آخر 10 مشاركات
|
|
|||||||
| سوالف وقصص من الباديه موروث شعبي |
 |
| انشر الموضوع |
|
|
أدوات الموضوع | انواع عرض الموضوع |
28-09-2016, 01:58 AM
|
#1 | |
 
|
ديوان الشاعر الكبير مشعل بن حسين المرشدي العتيبي ( المحنك )
الشاعر الكبير مشعل بن حسين المرشدي العتيبي ( المحنك )
مشرف قسم شعراء بوابة عفيف اسم جميل في سماء الساحة الشعرية وشاعر متمكن إذا نظم أبدع وإذا حاور اروع شاعر يغرف من بحر وينحت من صخر تألقت موهبته الشعرية إلى أن عانقت أبياته سماء الروعة والإبداع والتألق , يملك إحساسا صادقا وراقيا لا يعرف إلا الصدق الذي طبع وكتب بجميع قصائده كأنه المطر.. يسقي القلوب شِعراً.. شفافاً كشفافيته.. وعذباً كعذوبته.. له من الشِعر ما ليس لغيره.. تتراقص الكلمات بين يديه.. يحركها كيفما يشاء مثلما يحرك مسبحته ... ويرتبها بحسٍ وذوق عال. يطرح فكرته.. ويعطيها حقها في الجمال.. والروعة .. والأناقة .. والرقي. لا يبخسها شيء , إنه يعانق السحاب بإبداعاته .. إنه مبدع بكل معنى الكلمة. تجلت قصائده في أعذب الحروف مصحوبة بقوة المعنى وجودة التصوير وعذوبة اللفظ وأتفق كافة هوات الشعر على روعة أسلوبه وتألقه واليوم حرصنا على ان نجمع لكم هذا الديوان والذي يحتوي على عدة قصائد مابين القصائد العامه والرثاء والغزليات ( الضلع المنيف ) امس العصر ساقتني الذكرى على الضلع المنيف = وجهتلـه يـوم النحايـا وجهـت بـي يمتـه عديت به والصدر متضايق وانا حالـي كسيـف = وهيجنت بأعلا الصوت حين اني رقيـت لقمتـه وقامت بيوت الشعر تطري كل بيتً لـه رديـف = لين اكتمـل منظـوم لولـو والقصيـده لمتـه كله على شان الهنوف اللي تربت فـي عفيـف = اللي على القلب اركت الميسـم بعـد ماحمتـه ام الحلا وام الدلع والجيـد والخصـر النحيـف = ام العيـون اللـي هدبهـا يشتبـك لاضمـتـه كانت تقابلني وقابلها علـى الحـب الشريـف = ودلـو المحبـه بيننـا محـدن يعكـر جمتـه ولا يفرقنـا شـتـاء ولا يفرقـنـا خـريـف = وعلى اللقاء كـلً مـن اللهفـه يجـدد همتـه انا وهي طول الزمان الرقـم الأول والوصيـف = اقطف لها ورد الغـلا ويفـوح لامـن شمتـه واليوم فرقنا الزمن راحـة ولطفـك يالطيـف = عقب الصغير اللي وهبها الله وبسمـي سمتـه لوكان ابومشعل درى والله مايقفـي باالوليـف = مار النصيب الشيـن خدرنـا وجـاب مطمتـه هاذي مقاسيم الحياه وغلطـة العقـل النظيـف = اللي تمادى ليـن عسـرات الدعـاوي خمتـه ودك ليامنه جمعـك الحـب باالغـض العفيـف = تغانـم الفرصـه مـدام العـود بـأول زمتـه هذا هو اللي جابني لمعانـق الضلـع المنيـف = واسرار قلبي جعلها مـن ذمتـي فـي ذمتـه ( الشامي اللي حب له شاميه ) الشامـي اللـي حــب لــه شامـيـه=وغـنـالـهـا يـابــنــت يـامـرعـيــه ماهـو لـك الله مثـل حـب الروقـي=اللـي عشـق لــه مـهـرةً روقـيـه وقامت تهـزع لجـل سـود عيونـه=وحـذف شماغـه والحـق الطاقيـه وغنـالـهـا يـابـنــت ياالـمـزيـونـه=ياللـي عليـك مــن المـهـا مـاريـه يابـنـت قــومً يـرفـعـون الـبـيـرق=وافعالـهـم تشـهـد لـهـا العـبـريـه يـوم الفـعـول الـلـي تـعـد وتـذكـر=أيخضـبـون الـسـيـف والشـبـريـه ووجيهم تحمـا الدخيـل ان جاهـم=ويـكـرمـون الــجــار والـطـرقـيـه فلـي شعـرك وحـولـي فاالسـاحـه=وهــزي ردوف ًهــزت الأرضـيــه انتي منى روحي وطـب جروحـي=وانـتـي هـنـاي وشيـخـة الحنـيـه يضـيـق صــدري لافقـدتـك لـيـلـه=ولا اصبحت قمت اجاوب القمريه يالعنـبـو بـعــدك وحـــر افـراقــك=حـبــك طـعـنـي طـعـنـة الجنـبـيـه والله يـلـولا حشـمـتـي لـربـوعـك=انـــي لـقــول افــلانــه المـعـنـيـه لاكـــن اقـــدر لابــتــك وغـلـيـهـا=واغليـك يــأم النـظـره السحـريـه انـا فــدى رمـشـك ومحجرعيـنـك=وفــدى حـمـار الجـمـره السفلـيـه الـلـي وراهــا مـثـل حــب الـولـو=تسطـع سـوات الشمعـه الغـازيـه لاتعلنـيـن الـبـعـد عـنــي سـاعــه=والشـكـر والعـرفـان لــك مثـنـيـه ( شارع الأسود ) بغيت أترك الهاجوس وبعد عن التفكير=لكن البلى وسط الحشى النار مشتبه انا بشتكي لك ياطميان كب الغير =لعلك تبين