قدّمت باثبات وبراهين وشهود=معروض شكوى حال جور المودّه

من باب حفظ عهود وخيانة عهود=والوجد مع حرمان نوم المخدّه

اقيم دعوى إنكار للحب وجحود=ضدّ الذي في يوم ما صرت ضدّه

الصاحب اللي لشوفة عيونه السود=يجوض قلبٍ بيّح الشوق سدّه

شوفه مثل شوفة هل الذود للذود=يرفض بمنزال الحيا عقب شدّه

في خايعٍ تومي بنوّاره النود=يشوق من حاضى النداوي وهدّه

عزي لحيٍّ ماهو انسان مقرود=لكن حظوظه عن مراده تردّه

يقول ليت الوقت للماضي يعود=قولة ابوه اول من اول وجدّه

نديم القوافي
محمد العواد