ياليتني اعرف خطايه على شان=
اقول معك الحق يالي تغلين

ان كان لك حقن عليه وبرهان=
نذرن عليه لقنعك لين ترضين

حنا حبايب بالمواصل وخلان=
واليوم اشوفك بالمواصل تخلين

مايستوي حبن وزيفن وحرمان=
يمكن غرورك ضيعك لاتشوفين

الحب فقلوب المحبين سلطان=
وفي وقتنا ياقل صدق المحبين

ناقف مواقيف الوفاء دوم عتبان=
وفين ونمد الوفاء للوفيين

ياما وقفنا وقفتن ترفع الشان=
تجلع ستار الذل ياكامل الزين

واليوم روحي وتركي كل ماكان=
يبقا بقلبي ذكرها لو بعد حين

حتى الرسايل سجلت دون عنوان=
خط الوداع الي بليا عناوين