هنا متنفس الأقلام
هنا مساحات البوح اللا محدود
هنا مكان الكلامات
هنا لطف الهمسات
هنا سأكتب على جدار الزمن مايحلو لقلمي أن اكتب
هنا بوح الذكريات
هنا الأمنيات
هنا عالمي اللامحدود
شعرآ ونثرآ وخواطرآ تستكن في دواخلي
لاكتبها على جدارالزمن
وسنعاود الكتابة حين بعد حين
فهنا موطن الذكريات
وجدار الزمن والأمنيات

مخـــ/ــرج

ابدابها قبل الحمول الثقيله=هذي وصاتي والمشاعر على نار
بالله خالد لا ذكرتوا رحيله=قولو رحمه الله ترى الوقت دوار

وتم التعاقد مع تسجيلات عين الشمس الاسلاميه في انشاد القصيدة..

وسيتم تنزيلها قريبا في شريط يحمل اسم [[هموم امة]]

وقام بإنشادها المنشد محمد الركبان

وهذي بروفا للعمل الذي سيرى النور قريبا والله يوفق الجميع...

ماخذيت الشعر من خال وعمامي=ولا شريته خالص ن من حر مالي
ولا سرقته فالخفاء مثل الحرامي=ولا استعرته من صديق ولا هنالي
ازهم الهاجس يجيني بالهمامي=اترك الهزله واجيب امن الجزالي
كني اقطف من بساتين الزلامي=اشرب امن الشعر عذب الماء زلالي
ارتويت ولو تبون الصدق ضامي=شاعرن موهوب والمعنى خيالي
شاعر محنك سياسين نضامي=ارتجلت الشعر والوزن ارتجالي
امسك الطاروق واشد الخطامي=عزي آل حاله وانا عزي لحالي
غارق ن فالبحر والمركب حطامي=من نشدني قلت له داله وسالي
والحقيقه في خفوقي جرح دامي=مايغيره الزمان ولا الليالي
كل ما طاح الشقاء عود وقامي=ليت دولاب الدهر مره صفالي
لو يقولون انت صوفي ن وجامي=اجبر النفس الشقيه للحلالي
قاطعن بالموس عرقك يالغرامي=ما تغز لنا بنرمين ومعالي

يا ناشد ن عني عسى ما تعنيت=بعطيك مؤجز عن حياتي وملام
انا العليل الي عن الشعر صديت=مليت من نظمه ومليت الاوهام
مليت من لعب الطواريق مليت=مليت شوف البوك مليت الاقلام
حلفت قبل اسنين مكتب ولا بيت=واليوم دار الحول ما جاني ألهام
ياما على المسحوب بصوت جريت=وياما على المنكوس رزيت الاعلام
وياما بصوتي للهجيني تغنيت=وياما على البحر الطويل أنصب خيام
كتبت لي ديوان باسمه تسميت=الاسم خالد واللقب صار عزام
ما قد قراء الديوان حتى هل البيت=ما بين عيني والورق خط الابهام
على حساب الشعر ما قد تمنيت=مداني الشهره ولا حب الاعلام
أدله مع العالم وأضني تسليت=وأضحك وانا خاشرت بالحزن الإيتام
تدري وش المقصود ياعالي الصيت=يقولها اللي قد تولته الاحلام
قفيت عن طرد الرعابيب قفيت=سكر على قلبي يقيني بالاسلام
اليا شلع بصوت مضحي توضيت=وسجيت للمسجد مع الذكر الاقدام
ورميت همي خلف ظهري وصليت=فرض ن كتبه على كل الانام
عرفتني ولا لهألحين موحيت؟=أنا فقيد الشعر من ذخر غنام

بعض البشر في عينه الحقد ينشاف=ما يستره رمشه ولا أهداب عينه
ياليت بعض الناس مثلك يا نواف=طفل ن صغير ولا تعرف الضغينه
قلبك نضيف ومن ورى الثوب شفاف=وبعض البشر قلبه ملته الغبينه
على لحم جسمه من النار ما خاف=يلحس ذنوب الناس بصبع يمينه
وان قلتله يا زيد لا بد الانصاف=كنه على لسانه تكلم قرينه
يقول من ينصف مع الناس ينعاف=ما يدري ان الموت يقطع سنينه
تقرا بخط النسخ في قلبه غلاف=عليه مكتوب المرض خابرينه

يابو جديل ن ما لبس فوقه اوشاح=توه صغير السن يا ويل حالي
طبيب قلب وموس الاهداب جراح=ارفق على خالد وكب الهبالي

أيا سارق ن مهجتي والفؤاد=رايتك ضيف ن اتا طارقى
لعمرك بعد الكرم مكتفيت=رايتك من اضلعي سارقى
حملت الفواد على راحتيك=فصارت عروقي بلا خافقى