اضحك وجوى القلب همٍ قتلني=خافي لكن بالعين بيِّن ومفضوح
والحزن من صكات بقعا سكني=معه اغتربت ولا اعرف وين ابا اروح
مسموح يامن هو بهجره ظلمني=اشتال ذنب مولعٍ فيه مجروح
اشكي بهالدنيا ولا احدٍ فهمني=واجاوب الورقا على الغصن بالنوح
انا اشهد انه دون يقصد طعني=واقفا وشوقي له من اعماقي ايفوح
فوحة دلالٍ باللهيب احتمني=وايشوحني وجدي على شوفته شوح

والله غريبه وش تغير بالاوضاع=انا مانيب انا ولا الناس ناسي
يدي تقول ان قلت خوذي هذا ضاع=وانا لكلش غير هذاك ناسي
النود لاجاله مع الصبح ذعذاع=مهما سهرت ايطير عني نعاسي
تاتي بريا سيدي حلو الاطباع=ويشوش لاجتني برياه راسي
لوهو يتاح لمربعٍ فات مرجاع=ويقوى رجاي الهزل ويهزم ياسي
والله لااطق لمن سوى(.....)اصباع=ولوهو مجرعني من الصبر كاسي