البارحه فالقلب بارق ورعّاد = مانامت عيوني تقالب عناها
تسوقني يم الحزن غصب وانقاد = همومي الي بيح الله خفاها
وطيت نار الحب ماني بنشاد = ودي اجرب لذته وش وراها
يمكن يزين الحظ وتقر الاكباد = ويمكن جروح القلب تلقى دواها
واثر المحبه بعضها هم وجهاد = ياليت روحي جنبت عن شقاها
اربع شهور الهم صادر ووراد = واربع شهور العين ماجف ماها
واربع شهور الكبد ماتقبل الزاد = واربع شهور الضعف حالي براها
اربع شهورً ماتهنيت برقاد = بسباها راحت وانا في رجاها
ماهي ببنت الشام ولا بنت بغداد = بنت السعوديه عساني فداها
ام العيون الناعسه جرح الافواد = تذبح عزيز القوم شوفت حلاها
وام الخدود الناعمه جمر وقاد = ماقط مكياج النساء يوم جاها
والخشم سلت سيف من خلقته حاد = ومن صافي الحالي تقاطر شفاها
وشعرً ليامن فلته بنت الاجواد = شلال نهرً سال واغرق عداها
ورمانتينً بارزه كبر و عناد = بشموخها قدم الخلايق تباها
وخصرً نحيل اليا انثنى يلهد اكباد = وردفً ذبح من قام يمشي وراها
سادات الارض اليا مشت مثل الاسياد = ماتعترف بملوكها وومراها
اليا مشت تنثر من المسك والكاد = تنبت بساتين الزهر من وراها
الله يكافيها نظر كل حساد = ويستر عليها وين مقفت خطاها
عطيتها قلبي غلا مير مافاد = ازريت لفهمها ولا اكسب رضاها
مير الاكيد القلب وان زادت بعاد = يموت يحيى يابشر مانساها
. =
. =
. =
..,,..,,..,,..,, وسلامتكم ,,..,,..,,..,,.. = ..,,..,,..,,..,, نايف العصيمي ,,..,,..,,..,,..

ماهي ببنت الشـام ولا بنـت بغـداد = بنـت السعوديـه عسـانـي فـداهـا

أحسنت أخي العزيز/نايف العصيمي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز