ليتني مارحت يانواف للشرقيّه=وانتهت كل الاجازه فالرياض اشوالي
شف على وجهي من آثار الهوى ماريّه=لو ابخفيها واكابر بيّنه في حالي
صدفة" مادامت الا ساعة" عصريّه=وانتهت في ظل ظرف" يقهر الرجالي
والظروف اللي ماتعرف رحمه وماويّه=زوّدت همي عليّ وزودت غربالي
والهوى اللي يطرح العاقل بحب بنيّه=مايقدّر طيحة العاقل بفرقا غالي
والله اني من فراقه صابني نفسيّه=صرت اسولف من خلايه في خلاي الحالي
انقفل باب الرجا من شوفته موليّه=وحال من دونه ظلام الياس واعزالي
مابقيلي غير ذكرى" في خفوقي حيّه=كل شي ايطيح من عيني لامرّ افبالي
ومن بعدها كل اجازاتي على الشرقيّه=لو أقضيّها على شاط الخبر بلحالي