السلام عليكم

الشاعر القدير سعود بن عبيد العتيبي وجه لي 3 ابيات وخصني بها ويقول فيها :

في ضامري ياعود بنك ن وصراف = وليا بدعت القاف مافيه خله
انا شهيد الحب من ماض الاسلاف = اقدم على الخفرات من دون ذله
علمن يبين وعلم تخفيه الاصداف = وانته جبل ظمن الجبال المطله

لاشفت لي بالشعر باخص وعرّاف = اغوص في معناه دقه وجلّه
تارد هواجيسي وأهجرس على القاف = واحلل الشفره على كل ملّه
ياسعود كيف انت وعسى مابك اخلاف = لو كان مافضفضت بالعلم كله
الحب يابو عبيد له عدّة اصناف = ما يبخصونه غير ناسن مقلّه
حبٍ على نهج الشريعه وشفّاف = مافيه للرجال توعه و زلّه
على النقاء نفرش له افراش ولحاف = ساسه جويد ومايجي فيه خله
وحبٍ ماهو متبادلٍ بين الاطراف = خلٍ عنيد وعاشقٍ فيه علّه
راعيه ميت حظ واسنينه اعجاف = عمره قضى واللي يبي ما حصل له
وحبٍ سخيف وفيدة انفوسٍ اضعاف = الله لايثري ثراه ويبله
كوارثه بالخلق تعرف وتنشاف = وروابعه ترميه مع كل شلّه
والله نهى عن ذل الانفس والاسراف = والعاقل اللي نور عقله يدله
ماهوب عيب نعيش بقلوبٍ اصخاف = العيب سوق قلوبنا للمذلّه
هذا وانا فيما مضى كنت ميلاف = قلبي صخيف وقد غدى من محله
قد خذت لي في ساقة الحب محراف = وانكفت ماباقي من الحب بلّه
هيضتني ياسعود في بدعت القاف = وعرفت وضعك لكن ازريت احله