سارح الفكر وش طبه سرح فكري لمن صابني بعده التأثير=غزالً عرض لي باالحلى ميزه ربه على شارع الأسود صدفني يالاقي خير=لاعاد الله اللي صار في جيتي سبه بعد ماتعديته رجعت وعكست السير =وجيت ولقيته كل شخص يتعجب به علي الحرام ان كني مخدرً تخدير=بعد مالمحت الخصر والردف واللبه تجريت قدامه ومثلت دور الزير=يشرق وأسد الدرب قدمه وغربه خزرني بعينه بعد ماخانه التعبير=وتبسم وقال اليا بغيت الغزل خبه ومن بعدها كني على حيهم خفير=ابي تركته لاكن عجزت لاكبه شكيت لك لأن الوضع مايقبل التأخير=اخاف انكشف لقريبن له ثم أنشبه ( الله من عينً جفاها منامها ) الله مـن عيـن ًًًجفاهـا منامـهـا=عجزت على تحقيق غاية مرامهـا دايم عوايدهـا ليـا نامـو البشـر=السهـر يقلقـهـا ويكثرسقامـهـا ونفس طواها الشوق من شين حظها=عجزت اصخرها ولعـرف نظامهـا لاقلت يانفسي عن الضيـق هونـي =قالت علام اظروف وقتـي علامهـا وانا ادري ان ظروفهـا ماتسرنـي = بس الهنوف اللي ذبحنـي غرامهـا اللي على عرش المحبـه تربعـت =لبـى محاجرهـا ولبـى لثامـهـا حالـو مقاريـد المخاليـق دونهـا=عجزت اكلمها ولا اسمـع كلامهـا ناس"على الحرمه تفتـل عضودهـا=تعيـش باالدنيـا قليـل احترامهـا جارو على محبوبة القلب وصبحـت =تعلن على شوفي وصوتي فطامهـا ونحاسة الأخـلاق عنـدي وقفلـت =وضاقة بي الدنيا يمنهـا وشامهـا مضت ثلاث سنيـن بينـي وبينهـا=ثلاث ماعرف نورها مـن ظلامهـا ثلاث ظاعة لي على خيبت الجـدى=لين البستني من عناهـا وسامهـا احـس بالأرهـاق وأخايـل الأمـل=وحسـب اذنوبـي وكفـر حرامهـا وقـول ياليـت المقابيـل تنجـلـي=عني سحابـة حزنهـا ونقسامهـا ( ياهـــاجـسي ) ياهاجسي حضر وعطني من جزيلات القصيد=اللـي تريـح البـال وتهـديـه لاغنيتـهـا الصدر متضايق وانا راسي من الضيقه عنيـد=مايحتـمـل دورة دقايقـهـا ولاتوقيتـهـا حاولت لأجل اصبر على المكتوب لاكن ما يفيد=الصبر مـر وسيرتـه مـن ظيقتـي مليتهـا لاني صبرت اكثر من اللازم وبيـدت الحديـد=ورجلي على دوس الفيافي والخطر سجيتهـا لاجيت بقصرها يزيد النبض وشواقـي تزيـد=على ديارن ينشرح صـدري ليامـن جيتهـا دارن غلاها يمتزج دمي ويجري فـي الوريـد=ماتحتمـل نفسـي مفارقهـا ولـو هديتهـا احبها وحب من يسكـن بهـا و الله شهيـد=وعشـق ضواحيهـا وقدرهـا ليامريتـهـا من شان عين اللي غلاها مايقـدر باالرصيـد=اللي تتل القلب مـن كثـر الغـلا لطريتهـا الجادل اللي داخـل الأعمـاق تفعـل ماتريـد=معهـا مفاتيـح الغـلا مـادام قلبـي بيتهـا افراقها جمر ولهب وهمـوم وحـزانً تزيـد=تطلع ملامحها علـى وجهـي ليـا خفيتهـا من حبها تخنقني العبـره لياصـارت بعيـد=وتزعجني الونـه بصـدري كـل ماونيتهـا ياالله عسى فرقا لطيف الروح تبطي ماتعيـد=ويارب تحفظني وطول عمـر مـن حبيتهـا (( ياغـــــالـــيه )) ياغالـيـه لاتختـلـف هـقـوتـي فـيــك=لايلحـقـك مـنـي مشـاريـه وحـقـوق لاتركي الجمره على صدر مغليـك=لاتحرق الباقي ترى القلب محروق اربـع سنيـن" كـل أبوهـا مصافيـك=ماجـاك منـي شيـن وانـا ولـد روق أسمعـك وقـدرك وسمـعـك وغلـيـك=والك أحترام" غير عن كل مخلوق أغـلـي محبيـنـك وعــادي معـاديـك=ولبعدت عنـي هزنـي يمـك الشـوق ولافيه عندي شخص مثلك يحاليـك=الاأنت ياواف الحلـى كامـل الـذوق تسوى عيون اللـي بشعـره يناجيـك=ياسابق" فـي القلـب منتـه بمسبـوق فا الموقف الحساس لاجيت ناصيك=لاتعتذر عـن لازمـي والعشـم فـوق وضعي ترى يازين ماهوب خافيك=انت تعرفني قبـل مـا قـول منطـوق واسلم عسى رب المخاليق يحميـك=والشكر مني جاك مـن كـل معلـوق (( حـمام الورق )) الا ياحمـام الــورق يالـلـي تـجـر الـنـوح=علامـك علـى حـبـال المعالـيـق تحرقـهـا تجـر اللـحـون وفـزلـك قلـبـي المـجـروح=طرقت الجروح اللي هوى البال طارقهـا وسريتنـي مــن دون سـبـه ولا مصـلـوح=على سيرةً قلبـي مـن الشـوق عانقهـا وبيجـت مكنـونـي وانــا عـادتـي مـابـوح=وفكيـت بيـبـانً عــن الـنـاس مغلقـهـا انا لي وليفً مـن حلاتـه يتـل الـروح=سـكـن فالـعـيـون وصـورتــه ماتفـارقـهـا ذبحني غلاه وصـرت مـن سبتـه