آخر 10 مشاركات
|
|
|||||||
| مرسى النقاش .. تتعالى الأصوات بلسان عربي مفوه وحجه بينه .. |
 |
| انشر الموضوع |
|
|
أدوات الموضوع | انواع عرض الموضوع |
17-12-2016, 09:17 PM
|
#1 | |
 
|
كم مهرك ؟
السلام عليكم ورحمة الله وبركاته
كيفكم اخباركم فيه موضوع يقرقع في في قلبي له كم يووم ومتردده اطرحه هههههه عاد اليووم قررت اني اطرحه ومنها ننشط القسم اللي له فتره راكد >>>>> بدخل بالموضوع اللي هو غلا المهور ومصاريف الزواج بشكل عام يعني لو راح نحسبها حسبه بسيطه كذا .. مثلا نقول الشاب بيصرف على زواجه الآتي 35،000 قاعة احتفالات 20،000 ذبائح 10،000 بوفيه مفتوح 60،000 مهر .. فرقه ل احيا الحفل اقل شي ب 6000 يعني هذي تقريبا 131 الف مع الكماليات الاخرى مثل الهدايا ا مصاريف شهر العسل فنادق تذاكر ... الخ ممكن يوصل المبلغ 200،000 (مستوعبين) 200،000 ربع قيمة بيت ليش طيب كل هل الاسراف والتبذير ليه كل هالخساير على ليله وحده ليش كل مظاهر البذخ هذي في ناس تموت جوع افرح بزواجك محد مانعك ولاكن كل شي لازم يكون بدراسه وتخطيط مو ضروري تحط عشاء عشر روس من الغنم وثلاثه اربعه من الحشو موضروري تروح تاخذ قاعه بخمسين اربعين الف وش تشكي منه اللي بعشرين الف اذا بتحط ذبايح تكفي عن البوفيه او العكس >>>> ونجي للمهور ليش يابنات هالغلا 60 ، 70 ، 80 ، لا وفيه ناس توصل عندهم 150،000 يسرو ولا تعسرو 40 او ثلاثين حلوه وربي راح يبارك لك : قال صلى الله عليه وسلم اقلهن مهورن اكثرهن بركه >>>>>>>ارجو التفاعل من الجميع سوال للبنات . كم مهرك بكل مصداقيه ؟ سوال للجميع. هل تؤيدون المبالغه والاسراف الزائد بالزواجات؟ |
|
|
التعديل الأخير تم بواسطة عابره ; 17-12-2016 الساعة 09:25 PM
|
|
17-12-2016, 09:28 PM
|
#2 | |
  
