طول غيابك ليه ماعاد تنشد=تبغى تقيس الشوق ولا قطاعه
لاتشد حبل الوصل ماعاد ينشد=للصد ابد ماعاد عندي مناعه
ارخيلي اطرافه ترى القلب مجهد=منك الجفا زود عليه التياعه
علي صرت اليوم بالوصل تزهد=وانا الذي شوفك اشوفه طماعه
قلبي من الاشواق غيم(ن)ملبد=وقلبك من الاشواق دهر و مجاعه
احساسك المرهف علامه تبلد=مشاعري عندك تدور شفاعه
حنا على مركب وفي بحر ممتد=ولازم نوازن دفته مع شراعه
قدامنا غيم(ن)له قنوف ترعد=ومن خلفنا موج(ن)شديد اندفاعه
كلما قربنا الشط وش فيك تبعد=على ضفافه بس نرتاح ساعه
اعيتني الامواج والريح والصد=حيلي فتر ماعاد عندي استطاعه
لم الشمل غايه ولي فيه مقصد=وفض الشمل عندك يساوي اجتماعه
لو كان لي قلب(ن)على الهجر يصمد=حديت قلبك لين يبدي انصياعه
اما يزين الوضع والنفس تسعد=ونردم طريق الهجر قبل اتساعه
ولا فراق ان كان وضعك تعقد=وارتد قلب(ن)كان عندك وداعه