مذبـوح=حــبــال الـمـشـانـق علـقـتـنـي مشـانـقـهـا اليا قلـت ابـازوره وصالـه مهـو مسمـوح=علـيـه الحـراسـه جـاهـزاتً بنـادقـهـا مضى لي ثلاث سنين مابين اجي واروح=وشمـس الـغـلاء مابيـنـت لــي مشارقـهـا ولا فيـه حـل الا يصيـر امرنـا مفـضـوح=تصـلـفـق بـنــا الاقــــدار والا نصلـفـقـهـا ( يقولون مايبكي من الحب رجال ) كتبت الكلام اللي طرالي على البال= وكلامن كتبته جا على كيف حبكـي يقولون مايبكي من الحـب رجـال=وأنا أقول لازم مولـع القلـب يبكـي لياضاقت الدنيا من الجـال للجـال=ياعين الشقاوي عارفً وش سببكي يبرد لهيب القلب دمعـك لياسـال=لون المشاعر هي سبايـب تعبكـي ونا ذقت حر الشوق والشوق لازال=يتل الخفوق وقام يسقـي هدبكـي سبايب هنوفً يمها القلـب ميـال=لاهي من بني عمي ولاطرح شبكي ليا ابطيت ماناظرتها جاني اهبـال=ولاشفتهـا ياعيـن هـذا طربكـي مغير اترجا شوفهـا وعقـد آمـال=وحلو الكرى من كثر شوقي حربكي وعلى طول ليلي مابقي عضو ماقال=سلامات ياعينً من الهجـر تبكـي وقول الحقيقه كلمة الحـق تنقـال=تـرى دايماًًومولـع القلـب يبكـي , , , , , يـــتــبــع |
|
|
|
28-09-2016, 02:00 AM
|
#2 | |
|
( ياتل قلبي على اللي كن غطرسته )
ياتل قلبي على اللي كن غطرسته=ريميتن في محاز الصيد محروسه قلبي عليها لهيب الشوق حامسته=والحب وقاد والعبرات محبوسه غرون على الولف درسني ودرسته=وأهمل دروسي واناحافظ على دروسه أتلى العهد به بعد ماقبل وخامسته=واقفى معاليق قلبي منه محموسه لاوهني العباه اللي ملامسته=ولاوهني شعرتآ باالجفن مغروسه الأوله حظها جسمه ملابسته =والثانيه ريسه ماهيب مريوسه عزالله ان الغلا والشوق غارسته=في داخل القلب لين اصبحت في حوسه الفكر من بعدها ياكثر وسوسته=والوضع منحوس والأيام منحوسه يازين وضع الجفى وشلون مارسته=مع عاشقن لاتذكرك انبرى قوسه يزعج بااللحان لامن جات هجرسته=ومن ضيقته قام يشكي ثقل ملبوسه ماهوب حقن عليك اتزود عومسته=يكفيه ماجاه ياغيدا يامحروسه ( ياقلبي اللي قام يشكي مواجعه ) ياقلبي اللي قام يشكي مواجعه=اللي بعد غابت عنه جات راجعه غابت عنه لاكن سريعاً رجوعها=وعزي لقلبي فاجع الشوق فاجعه متواصلً دايم مع الحزن والعنى=وهمه ليا منه بغى النوم ظاجعه اليوم ومس وضيقة البال حاظره=ولاغمضت عينً لها عام هاجعه أمشي ودل الدرب وحيان اضيعه=ولافيه دكتورً خبيرً وراجعه حمامة" غابت وصدفه صدفتها=ياليتها فوق اخضر الغصن ساجعه ماولعت قلبي وهزت مشاعري=اللي بعد غيبة سنه جات راجعه ( ياونةً ونيتها من عماسي ) ياونــةً ونيتــها من عـــمـــاســـي=منها يضــيق الـبــال وتضيق الأنفاس عليــك ياناســي ويابعــد ناســــي=صفـقــت باالكفــــين ياسًًًً علــى ياس جريت صوتًًًً مرتفع من حماسي=واخـذت لـي مع هجـعة الناس مرواس يازين من فرقــاك شفـــت المأسي=حسيت باالوحـده وأنا امشي مع الناس من حبـك وفرقـاك انا شاب راسـي=اجامــل الأصــحـاب والبــال منحـاس أقســم بمـن رسى الجبال الرواسي=أنـي بعــد فــرقــاك صايبــني الـيـاس هجــرتنــي هجــرن بلـيــا قـيـاسي=وفـارقتنــي فرقــى المهلهل للجسـاس كنت أحسبك لاغبت منتـه بناســـي=وأثرك علــى ماقيل معـدوم الأحساس ( راكب اللي يفز ويبع الرمعه ) راكـب الـلـي يـفـز ويبـعـد الرمـعـه=عــن ديــاري يقـربـنـي ويبـعـدنـي جيب لكزس نظيف البدي والشمعـه=لانهمتـه علـى الطـرقـه يساعـدنـي يابـو ماجـد مادانـي طـاري الجمعـه=المـفـارق وكـثـر الـشـوق لاهـدنـي أتصبـر وأحـاول وأحـبـس الدمـعـه=دمـعـة الـحـزن لاقـامـت تـراودنــي ويا أبوماجد نظيف القلب و السمعه=مالي الا أنـت فـي الدنيـا يعاضدنـي سل سيـفً كمـى الأستيـل لـه لمعـه=سيفـك الـلـي فعـولـه دوم تسعـدنـي أنـت وقفـت جنبـي مكسـب وطمعـه=افتـخـر فـيـك كـنـي حـاكـمً سـدنــي اسـعـديً علـيـك البـيـض مجتمـعـه=كــل مـاضـاقـت الـدنـيـا تسـانـدنـي ودي أســـج مـــن داورد لا قـمـعـه=والـعـمــل وأرتـبـاطـاتـه تـعـقـدنـي ( يامحرقً قلبي على درب رجواك ) يامـحـرقً قلـبـي عـلـى درب رجـــواك=الـشــوق يدفـعـنـي لـيـاحــل طــاريــك