انا في ذمتي مهنا بزاد ولا اهتني برقاد=عيوني عن لذيذ النوم جازت والسهر فيها
بيوتٍ ولعت من قوها وسط الحشاء وقاد=على الضلع القصير يوم شاعرها يغنيها
طراله ماطراله والهواوي ماعنه نشاد=هواء نجد العذيه علةٍ محدن يداويها
ما الومه لو تمنى سجةٍ فيها على الاشهاد=عقب بدٌر عليها الوسم وال الكون واليها
حداه من الخروج الحارس الموجود والاصفاد=مفصلةٍ على يدين العرب وايضاً لرجليها
وألا ياحارس السجن الموقر شغل الطراد=وعطنا شاعرة نجد العزيزه لو بأذانيها
اخذها لو هل الظهران تعلن من بعدها حداد=وحط السلسله برجولها الثنتين ويديها
نبا غشام يسرح من صلاة الصبح مع كداد=عقب جات الكفاله وافيه من راس راعيها

ان كان حزب المدمر منكوي من شاعرة نجد=وامر بها للسجن عوده ماهي باول سجينه
ترحب بفايف ستار وهي سليلة عزه ومجد=باكناف حزبٍ من فعوله خصومه عارفينه
اما نصبح سراياهم غداً والا اهجد هجد=لين القرنبع مع طلوع النقى يظهر حنينه
عاداتنا لا اعترضنا جيش نبجد وسطهم بجد=ومواطن الضعف في كل السرايا خابرينه