آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
19-07-2011, 01:37 AM | #1 |
|
من لا يقول الحق في وجه ظالم
السلام عليكم اعضاء الصرح النايف ومتواضعه ترجي القبول من لا يقول الحق في وجه ظالم=ظلمت وجه الحق لا انعد رجّال واللي بِقول الحق تلقاه والم=رجّال لكن حق عن عشرة ارجال الحر سيف لشفرة الظلم ثالم=عونٍ مع العدل وعلى الظلم سلّال واللي يتاجر في هموم المظالم=برماح دعوات المظاليم ينطال ومن لا يجيب العلم من راس عالم=قهواه من دلّة هل الجهل فنجال لا يفتكر بانّه من الجهل سالم=ساحب ذيول الجهل من روس جهّال والغدر لقلوب المشاكيل كالم=والجرح كنّه غيم بالغبن همّال الشهْم ويّا الغدر ما ينتوالم= الا إذا أَمّ المصلّين تمثال لو ما انغدر بكليب ماثار سالم=ولا ينكتب بالدم لا اتصالح انذال واللي على العيلات دايم مسالم=داس السّطر وانداس باقدام عيّال يسامح بثنتين شيمه وإذا لم=يبين فضله فيهم ايثور ريبال والطيب طود اسمه فريد المعالم=بعيون هامات المراجل له اجلال واللي بدون افعال يرقاه حالم=لازم فعول اصدق من فعول زلزال فعايلٍ من كل عيبٍ سوالم=ما كنّها الا ديمه امطارها انفال منها الصحارا الجدْب تحيا عوالم=وارمالها تلبس من الخير سلسال حينه يكون الطيب شكْل السلالم=يرقى بفعله فوق راسه ويختال ورجلٍ بدون افعال للنفس ظالم=ولطمت وجه الحق لا قلت رجّال |
|
19-07-2011, 01:46 AM | #3 |
|
بدر المورقي
والطـيـب طـــود اسـمــه فـريــد المـعـالـم بعـيـون هـامـات الـمـراجـل لـــه اجـــلال صح صح لسانك وعلا شانك جزله من شاعر جزل بمعنى الكلمه الف لاهنت تقبل مروري وتحياتي
|
|
19-07-2011, 02:12 PM | #4 |
*0(لليــ زائر ــــل)0*
رمادية الهوى
|
:
: الـشـهْـم ويّـــا الـغــدر مـــا ينـتـوالـم.......الا إذا أَمّ الـمــصــلّــيــن تـــمـــثــــال : : ثلــة من البشـر..لا يفقهون شيئا سوى العيش كالطفيليات على ظهور الآخرين.. وتلوين أنفسهم بما لا يُرى من صفات حميدة في سواد قلوبهم.. منتمين للرجال مظهرا لا جوهرا . : : الشاعر : بدر بن ناصر صح لسانكــ |
|
19-07-2011, 02:53 PM | #5 |
|
مرحبا يالبناخي وحياك
من بيت خالك الى بيتك بالكويت وصح لسانك ياجزل وريث شعر ولو قلت الى يوم البعث ماكفيتك ماتستحق من المدح الذي لا زيف فيه مروري وكل تقديري وسلامي لكل من حولك |
|
19-07-2011, 03:08 PM | #6 |
|
رااااااااائع يالشاعر
صحححححح لسانك ملايييييين قصيدة كلها حكم ابدعت دمت بخير |
اعتذر عن الغياب الطويل وأعتذر عن دمووع
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عالم الأموات ..((من اجمل ماقرأت)) | كبرياء روح | رواســي الـقصص والـروايات | 2 | 18-11-2011 06:06 AM |
سفينة أيران الى اين ؟؟؟ | النجلاء | رواسي المواضيع العامه | 5 | 30-10-2011 11:10 AM |
من اقوال العباقرة | علي الزهيري | رواســي الـقصص والـروايات | 7 | 19-02-2011 10:41 AM |
جوال المرأه الميته | أحلاهن وأتحداهن | رواســي الـقصص والـروايات | 22 | 09-07-2010 01:40 AM |
حوار كشخه في المسن | دلوعة الشرقيه | حكاية إبتسامه | 7 | 20-12-2008 08:01 PM |