لـــولاك والله يـتـلـع الـجـيـد لــــو لاك=ماسـالـت الدمـعـه عـلـى خــد مغـلـيـك وش جاك مني ياهوى البال وش جاك=هجرتـنـي وانـــا الـــذي مـولــعً فـيــك البـعـد والـهـجـران سـيـفـك وشـلـفـاك=تطـعـن بـهــا قـلــبً يـعــزك ويغـلـيـك فــي ذمـتــي لـــولا الـغــلا مـاتـرجـاك=ولارسل عليك مـن المراسيـل ودعيـك وفــي ذمـتـي لــولا محبـتـك مـانـخـاك=وفــي ذمـتـي لــولا معـزتـك مارجـيـك ميرالمصيبـه كـيـف اواجـهـك والـقـاك=واخذ معـك باالقـول لحضـات وعطيـك وانتـه حراساتـك علـى البـاب تحـمـاك=حطيـتـهـم مـثــل الـعـبـيـد المـمـالـيـك وغـيــرت جـوالــك ورقـمــك بيـمـنـاك=وصـار العـذاب ولهفتـي فــي تحـريـك وجانـي خبـر مـن واحـدً مـن رعايـاك=انــك تصـفـح شـعـري الـلـي مهـاويـك وقــررت انــزل لــي قصـيـده لعـيـنـاك=عـسـاك تـرجــع لـلــذي مـغــرمً فـيــك ( ياحظ من لاتولع فالمزاييني ) يـاحـظ مــن لاتـولـع فــي المزاييـنـي=يـنـام بــدري ويـصـحـي دايـمـاً بـدري لالـــه حبـيـبـه ولاعــنــده ديـايـيـنـي=مرتـاح بالـه وحظـه مارجـع حــدري ماهوب مثلي حنين الشوق مشقينـي=وصوت الحمامه لياغنت علي جدري من يوقـف الدمـع لامـن هلتـه عينـي=ومن يبعد اللونه اللي ضيقة صـدري ومن يرحم الحـال ويلـد النظـر فينـي=ومـن يرفـع القـدر لامنـه نـزل قـدري ياويـل حالـي مــن فــراق المحبيـنـي=وياويلي من الزمان اللي نوى غدري وياويلي مـن الهمـوم اللـي تسرينـي=اروح وارجع مع احلامي وانا مـدري والضيـقـه الـلـي تعذبـنـي وتبكـيـنـي=فرقاك يااللـي عـن الأشـواق ماتـدري يـانـاعـم الـعــود تـكـفــى لاتعـنـيـنـي=يكفيني اللي حصل ياناعس الخـدري ( للشعر في بعض المواضيع لذه ) للشعـرفـي بـعــض المـواضـيـع لـــذه=لاصارموضوعه ماهوب اي موضوع ياكاتـبـه مــن صـافــي الـفـكـر غـــذه=وروه مـن افـكـارك ولايلحـقـه جــوع مــادام مـاشــن مـعــك حـــذرا تـجــذه=خـلـه عـلـى ماقـالـو الـنـاس مـتـبـوع وعـن الـركـاك وقـسـوت النـقـد حــذه=ولاتعسفـه لاصــار مـاجـاك باالـطـوع والـيــا انـهـمـر وبـلــه وغـطــاك رذه=سقه ليا اصبح فوق الأوراق مطبوع خـلــه يـعـبـر عــــن غــرامــك بــلــذه=هات الصحيح وطاري الكذب ممنوع قـلـبـي هــــوا بــالــي بـفـرقــاه بــــذه=وحبـل المحـبـه بينـنـا شـبـه مقـطـوع أخـــذت مـــن حــبــه وفــرقــاه فــــذه=والعين مانالـت سـوى سهـر ودمـوع اقـفـابـه الـلــي جـعــل وقـتــه يـشــذه=على شفا جـرفً مـن طويـق ممـزوع ( ليلة السبت ) البـارحـه كـثـر الـهـمـوم اسهـرتـنـي=يهـبـي يامـقـشـرك يالـيـلـة الـسـبـت اللـيـلـه الـلــي باالـعـنـي وصـلـتـنـي=اسهب علي الحزن وبشعري اسهبت فـرقـا الحـبـايـب ياجـمـيـل قهـرتـنـي=مالـي جـدى غيـر التناهيـت والكبـت لوعـات بقعـى فـي الـزمـن شيبتـنـي=شفنـي علـى ســن الثلاثـيـن شيـبـت عـصـيـت ماطـاوعـتـهـا وظلـمـتـنـي=واليـوم ابشكـي لــك بـعـد ماتعـذبـت لـي صاحبـن عنـه المسافـه حدتـنـي=ولوهي علـى كيفـي عنـه مـا تغيبـت تكـفـى يـابـن عـبـاس نــاره كوتـنـي=وتيبسـت حالـي مثـل يـابـس النـبـت ( اللي بمسيار العصر صدفتني ) اللي بمسيار العصير صدفتني=ياجعل فدوتها جميع المسايير مزيونةً في حبها ولعتني=انا شهد ان ماهيب مثل الغنادير مزيونةً لامنــها كلمـــتني=من فرحتي كني عن الأرض بطير هذي هي اللي باالغلى بادلتني=هذي هي اللي عن جميع البشرغير هذي هي اللي كل ما صافحتني=حسيت باالأعصاب رعشه وتخدير هذي هي اللي كل ماقابلتني=أما صباح الخير والا مسا الخير أنسى الهموم وفرحتي عانقتني=مع طيفها كن الفرح له تباشير هذي هي اللي لأبعدت ضايقتني=الضيقه اللي دايماًًحزت عصير هذي هي اللي من بعد صادقتني=اقول جده غير في ذمتي غير حيث ان جده باالغلى عرفتني=جينا بها يوم أجمعتنى المقادير ( لاتهور ثم تطيح ) يالـلـي عـلـى الحبلـيـن تلـعـب لاتهـورثـم تطـيـح=حـالـتـك حـــذرا لاتـدهــور هـــد نـفـسـك هــدهــا خلك مع احبابك ومع ناسك على الوجه الصحيـح=تــرى ليـاشـبـت لـهـيـب الـنــار مـاأنــت بـقـدهـا