يانزيل السجن لك مني تحيه=عطرها كمبودي وهندي وجاوي
الضحى ما انت بكماك ابهالعشيه=بك سطر واتشوح في كفٍ رهاوي
من ينشأ بالحلي ياحي حيه=ما اتحاقر مثل ما يجرح يداوي
نيتك حذرا اتبدلها بنيه=ولا تطيح الا على الحزم امتساوي
الصراحه حق والتضليل سيه=وقد عقدنا العزم وانت اليوم ناوي
ومن بعد تقديمه ابا ارجع شويه=لي يابو قاسم طرت عين النداوي
جادلٍ هيفا هنوف وغشمريه=جيدها منتوق معه القرط هاوي
العيون رموشها صفة سريه=غصن موز لكل خصلة زين حاوي

سجيننا يالربع ياخف دمه=وزادت بعد ما قدموا له بريره
وان كان جابت زود جاب المطمه=وسكر على باب السجن في سريره
من يزهمه يقول مانيب يمه=اعذر بمامور السجون وخفيره
عليه ربه كل خيرٍ يتمه=وعلى الامير يحن قلب الاميره
لو رمي مهره صايرٍ فيه زمه=رمي البصر من دون رمي البصيره
حزبي كما عدٍ غزيرٍ مجمه=ميراد لاغارت عدودٍ غزيره
ليا نفذ محمد شماغه وكمه=وسيف القوافي جرده من جفيره
وجت شاعرة نجد ودرت بالمهمه=ونجلا ليا شافت وضاقت خطيره
ياويحكم من ليلةٍ مدلهمه=لكن قولو جعل بالصلح خيره