|
صدقتي قلبي والله موضوعك مهم وزادت العنوسة والسبه غلاء المهور وتكلفه الزواج اصبحت عبء على الشباب ياليت كل اب يراعي ظروف الشاب ويسر الامور بالنسبه لسؤالك كم مهرك باقي ماتزوجت ههههههههه جميل طرحك وهادف دمت بسعادة قلبي
|
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !!
|
|
17-12-2016, 11:45 PM
|
#3 | |
 ريوف القوافي
|
ياسلام عليك يالجين تسلمين غاليتي موضوع جميل جدا ومهم جدا جدا جدا والوضع سيء لابعد الحدود بس ما احد يبي يعترف !!!!.. يقول المثل اسأل مجرب ولا تسأل طبيب بالنسبه لي... كنا نستحي ولا لي شور بالمهر...ابوي ماشرط غير تكمل دراستها بس.. عطاه عمي (30 الف) نقد وطقم ذهب ب(15الف) ومن الثلاثين عطوني 10 الاف تقضيت ماخليت شي في 3 شنط والزواج اشتركوا فيه ابوي وعمي وعمامي الباقين وخوالي ماقصروا بعد .. واهل زوجي خذوا صاله للحريم متواضعه. ولا فيه لا بوفيه ولا شي صحون رز ولحم ... وجابوا فرقة طقاقه من الاولين حقين البراقع يازينهم.. رقصت العااالم والحمد لله... لكن ........... تعالوا يوم زوجت ولدي... بنت عمته دفعنا 60 الف.. قالت العروس من خلف الكواليس والله اذا مايدفعون 70 ما اعرس.. زوجي خالهم قالوا اخوانها لاختهم خلاص 10 من عندنا مانقدر نتشرط على خالنا... وخذينا صاله ..ب40 وكوشه وبوفيه للحريم.. وضيافه.. والعود والعطور والبخور..والعاملات المضيفات.. وعشا الرجال.. وضيافتهم ... والولد يدرس بامريكا ما معه راتب.. ويبي يجهز بيت كامل... وابوه قام بكل شيء طيب.. واذا عندنا اكثر من ولد.... ولله الحمد... وش بيسوي الاب وعياله.. انا مع تحديد المهر ...من شيخ القبيله.. واللي يزيد يعاقب.. 40 الف كامله مكمله حلوة.. عشان العيال والبنات يتزوجون والبنات ذبحتهم المشاوفه... هذي مهرها كذا..وش معنى انا اقل وشرطت كذا وكذا وكذا وانا وشفيني ماني ناقصه ما اتشرط... صاروا البنات متشرطات ...والبلا في امهاتهن المفروض..تستحي البنت ما عاد فيه حيا...واكثر اللي يتشرطن ماهم بذاك الزود بعد... الله يهديهم ...ويهدينا ويهديكم ويهدي الجميع لما فيه خير وصلاااح تحياتي ريوف القوافي |
|
 
|
|
18-12-2016, 05:57 AM
|
#4 | |
|
ب النسبة للمهر باقي ماتزوجت
لكن اكيد ضد الغلا مافيه احسن من البساطه كلها بركه سلمتي ع الموضوع الجميل |
|
|
|
|
20-12-2016, 02:13 AM
|
#5 | |
|
لجونه
هذي ثالث مره ادخل موضوعك كل مادخلت يجيني شغله موضوعك جميل ولكن .. >> دوعابه مافيه لكن (؛ الشباب زعلانين عشان غلاء المهور وفي المقابل كل واحد يزوج اخته وبنته بـ هالمهر واكثر !! المشكلة مو بالمهور المشكله الخرابيط والتكاليف القاعه والكوشه والتوزيعات والتقديمات والمنسقات والعشاء والحلى والبوفيه والفرقه والطقاقه ضيافه اشكال وانواع يعطيكِ العافيه ع جمال الطرح ي غاليه .. |
|
|
التعديل الأخير تم بواسطة رحيل ; 20-12-2016 الساعة 02:20 AM
|
|
21-12-2016, 05:47 PM
|
#7 | |
|
صدق القائل أنه ﻓﻲ ﺯﻣﻦ الرسول عليه الصلاة والسلام
ﺳﻬﻠﻮا ﺍﻟﺤﻼﻝ ﻓﺄﺻﺒﺢ ﺍﻟﺤﺮﺍﻡ ﺻﻌﺐ ﻭﻓﻲ ﺯﻣﻨﻨﺎ ﺻﻌﺒﻮا ﺍﻟﺤﻼﻝ ﻓﺄﺻﺒﺢ ﺍﻟﺤﺮﺍﻡ ﺳﻬﻞ تحياتي أختي الفاضلة |
|
|
"هذه التعاسة الرماديّة في عينيك
ما سرُّها؟ وماذا أستطيعُ أن أفعلَ كي ألوّنَها"
|
|
24-12-2016, 05:32 PM
|
#8 | |
|
http://s02.arab.sh/i/00062/irjk1h63w93v.gif
|
المبالغه بالمهر صارت عاده معتمده عند اكثر العائلات مما سبب العنوسه لدى البنات والشباب مشكوره على الموضوع الرائع |
|
|
____________
|
|
«
الموضوع السابق
|
الموضوع التالي
»
العرض العادي
|
|