مايحتمـل لـذع الحـراره صاحـب الـوجـه الملـيـح=وأبسـط صعيـبـات المشـاكـل مايـجـي فــي نـدهـا ياالناعـم الحسـاس ريــح فــي حيـاتـك وستـريـح=وسـتـر عـلـى نـفـسـك حـــذاري لاتـبـيـح سـدهــا مادمت بـأول شـوط متحمـس وجايـن لـك فحيـح=وشـلـون لاقــام يتصـافـق جـزرهــا مـــع مـدهــا هـذي رسالـه قلتـهـا بأحـسـاس ولـسـانً فصـيـح=لأم الجعـود اللـي عـلـى الخـصـر النحـيـل تكـدهـا اللي على النهج الصحيح يعيش في الدنيا صريح=يحـفـظ جنـابـه وان غــدت لــه حـاجـتً يـرتـدهـا ( بنت السلاطين ) لو الصبر ينشرى ويباع ويســلف = كان أشتريته بعد ماالعين شافتها بنت السلاطين وسط السوق تتكلف = أتكــحل العــين وتضيق عبايتها والله لوانــي من البنقال متخــــلف = ماتحجب الناعسات السود شيلتها صحيح ماني على خلق الله مكـــلف = بـس السعــوديه اهــتم اللكرامتها واللــي يجي سترها تقلــيد ومــولف = الخمـــس ماجوبها على مرمـتــها , , , , , , , يـــــتــبـــــع |
|
|
|
|
28-09-2016, 02:00 AM
|
#3 | |
|
( يانايف تشوف بعيونك وأنا شايف )
ياونتي ونت اللي باالخـلا خايـف=طول المسافات عن مرباه حاديتـه دربه على حد جرفً عسر ومهايف=ولوعات الايام في كبـده مكويتـه نفسي من الحزن قام يلوفها لايـف=بينت جرحاً طوال الوقـت خفيتـه يانايف تشوف بعيونـك وناشايـف=اللي تطوقنـي الصدمـه لياجيتـه حافه بدنياه من عند الولي حايـف=ولوفي يدي شي قدم يجيـه رديتـه النادر الوافي اللي شامخـاً نايـف=فعايل الطيب عن غيـره معليتـه متعلين مثل ظلعً من ورى الطايف=من رفعته باالجبل ياخـوك حليتـه من جاه ناصيه ماعود وهوعايـف=يلقا الشحم والحفاوه لادخـل بيتـه ياالله ياالله ياللـي تمـن الخايـف=تشفي كريماً بطيبه ذايـعً صيتـه ( بـنك العقاري ) بـاالله ياصحـاب القلـم والجريـده=نحتاج فزعتكـم اذا فيكـم احسـاس الوضع مزري والحكومـه رشيـده=وبنك العقاري قام يضحك على الناس قالو خـلال اسبـوع دفعـه جديـده=وفرحت نفوسً من عنى الوقت يباس والدفعه اللـي جـات عنـا محيـده=مازارنا منها سـوى الهـم واليـاس راحت مصالحنـا بجيـب الوليـده=للي بفعل الواسطه يعصب الـراس اللي صدر من خزنتـه مـن يعيـده=يصدر ولايسأل عن اخماس واسداس وحنـا نحسـب ان النتايـج مفيـده=وأثر الأمر في كف عفريت وانجاس تكفـى يابومتعـب ظـلال العقيـده=ياالعاهل اللي عندك الحـق نبـراس شف بنكنا وعرف وش اللي يكيـده=لعيالك اللـي للوطـن دوم حـراس اللـي ليادقـت حـديـده حـديـده=والوضع من بعدالرخاء صار حساس يقفـون وقفـات الجـدود المجيـده=وملبوسهم دون الوطن درعً وطـاس اليـوم تخدعهـم عـقـولً بلـيـده=وتضحك عليهم زمرتً مالها سـاس تخلف مقررها علـى مـن تريـده=وتحرم لها ناسً وتعطي لهـا نـاس وحنا نقـول ان الحكومـه رشيـده=مير العقاري صايرن يضلم النـاس وان كان مايصرف لنا من رصيـده=ياالله عسى بنك العقـاري للأفـلاس ( يالمنتدى يأعضاه يالزوار يالعقل النبيل ) ياربعنـا ياأهـل الوفـا والطيـب والشـعـر الجـزيـل=يـاهـل الفـعـول الـلـي بطـيـب اعمالـكـم فزتـوبـهـا ياالمنـتـدى ياأعـضـاه يـاالـزوار ياالعـقـل النـبـيـل=هـاكــم قـصـيـدة مـــن يـــوف القـافـيـه ماجـوبـهـا بدعـتـهـا والـــراس شـامــخ لايـحـيــل ولايـمـيــل=ولبستهـا مـن صـادق احسـاسـي وشـعـري ثوبـهـا صنفرتها لين اصبحت تلمع كمى السيف الصقيـل=وقـدمـتـهـا يـــــوم الـنـشـامــا قــدمـــو مـنـدوبـهــا ومرت على اصحاب العقول النيره تصهل صهيل=حـيـوبـهـا يـــــوم سـنـحـتـهـم كـلــهــم حـيـبـوبـهـا لأن العـدالـه ديــدن الـعــادل ومـيــزان الأصـيــل=عــنـــده عــدالـــه والــعــدالــه رافـع"مـنـسـوبـهـا ماهمـهـم هــرج السفـيـه ولاتـبـعـو قـالــن وقـيــل=واهـــل الـنـوايــا والـلـوايــا كـاشـفـيـن اسـلـوبـهـا نـاسً لـهـم خـبـره وخبرتـهـم تعـانـق مــع سهـيـل=لـوالـقـوافــي عــســـرة الـتـحـلـيــل مـابـلـشـوبـهـا ويمـفـسـر الأحـــلام لافـسـرتـهـا عـقـلــك دلــيــل=لاتـتــرك الـهـامـات وتــعــود عــلــى عـرقـوبـهـا وان كــان مافسرتـهـا تـــرى