تعال ياسكر نبات العشق ياملح القصيد=غيبتك لي مده وانا أغني على طاروقها
قصيدةٍ موالها تهتز له خضر الجريد=ترخي هماليل المزون اللي تلوح بروقها
ابيات وانظمها مثل ماينظم العقد الفريد=ومشاعرٍ تليق بي وانت وغلاك تلوقها
ناديت لك وانت القريب من المحاني والبعيد=وسقت القدم ولاّ لغيرك مستحيل اسوقها
مديت لك كف الرضاء والعشق والعمر الزهيد=ومدللك مثل الرجَال اللي تدلل نوقها
واصبحت تسري وسط شرياني وترجع فالوريد=تقفي وتقبل وانت لي طعم الحياه وذوقها
ياراس مالي يوم مالي لاحساب ولا رصيد=فالبنك والاسهم نموت ولادخلنا سوقها
تعال قربك عيد والبعد ضربه من حديد=يامن تشب النار بغيابي وانا آطى فوقها
اشعلت بردي في دفاك وذابت امواج الجليد=اللي شواطيها تحرّى فيَتك وشروقها
وكتبت فيك اغلى القصيد يفيد ولا مايفيد=ابيات لاغنيتها تروق لي وآروقها
عامين أحايل رفقتك والعمر ينقص مايزيد=وسنين ادور رفقة اللي رفقته مابوقها
تعال وأفعل ماتبي والله يفعل مايريد=اترك كلام اللي على السيره تبّل حلوقها