صمتٍ ما وراها مضره تسوى الكلام اللي به ذنوب و شرور أطلق خيالك واترك النفس حرة وخل الطبيعة في حياتك لها دور |
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 04-09-2023 الساعة 06:04 PM
|
04-09-2023, 06:09 PM | #38448 |
|
هبّ البراد وقربت طلعة سهيل القيض راح والأحارير زاله أتلى الأناثي طلعته تالي الليل نجمه توَقد زايدٍ بإشتعاله وجانا من الغربي مزونٍ مظاليل وغشى على روس النوايف ظلاله تضحك مقاديمه وترشق هماليل حس الرعد والبرق بمظلم خْياله تمطر جنوب وشرق وغرب وتشاميل وعلى النفود ومنخفض من سهاله والعشب نبته ظلل الأرض تظليل نوار نبته كاد يضحَك جماله لونه جميل وجمّل الأرض تجميل وربّع به اللّي مهزلٍ من حلاله والبرزان وحمّل الشيل تحميل مع رفقة اللّي يدركون الجمالة عبدالله بن سعيد السهلي سكـبة البرقع على عيونك هلاك والهلاك إنك بلا برقع جميل إن لبـسـتـه زوّد الـبـرقـع حـلاك وإن رميته غض بالطرف الكحيل |
التعديل الأخير تم بواسطة خيال مطير ; 04-09-2023 الساعة 06:16 PM
|
|
|