المـبـرمـج مايـعـيـل=ايـحـلــل ابــيــات الـقـصـايـد ويٌــعــدل مقـلـوبـهـا شاعر كفو واصلـه مـن اللـي يعشقـون المستحيـل=أهـــل الـفـعـول الـلــي تشـرفـهـم لـيــا مـاروبـهــا كلـن عـلـي هـرجـة لسـانـه لاهــرج عـنـده دلـيـل=الا الضعـيـف هـرجـتـه دايـــم يـحـصـد اذنـوبـهـا ( حاتم القــوس ) يـابـدر ماعيـنـت لــي حـاتـم الـقـوس=اللـي درس طـيـب المـراجـل دراســه راسً نشا بالطيب وصبح من الروس=الطيـب فـي حاتـم وفـي اهلـه وناسـه الـلابـه الـلـي فـالـهـم كـــل نـامــوس=الـطـيـب فـيـهـم ماحـصـرنـا قـيـاسـه شجعان باالسيف الحدب وام نـادوس=يــوم السنـيـن الماضـيـه والـفـراسـه داسـو علـى العـدوان بأقدامهـم دوس=وامجادهـم وصلـت لقـصـر الريـاسـه قــومً تـعـز نـفـوس وتـدمـر نـفــوس=كـم واحـدً مــن فعلـهـم شــاب راســه رجالـهـم وافــي ولاهــوب مـنـحـوس=ولاهــوب ثـرثـارن يـعـلـي حـسـاسـه متوارثيـن المجـد والعـلـم محـسـوس=وعدوان لأصحـاب الخنـى والهياسـه وحاتم بفعل الطيب ماهـوب مريـوس=يبعد عـن الـراس المعومـس عماسـه العـام الـه بيتـن عـلـى خــط قـابـوس=قــدام بيـتـك لايـقــف فـــوق سـاســه واليوم جينـا لـه مشافيـق وعسـوس=وفـيـنـا عـلــى لـقـيـاه ود وحـمـاســه ولا لقينـا البـيـت والـصـدر مـتـروس=مـن عـقـب حـاتـم مالقيـنـا الونـاسـه ويابـدر ابـن ثربـان منـتـه ببـربـوس=هـات الخبـر يابـدر عـقـب العسـاسـه ( البارحه يوم كلً نام في فراشه ) البارحة يوم كلً نام بفراشه=سريت جيبً يشع الخط من نوره جيبً يدوس الوعر لاحان مطراشه=من قو دفرنسه ومن صفي ماطوره السمكري ماطرق بديه ولا ناشه=شد بلده ماتغير فيه ما صوره اليا سرى مع طريقه كن تهباشه=غيداً تهزع بوسط الحفل مغروره سواقه اللي زمانه محرقن جاشه=قاسً عليه الزمان وشايفً جوره متنحرن به سند راسي وشوباشه=حمد عسى مدته بالخير ماجوره اللي شفى حالتي من فعل منقاشه=عيني تبي شوفته والنفس مسروره الأسعدي ماش فعلً جزل ماحاشه=له سيرةً باالوفى والطيب معموره فعايله مثل لون المزن ورشاشه=وجمايله طايله ماهيب محصوره هو والله الباشه ليا قالو الباشه=هو والله العزوه ليا ثارت الثوره هو والله الجزل كب اللاش وعراشه=هو والله اللي لياقام أحتمى دوره يستاهل المدح ابو ماجد ليا حاشه=ويعيش ابو سيرةً باالطيب معموره ( مرثية صاحب السمو الملكي سلطان بن عبدالعزيز رحمه الله ) للحزن في وسـط النفـوس اندراجـه=ولـه بيـن هـداف المحاديـب وهــاج يخلف هوى المسلم ويخلف مزاجـه=ويدخله مـع ضيقـة النفـس بأحـراج الـبـارحـه قـلـبـي تـزايــد خــلاجــه=والنوم يسهج موق الأعيان مسهاج مـن بعـد عـلـمً زار فـكـري وداجــه=ودوى صداه وصابني بعـده ازعـاج الـحـزن طـوقـنـي وثـبــت سـيـاجـه=وهلـت دموعـي كنـهـا نـبـع هــداج علـى الأميـر اللـي ماعقـد حجـاجـه=اللي نهـج فـي سيرتـه خيـر منهـاج الـلـي مـاخـلـى للمسـاكـيـن حـاجــه=وجعل لهم من ضيقة البـال مخـراج وبنـاء منـار المجـد ووقـد سـراجـه=والخيـر شيـد لـه عمـارات وأبـراج وتكـفـل الطـفـل المـعـاق وعـلاجــه=وزرع له الأعضاء ووفر لـه عـلاج ومـع كـل هـذا لبـس الجيـش تـاجـه=واغدق عليه من المصاريف ثجـاج ليـن اكتمـل صرحـه وزاد أبتهـاجـه=وصبح بفضل الله وفضلـه مايحتـاج هــذي تـراهـا نـبــذةً مـــن نـتـاجـه=ولو بحصـر الأنتـاج ياكثـر الأنتـاج ورحـل وحـنـا مــن فـراقـه نـواجـه=الحـزن والحيـرات واشـد الأخــلاج مـرحـوم يـانـد الخـطـى والسمـاجـه=مرحـوم ياسلـطـان يـاراعـي الـتـاج مـرحـوم يالـلـي تـعــدل الانـعـواجـه=ياللـي نهجـة بسيرتـك خيـر منهـاج ( مرثية أبناء عمومتي رحمهم الله ) ياالله دخيلك مـن عواصيـف الأيـام=ومن شر لحضات الزمان العصيبه الــوذ بــك ياعـالـمً مــاب الأرحــام=ياخـالـق الأنـسـان عـالـم نصـيـبـه البـارحـه ماسلـهـم الجـفـن بـنـيـام=وقلبـي مــن اللهفــه تـزايـد لهيـبـه للحزن في صـدري تجـوال وارزام=تـأثـرت مـنــه الـجــروح العطـيـبـه اكـف دمـع العيـن وعـض الأبـهـام=والـــد شـوفــي للـنـجـوم الرقـيـبـه ياعـام ماضويـت