آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
08-12-2019, 06:18 PM | #42 |
|
وين القدور وين هاك الوقايا يوم (ن) كل قدر يبرا له وقات وين المعصّم فيه زري وزوايا وين العبي اللّي عراض وطويلات وين الحلاق وين هاك الحوايا وين الجدايل فوق الامتان صفّات وين الشرف والجوخ راحت حكايا وين الكموم مطرزات بدقات وين المريكاني وهاك العبايا وين المرورت المسمى أبو شلحات الساحلي اللّي بقي له تلايا ماعاد له ياكود تكفين الاموات وين الزعب وين هاك الركايا وين (الوليدي) فيه قرو ومصفاة وين الغروب بصافي الما ملايا على معاويد حدور وقبلات ومحّال تسمع له ونين وعوايا مثل الذياب اللّي خلايا مجيعات وين الركية والبيوت الدنايا متماسكة مثل اليدين القويات وجنب الركية مسجد له بقايا فيه الذكر لله وفيه المناداة وين (المجيلس) والعلوم الطرايا تسمع سوالفهم جداد وقديمات وين الزبيل متوبك بالعرايا وين الشمال وين هاك المحشات بادت مثل ماباد شن السقايا مثل الصميل اللّي جدع له بمضماة وبدلهن المعبود رب البرايا يعطي من الدنيا ويهدي الجنات الأديب الشيخ سليمان بن موسى الموسى |
التعديل الأخير تم بواسطة خيال مطير ; 09-12-2019 الساعة 01:07 AM
|
09-12-2019, 01:09 AM | #43 |
|
هيّض على القلب برّاق سرى ليلة هيّظ على القلب بّراقه ليا ناضي جعله على صاحبى يرخي هما ليلة يرجع به الوادي المسنى ليا فاضى يمطر على صاحب جتنى مراسيله وأشف قلبي تذكّر دورها الماضى يا صاحبى عبلة (البرّه)مداهيله على سجى العود مرباع ومقياضى ما هو بيقرا الكتاب ولا معى حيلة يروح منّا مراسيل على الفاضى شعر- نمر بن عدوان رحمه الله |
|
09-12-2019, 01:31 AM | #44 |
|
عندما يضحك البحر
يوم غبت من الرياض وجيت بين أحضان جدة ذيك يبكي برها. والثانية يضحك بحرها غبت عني يا حبيبي في ليال العيد مده كل ليلة عن شهر. وأضرب ليالك في شهرها راح من عندي وأنا خايف. وهو ماهوب وده والعواصف فوق جده سيلها يسبق مطرها لو ما خاف من العذول ونظره الحساد ضده كان أقيم بجنب أقامتها. وأسافر مع سفرها الحزين اللي بكا قلبه عليك وباح سده أنت تدري فيه حيل. وحالته عندك خبرها من مطار العاصمة عوّد ودمعه فوق خده كن دمعه يغسل جفونه قبل جيّت سهرها تحرجه نظرات خلق الله ولو بالغ بصده تلتفت فيه البشر لو كان جنّب عن نحرها في خياله طفله تلتف بأحلام المودة وإن تفاجت تختفي باكفوفها ولاّ شعرها أنت أصغر بنت حبت. وأنت أكبر مستبده وأنت أقرب من عيوني. وأنت أبعد من نظرها يا حفيد اللي لهم عادات. فوق الخيل رده يوم كانت تركض الصفراء وجدك في ظهرها ليت أبويه توم أبوه وجدي المرحوم جده مثل ما قال المثل دارٍ بناها من حجرها بالوفا قدي. وأنا في معطيات الحب قده احتريها إن أقبلت. وأن وقفّت اقتصيت أثرها وأهني اللي تملك حبلها والكف شده أشهد أنه في نعيم. ولا نقص ماله مهرها إن كسبها ألحظ وألاّ العقل ناقف عند حده رافعه فوق السماء قبل أًفه بأنه قمرها خالد البقمي |
|
09-12-2019, 01:34 AM | #45 |
|
يا العين لا تبدين للناس الأسرار الله على كتم السراير يعينك ويا دار وين اللي يصلّون الأسحار اللي بركعات الضحى عامرينك ما ضيّعوا سنّه ولا عاتبوا جار تمسكوا بأحكام حقّك ودينك راحوا وحنّا اللّي بقينا على الدار ولا بدنا مع دربهم هاجرينك العمر له تحديد ساعة ومقدار وين الذي قدّامنا عامرينك شعر-بدر الحويفي |
|
09-12-2019, 02:00 AM | #46 |
|
بحر جده
يا الساحل الغربي ويا بحر جده بالله سلملي على قرة عيوني وقله ترى مغليك قد باح سده من يوم غبت وعاشقك حيل محزوني وقله ترى ما غيره أحد يوده ولا يبي غيرك من الناس مظنوني وقله ترى صبري وصل لين حده وكثر البطى لا زاد زود جنوني القلب كن الهم عقبك يهده ما كنه ألا بين الظلاع مطعوني يلي مكان صعب غيرك يسده يا أعذب قصيدي وأصدق إحساس وشجوني يلي الحرير يذوب من لمس يده ويلي بريح الورد والزين معجوني وأنا ادعي الله كل يومن يرده وكحل عقب غيبته والله عيوني ناصر المنصور |
|
09-12-2019, 02:06 AM | #47 |
|
شفت الغضي متقنع بالوريسي متمشلح فوق الوريسي سمل جوخ الى وطا بالقاع ينبت غريسي ينبت به الرمان والتين والخوخ ريقه حلا من سكر له بكيسي واحلا من السكر مع الدر مطبوخ بالظن والا ما عرفناه قيسي عسيرة بنت الاجاويد وشيوخ ساكر الخمشي |
التعديل الأخير تم بواسطة خيال مطير ; 09-12-2019 الساعة 02:11 AM
|
09-12-2019, 06:37 AM | #48 |
|
يمال العافية على الإبداع والجمال في تأتي به
من الاعماق كل الشكر وفي الإنتظار دائماً بالتوفيق |
لاصرت في صحتك والحال مستور = يغنيك عن بعض الرفاقه رفاقه منتب على طرد المقفين مجبور = أما الوصل وإلا بلاش العلاقه - ديواني الإلكتروني |
|
|