آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
03-07-2016, 07:18 AM | #71 |
|
السلام عليكم
صبحكم الله بالخير ان كان صادف صباح ومساكم الله بالخير ان كان صادف مساء اول شي اشكر كل من زار مدونتي من الزوار والاعضاء سواء كان صديق او عدو سواء كان صاحب او ساحب سواء كان متابع او بالصدفه سواء كان معجب او لايبالي سواء كان محب او مبغض سواء كان مزيون او شيفه يعني مثل القرد او القرد احلى منه سواء كان عاقل او ملقوف سواء كان في بالي او ماهو في بالي سواء كان تكانه او مطفوق المهم بما اني طولتها وهي قصيره بختصرها لكم طبعاً فيه ناس مقربين لي وياليتهم مو مقربين قصدي من كثر مااكرههم وعشان ماتزعلون من كثر ماحبهم سميتهم بالقاب خنفشاريه لاني ماحب اناديهم باسمائهم والقابهم اللي مختاريها لنفسهم طبعاً اول مانبدا بالحكومه العليا وما ادراك مالحكومه العليا اولا: النجلاء معنى اسم النجلاء حسنه وواسعة العينين ومفارقها الحسنه ووسع العين تخبرون العبدات يحبن اللون الاصفر والاحمر طبعا سميتها العبده الزراديه ونزلت صوره لها عشان تتخيلون شكلها وشكل رجلينها المعوقه وراسها اللي كن راسه ضب . . . ثانياً : محمد الغنامي هذا اكثر واحد ما اواطنه بعيشة الله لسني احبه ولسني اتقبله وبما انه دايم موجود وكنه صنم فيه حيوان او يعتبر من الزواحف اسمه ابا الحبين هذا الحيوان او الزاحف معروف عند البدو باسم ابا الحبين وميزته (( امحق ميزه )) اول ماتشرق الشمس يطالع فيها يطلع فوق حجر ويرفع راسه وطول الوقت يطالع فالشمس مايتحرك منه شي كنه صنم لين تغرب الشمس وهو على نفس الوقفه ويطالع فالشمس لكن مالقيت له صوره والا كان اوريكم شكله بس لاتضحكون شر البليه مايضحك . . . وثالثا: واه يالثالث : الشامخه مفارقها شموخ (( شموخ طل )) هالادميه من كثر ما اكرهها نفسي كل ماشفتها امسكها بشوشتها واركض بكل حيلتي لو اتقطع من كثر الركض وبما انها دفشه ودايم تحارشني وتهاوشني شبتها بشحره اسمها (( ذباح امه بالفاس )) هالحشره ماتخلي احد يقرها ماغير رافعه يدينها كل ماحد قرب منها صحيح ان الحشره خقه (( يبي يرفع بها عشان ماتعصب )) لكن فالاخير تعتبر ذباح امه بالفاس وهذه صورتها للتوثيق . . . ورابعاً : عاد رابعاً اقل وحده اكرهها لهدوءها ولكن المثل يقول الهدوء اللي يسبق العاصفه وانا ادري ورى الهدوء هذا بركان وعشان كذا متحرص وماخذ حذري لكن قلت اداريها لين تنفجر وبما انها للحين في هدوء وسكينه سميتها كيكة الزهارين وعساها تصير كيكه ولاتنفجر وانا موجود والا حولها طبعاً ماتدرون من اقصد (( اقصد : الملكه )) وهذه صورتها للتوثيق . . . خامساً : عاد هذه في يوم وليله تغيرت 180% كانت اكوس بنت وصارت اشرس بنت اقصد (( صدووود )) كنت احسبها طخمه ولكن عقب ماقالت انها مربيه كلاب في مزرعتها تخرمشت صورتها عندي وبدا جلدي يقشط منها وصرت اتخيلها بصوره ثانيه واكتشت فالاخير انها متوحشه وشرسه والله يكفينا شرها وشر شراستها واللي ورى هالشراسه والتوحش هو عايض لابارك الله في عدوينه وهذه صوره لاخذ الحيطه والحذر وعدم التخابط معها الا بمجمع ناس وقطاع عسكري للحمايه منها . . . سادساً : (( غنج )) هالادميه ياكثر ماسميتها لكن مالصق فيها اسم سميتها الفويره والدفشه والورعه وعجوز النار و..... الخ . ولكن اقرب اسم لصق فيها هي الورعه المطفوقه ولايمكن التنبؤ بما تفعل وتقول وهذه صورتها ولاتضحكون ترى مالي دخل في طفاقتها . . . بس تبون الصدق الحسنه الوحيده اللي فيهم ولقيتها واعجبتني انهم مو نفسيات ونسبة النفسيه 0% . . . وفي الاخير لايسعني الا ان اشكر كل من اطلع على اسرار منتدانا ودمتم بحفظ الله ورعايته واتمنى عدم تحريض شلة الندم قصدي المجموعه الناريه بشي ضدي والسلام عليكم ورحمة الله وبركاته ملك المدونه الرواسيه النجديه صاحب السمو الملكي الملك خاشم ابو رجلين (( التوقيع لم يكتب لدواعي عدم التزوير )) |
|
|
|