لـي خـيـر يـاعـام=مـع طلتـك طلـت عليـنـا المصيـبـه من طلتك ياعام قلبي غـدى اقسـام=فـرقـت مـابـيـن الـقـريـب وقـريـبـه المـوت مـع طلتـك حكـم بـاالاعـدام=وأخذ ثلاثـه واصبحـو مـن نصيبـه قضى على تركي و راشـد وسطـام=ماتـو وانـا صـدري تـزايـد نحيـبـه ودعتـهـم يـاعـام والحفتـهـم خـــام=واصابنـي مـن شـدة الحـزن ريـبـه غابـو عـن الأنظـار والبـال منظـام=ضـريـبـةً يـاقـوهـا مـــن ضـريـبــه يــاالله يامـرسـل محـمـد بـاالأسـلام=يااللـي خلقـت النمـل عـالـم دبيـبـه تغفر لهـم واجبـر عـزا كـل منظـام=وهون علينا من صـواب المصيبـه ( مرثية الشيخ مرزوق بن دخيل الله المرشدي رحمه الله ) يابيـت عـن شوفتـك انـا ويـن بـاروح=ونـتـه عـلـى دربــي ســوات العـلامـه الـيــوم مـريـتـك وعانـقـنـي الــبــوح=ومــن الـولـه عضـيـت كــف النـدامـه ليـت الطريـق اللـي معـبـد وممـسـوح=جنبـت عنـه ورحـت لـي مـع عـدامـه لاكـــن عانـقـتـه وعانـقـنـي الــنــوح=وتقسمـت حــدب الضـلـوع انقسـامـه كنـي مـن السبـع السمـاوات مطـروح=والا كـسـيــرن ماتـشـيـلـه عـظــامــه اقـاطــع الـونــات والـقـلـب مـجــروح=ويـهـل دمـعـي مـثـل وبـــل الغـمـامـه لومـا مـن العبـرات والنـوح مصلـوح=لاشــك يـاوجــدي عـلــى الأبتـسـامـه الـلـي تـريـح الـبـال وتـريـح الـــروح=غـابـت ونــا قلـبـي تلـخـبـط نـظـامـه يابيـت ماعيـنـت لــي طـايـل الـشـوح=اللـي عـلـى راســه يعـصـب العمـامـه الـنــادر الـلــي للصعـيـبـات نـاطــوح=فـي وقفـتـه فــي هيبـتـه فــي كـلامـه سيـف الحميـا فــي يــده دايــم يـلـوح=وعـلـى بـنـي عـمـه ياكـثـر اهتمـامـه طحطـوح بقوالـه وباالفعـل طحـطـوح=فــرض عـلـى كــل الـرجـال احتـرامـه ون مدحو اهل الطيب مرزوق ممدوح=لــه هـامـة ًزادت عـلــي كـــل هـامــه طـويـل بــاع ونــاع وذراع وشـبــوح=ومـواقـفــه تـبـقــا لــيــوم الـقـيـامــه له مـع هـل الامجـاد تاريـخ وصـروح=رقــا سـنـام الطـيـب واخـــذ وسـامــه الـعــام بـيـتـه للـمـواجـيـب مـفـتــوح=للـضـيـف والـعـانـي وراع الجـهـامـه البـن الأشقـر فـيـه والكـبـش مـذبـوح=وقولـت هــلا للضـيـف تـرفـع مقـامـه واليـوم غـاب وفاحـت انفاسنـا فــوح=بـاالـحــزن والله مالـحـقـهـا مــلامـــه اتـلا العهـد بـه حامليـنـه عـلـى لــوح=يـاالله عسـى الفـردوس مثـوا عظامـه |
|
|
|
|
28-09-2016, 02:01 AM
|
#4 | |
|
( زمان الغدر والهجر والتجريح)
الايازمان الغدر والهجـر والتجريـح=علامك على قلبـي بسطوتـك بهذلتـه طعنته وجرحتـه ولمحـت لـه تلميـح=براياتـك السـودا غطيتـه وضللـتـه ولافيه يوم عن الخطاء جيت باالتصحيح=تجيب الخطاء واليـا فعلتـه تجاهلتـه اجاملك وصافحك وانته علـي شحيـح=وبـاب السعـاده مـن قساوتـك قفلتـه تهز الحنايا هزت الغصن وسط الريـح=ليا روحـت هـوج المعاصيـر ميلتـه وانا يازمن مدري متى من سببك اطيـح=ولا ادري وش اللي باقـيً ماتحصلتـه اسامر نجوم الليل والصدر لـه فحيـح=وشوف الشروق اللي لي اعوام مانلتـه واريد السعاده مير ماملك لها تصريـح=واخيل السحاب اللي مع الصبر طاولتـه عسى الله يزين الحال واسلم من التجريح=وشوف الفـرح علـى كثـر ماتخيلتـه ( ليا روق تعيش عقول وان عصب تموت عقول ) يقول اللي ليا منه بغى يبـدع جزيـل القـول=يجيـب الشـاردات وللقـراح العـذب ورادي اليا روق تعيش عقول وان عصب تموت عقول=طواريقه يفز الهـا اللبيـب وترهـب الغـادي فصيح اللسان وذراعه طليق ولاهـو بمغلـول=بقول الحق يصدح مارجـا الا ربـه الهـادي انا عشت بزمانً فيه نـاس للصديـق زحـول=يعزون الصديق وحافظيـن سلـوم الأجـدادي مباديهم لها من طيبهم فـوق الثريـاء جـول=وطيب اخلاقهم وفعالهم يطـرب لهـا البـادي يعينون الرفيق ويشرحون الخاطـر المعلـول=ومواقفهم تشرفهـم لا جـاء للعلـم نشـادي ولقيت اشخاص واحدهم لسانه باالحلى معسول=حلـو قـدام عينـك وبغيابـك مـوس ردادي ليا شافك ظحك سنه وقلبه باالحسـد مدبـول=رفيق ليا بغاله حاجتً واليا انقضـت عـادي نواظرهم ورى طرد المصالح من رداهم حـول=وسواياهم يشيب الها الرضيع