بســم الله الرحمـن الرحيـم

الإخوة الأعزاء

السلام عليكم ورحمة الله وبركاته


كنا قد بدأنا في وقت سابق التصويت على القصائد المرشحة للقصيدة الذهبيه

وها نحن نعلن نتائجها بعد تنافس شريف سواء كان من لجنة التقييم أو نتائج المصوتين

فقد أخترنا بأن تكون المصداقية لنا العنوان الأمثل

فقد كانت نتيجة تقييم المقيمين للقصائد على النحو التالي

أسم المقيم : هزاع العاصمي : مراقب رواسي الشعر الشعبي

القصيدة الأولى : 25 درجه

القصيدة الثانيه : 24 درجه

القصيدة الثالثه : 23 درجه

القصيدة الرابعه : 20 درجه

القصيدة الخامسه : 24 درجه

أسم المقيم : حسين السبيعي : مشرف رواسي الشعر الفصيح والشعبي

القصيدة الأولى : 24 درجه

القصيدة الثانيه : 25 درجه

القصيدة الثالثه : 24 درجه

القصيدة الرابعه : 23 درجه

القصيدة الخامسه : 22 درجه

أسم المقيم : محمد القسامي : مشرف رواسي الإبداعات الأدبية والنثرية والشعر الشعبي

القصيدة الأولى : 25 درجه

القصيدة الثانيه : 24 درجه

القصيدة الثالثه : 24 درجه

القصيدة الرابعه : 23 درجه

القصيدة الخامسه : 22 درجه

نتيجة المصوتين

القصيدة الأولى : 6 من 25 %

القصيدة الثانيه : 1 من 25 %

القصيدة الثالثه : 4 من 25 %

القصيدة الرابعه : 9 من 25 %

القصيدة الخامسه : 0 من 25 %

النتيجة النهائيه

القصيدة الأولى : 80 درجه

القصيدة الثانيه : 73 درجه

القصيدة الثالثه : 75 درجه

القصيدة الرابعه : 75 درجه

القصيدة الخامسه : 68 درجه

عنونة القصائد حسب النتائج النهائية

القصيدة الذهبية

نور خافت والدرايش فاتحه والوقت ليل=والهواء يلعب على اطراف الستاير لعبته
والقلم بين الاصابع يرتجف مافيه حيل=كيف يجمع من شتات انسان ضاع بسبته
كان يعزف والسطور اوتار والدفتر شليل=شايب(ن)ربعه قصيد وراس بندر شبته
كان مثل المويه اللي ذوبت في البن هيل=فوحت ريح المعاني والدفاتر صبته
كان بيزا في عيونه واقف ولا فيه ميل=من طموحه لو ينادي للمقابر لبته
الامل عنده صلاح الدين والهاجوس خيل=يطعن برمحه على صدر الزمان وثبته
كن كسرى في زمانه يلتجي عنده دخيل=ونار ماجوسه شموع(ن)تحترق في رغبته
ومن بعد ذاك المكان اللي ملى دربه صهيل=شوفه اول من تساهل في طعونه حربته
مابقى بوجه الطموح الا حفر وآثار سيل=راح يربط في طعونه مابقى من جبته
والامل شايب ضرير(ن)متعبه هز الصميل=كل ماضاقت عليه تضمه اقصى غربته
ياوجوده وجد من ضاع لبرائتهم دليل=وياوجوده كل ماشاف السعاده كبته
ضاع مابين امه اللي جابته من بعد ويل=وامه اللي بعدها حنت عليه وربته
نبش جروح القصايد مابقى غير القليل=وانتبه من بعد غفله يوم ضاقت كربته
نور طافي والدرايش قفلت وقت المقيل=والهواء خلى الستاير ساكنه ومثبته

القصيدة الحاصلة على المركز الثاني كانت للرائع نياف العتيبي في قصيدته

( الجرح )

الجروح تختلف باختلاف اصحابها

فهناك جرح لايسبب مشكله

لان صاحبه يمثل خانة الصفر شمالا ً

وجرح تحتمله لان الوقت يتكفل بزواله

وجرح لايزول ومع هذا تحتمله لانه من اجل عين تكرم مدائن

اختاروا ماذا تمثل القصيده بالنسبة لي من الجروح

ياجرح مادامك من احباب عادي
ممنون لك ياجرح دامك من احباب

لويعزفك ياجرح مليون شادي
ماقلت بين الناس ياجرح الاسباب

ياجرح كم لك بين الاضلاع غادي
مايوم سمعتك ولاكلمة عتاب

ماهوب حبن فيك ولا عنادي
لكن غلا راعيك يفتح لك ابواب

ياجرح دامك مستقـرّ بفؤاادي
خلك كذا ياجرح مادامنا أصحاب

ياجرح خلك ضيف فوق الشدادي
ترى المعزب منك ياجرح ماهاب

أقلط على حدب الضلوع الشدادي
خل العيون إفراش ولحافك اهداب

ياجرح بلغهم تراي إمتمادي
في صدتي ياجرح ماني بكذاب

ياجرح لوطول عناي وسهادي
شبيت لك في ثومة القلب مشهاب

من شان تقنع من غثاي وجهادي
وتقنع معازيبك من جهاد الاشناب

القصيدة الحائزة على المرتبة الثالثه كانت لعذب البوح بدر العيباني واللتي كانت بعنوان

