إيه وش عندك انا هكذا طبعي زعول=ليش تستنكر وانا ماهقيتك تجهله
التغلي غثني والتعالي والفضول=هالخلق لك مكتسب ماخبرتك من هله
خابرك هين ولين ومضياف ووصول=كلما جيتك مسير وانا بي لك وله
اعرف الترحيب في مقلتك لو ماتقول=وما اتضايق منه واشكيه لك قلت ازهله
كل مشكل لاصفن النوايا له حلول=لو رجعت لوضعنا الاولي لا مشكله

جب دله وبراد شاهي وشابور=وتمر الخلاص وهات طاسة خواضه
رحيل ومحمد ورا عيونهم عور=لو صاحو من الجوع مابه غضاضه
احرار لكن وضعهم وضع ماسور=يومين مسجونين على مضاضه
كلٍ خضع للعاصفه غصب مجبور=عضوين بحزيبات فيها انقراضه
رحيل كم شرنا ولاطاعة الشور=اعضا الحزب مفزاعهم فيه راضه
وشيخ الرعد لو كان بالشعر دكتور=شتاه قدم العاصفه مثل قاضه