قريت لي قاف وحرك ذهيبه=وسط الحشا محطوط من دونها حجاب

يا عودنا المغوار ما هي غريبه=انك ليا غنيت شديت الاطناب

عود محنك من سلايل عتيبه=قبيلة يحسب لها دايم حساب

ودواك يا ناصر عجزنا نجيبه=يقولها قلب من الذنب ما تاب

واللي دفن معناه باوسط قليبه=لا بد ما يارد على العد جلاب

يامرحبا من باب مكه لطيبه=ترحيبةٍ تزهى مفتلت الاشناب
سجين لك هيبه وللشعر هيبه=حشمه وقدر وهيبة اجلال واعجاب
شريك للابداع والا نسيبه=الصعب لك يخضع ويذعن وينساب
سجين عزي للعيون الكئيبه=ماتحتمل من مابها لمسة ذباب
رموشها مما تعاني امشيبه=عمرك لمحت الشيب في عكش الاهداب؟؟

عنوج اظن النفس ماهيب تلعه=حتى لو انك ضمن تلعات الارقاب
اللي يشبن بالسراجيف ولعه=وكل القلوب الخضر بيديهن العاب
كم قلب شيخٍ عندهن صار سلعه=وكم ضبيةٍ سادت على سيد الغاب

يا آمر السجن بالله قم وقل يامسندي للخفير=ردود ربعك رتوشات بسيطه خلها خلها
فكك كلبشات ابن عواد يارجال بعد الأخير=نفذ اوامر رئيسك والكلبشه حلها حلها
واقبض على البنت غنوجه قبل تحتاط منك وتنير=بالشوشه اللي تشابه للعراده تلها تلها
السجن للي اعقيله ترللي يمكن استر واخير=من ضحك هالناس اراه احسنلها احسن لها
رغيب ما هقوتي يسد جوعتها التويس الصغير=دور معه ديك رومي اشترلها اشترلها
يا آمر السجن ياشيٍ بقلبي يوم يذكر خطير=ليا تذكرتهم كبد الشقاوي ملها ملها
العين حورا وخده بدر والقتال سيفٍ شطير=ومنطوقها العذب ييد دلها دلها
ياليتني ياولد عواد قبل اشبك معه مستخير=لكن معه المشاعر عاصيتني كلها كلها

زوروا غنج وارهو عليها التسالي=وهاتو لها تمره ودله وبراد
كرفستها بالسجن ياهملالي=احسن خلف لحسن سلف ابن عواد
العاصفه باخصامها ما تبالي=مدمريه قالته !!قلت وش عاد؟
وقت الغضب نهد صلب الجبالي=وليا رضينا نرهي الكيف والزاد
مع احترامي للبني والعيالي=والخصم ماحنا على كيف ما اراد