( واشيب عيني )

واشيب عيني من صواديف الأقـدار = الصباح الزين ماشـوف نـوه
جتني طوابير الحزن والفرح طـار = ياويـل قلـبٍ بالعـنـا ماتـفـوه
الحزن بعثرني وأنا كلـي أضـرار = والقلـب مستسلـم ولا فيـه قــوه
حطيت حزني فوق شيمات الأعـذار = لابـوك ياحزنٍ تعايشـت جــوه
والهم يقطف ضحكتي قطف الأزهار = ويحطهـا بالنـار وعيـش ضــوه
ضاعت ملامح فرحتي بين الأمـرار = لو الفـرح مخلـوق جانـي مشـوه
أصبح مع الأوجاع والليـل منهـار = ون قلت ياحزن أنتهـى قـال تـوه
ماجيـت أدور مـن عواقيبهـا ثـار = واللي تبيه مـن الكـدر قـوم سـوه
من ضيقةٍ بالصدر تكتب لـي أشعـار = ومن عزةٍ بالنفـس وحلـى مـروه
جيتك أمرر جملةٍ بيـن الأقطـار=ترى الجبل ون طاح جاكـم علـوه

شِفتـك وفكّـرت فـي مـن قـام بـك حـظـه = انـا أشهـد إنــه شقـي لـو ماتـقـر عيـنـه
وقفـت أهوجـس أغـض الطـرف مـا غُـضـه =وش لـــون أغُـضــه وانــتـي دوم تـغـريـنـه
بـــك جـاذبـيـه تـحــث عـاشـقـك وتـحـظـه = عــلـى الـتـمـتـع بـشـوفــك لاتـلـومـيـنـه
ياسعـد مـن أزهــرت بــك واثـمـرت أرضــه = يعـيـش فـصــل الـربـيـع بْطـيـلـة سْنـيـنـه
يقـضـي حيـاتـه مابـيـن أغصـانـك الـغـضـه= يـقـطـف ورودك ويـجـنـي مـــن بساتـيـنـه
ملـت سْنانـي مــن ابهـامـي وانــا عـضـه = مـاهـو نــدم وجــد عـاشــق ماتحسـيـنـه
كــــل الـمـشـاعـر بـحـبــك دوم مـكـتـظـه =ذا عــشــق يـابـنــت والله مــا تعـر فـيـنـه
واللي بـدا منـه لـك هـو بعـض مـن بعضـه =لـيـتــك تـحـسـيــن بـــه ولا تـشـوفـيـنـه
ياللـي ملكـتـي الجـمـال بْطـولـه وعـرضـه =مقـيـاسـه إنـتــي بـغـيــرك لا تقيـسـيـنـه
تزهـى بجـيـدك (عقـود المـاس) والفضـه= ويطـيـح سعـر الـذهـب لو مـا تـلـبــ ـسيـنـه
طيفك معي دوم في حلمي وفي اليقظه = وش لون أبنـساك واتنـاساك يـا زيـنــه
حـبـك تـوطـن فــؤادي صــار فـــي نـبـضـه = ساكـن مـع الــدم يـجـري فــي شراييـنـه
ويابـخـت مــن لــه نصـيـبٍ فـيـك يـاحـظـه = يكفـيـه شـوفـك مــن هْـمـومـه تسلـيـنـه

القصيدة الحائزة على المرتبة الرابعه كانت للشاعره المرهفة الحس الشيهانة وكانت بعنوان

( الشوق والحرمان )

الشوق والحرمان مـكتوب اعانيه =والا الفرّح قفى ومحدٍ يرده
عزالله ان الوقت بانت خوافيه =والحيل يصرخ من همومٍ تهده
قلب العناء مجروح والهم باريه = مـن يرحمه من جور وقتٍ يضده
لو يتمنى ما تحقق امانيه = مات الأمل من بعد ذيك الموده
يامن يجيب العلم والا يوديه=للصاحب اللي ماتجمّل بصده
لاواحسايف عقب ما نيب شاريه = باع الغلا والهجر سيفه يحده
لايحسبني لو تشرهت ناسيه=من يوم جزره يسبق اليوم مده
ياويل قلبي كل ماحل طاريه =فز الخفوق وبيح القلب سده

الف مبروووك للشاعر المميز بندر الشاطري

والف مبروك للجميع قصائد رائعه
فعلا مجهود عظيم وتنافس شريف
ودمتم جميعا ومن تفوق الى تفوق ان شاء الله
تحيااااااااااااااااااااااااااتي