بسن الأمهـادي نواياهم خبيثه والخباثه جات عـرض وطـول=تمادت في جسدهم لين صارت معـه تنقـادي وفي هذا الزمن ياكثرهم صارو سوات الجـول=سوالفهـم كبـار وفعلهـم مايقطـع الـوادي يعيشون أبـوهم ويصرفون الغافـل المبـدول=وعن اللي ماكشفهم يلبسون اثيـابً جـدادي عليهم لعنت الله لايحسبـون العمـل مقبـول=وعساهم في جهنم زمرت النمـه والأحقـادي هذا قولي وانا عن مابدر من خاطري مسـؤل=واعنزها علي رب السماء والواحـد الهـادي ( جروح الغلا ) انــا مــن جــروح الـغـلا عزتـالـي=لاالصبرهاضمنـي وانـا ماهضمتـه لاجيت ابنسى وقتي اللـي مضالـي=ترجـع بـي الذكـرى لسـرن كتمتـه ماودي اكشـف للعـرب مـا جرالـي=سري حفظته باالضلـوع وحكمتـه أحـاول ادلــه كــل مـاضـاق بـالـي=والشعـر يفـزع لـي ليامـن زهمتـه ابحرمعه وارقـا علـى راس عالـي=ويجري معي مجرا النسم لانسمته اما علـى المسحـوب والا الهلالـي=ان كـان راحمنـي فـأنـا مارحمـتـه ويوم المبرمج ساق صفر الدلالـي=نـادا وانـا ظرمـان يــوم اغتنمـتـه اقبلـت لـه عنـوه وهــو ماعنـالـي=والمحترم غصبـن علـي احترمتـه وشربـت مـن دلـة كريـم السبـالـي=عسـاه يسـلـم صاحـبـي لاعدمـتـه (علياء وابوزيد) ياماخذن فكري من العيد للعيد=ويامحرمن وجهي من الابتسامه اسج مع ذكراك وأهيم وعيد=الماضي اللي حطي في العلامه ليلي من فراقك عذاب وتناهيد=لاكن في داخل حدود الكرامه جرفتني باالحب ياسيد الغيد=والله لحبك لين يوم القيامه حبي وحبك مثل عليا وبوزيد=حبي مثل حبه نظامي نظامه اقنص وجيب لك الجزال الشواريد=وغوص غبات البحر والتطامه أقطف وقدم لك من ام العناقيد=وانظم لك اللولو وجود حزامه أقدم الجزلات واحاول أزيد=وقول هذي ماتناسب مقامه لله درك أعظاك من غير تحديد=يااللي على خدك من الحسن شامه ياما على شانك سريت اقطع البيد=في ليل يفزع من سرابه ظلامه اسري بسرعة مطلقات البواريد=وعلى سطر راسي عصبت العمامه وجيتك ولو دونك عيالً صناديد=من دون شوفك مارجيت السلامه واليا تلاقت راحت الأيد باالأيد=غني على غصن الهوى ياحمامه هاذا مناي وراحتي ياالمقاريد=يااللي لحقني من خطاكم ملامه لاتعذلون القلب وانتم مباليد=الله ولارجلً تراعد عظامه وان كان غرتكم نجاح المساعيد=والله ماتسوى مع وليفي لثامه (رد شاعرنا على الشاعر عادل الروقي) هز الخفوق وجاوب الذيب للذيب=وعلى النخاوي حادن الراس حادي نخوت عريب الساس مثل المشاهيب=متى على صدري يهب البرادي لاكن يامشعل عدى راسك العيب=عصب شماغك وحتزم باالرشادي يامرحبا عد النجوم المراقيب=وعداد مايبدي لنا الصبح بادي اهلا هلا وعيد وأثن التراحيب=ياصاحبً من ماجرى له ينادي دخل على الموقع وحط المكاتيب=خط ً وصلني منه ماهوب عادي يشكي ومن شكوى حصان الأطاليب=سجلت له شرد البيوت الجدادي جلسة اصخر له من الشعر وجيب=شيً يجي جمله وشي انفرادي ارهقت نفسي لجل عادل ولانيب=متحسفً على التعب والجهادي جاني ولا عن فزعتي معه تجنيب=مادام جنبي للنشاما شدادي من دون وجهي ماحسبت المحاسيب=ومن يجا يدورني يحصل سدادي البعد ياعادل مايصعب على الجيب=لاصار سواقه رفيقً مفادي اركب معي بكره وأوردك للشيب=اللي ياعادل عنه حاديك حادي ورتح وبرد حاميات اللواهيب=الوصل يجعل نار شوقك خمادي لأتشتكي مادامني معك ياذيب=أخذ الكلام الصدق وأخذ الوكادي وان ماوفيت بكلمتي مالك صحيب=الا خوين مايقطعك وادي (عالي المستقلي) يومين مرت خاطري مسفهلي=ساعاتها من فرحتي فلة حجاج وقفت متحمس ورحب وهلي=لأني لبسمات الأمل كنت محتاج لاكن ياالثالث وش اللي حصلي=رجعتبي للحزن وعصار الأمواج كنت احسب ان الوقت جا صافين لي=بشرت نفسي من بعد ضيق بفراج واوميت بي من عالي المستقلي=خليت صدري للفرح يخلج خلاج اثر الشقا في سكتي جالسن لي=وانا احسب انه عن نحا سكتي ماج خطرن على عقل الهواوي يولي=من كبر همً داخل القلب وهاج مافيه في الدنيا حدً فاطنً لي=ياحالتي فاالكون مايوجد علاج حتيش لو سافرت اغير محلي=من وين ماوجهت قلبي على صاج الله من وقت الجفا والتغلي=والله من همً بوسط الحشا لاج (رســـمي وتصـــويري) اليوم هذا غير عن كل الأيام=والليل هذا عندي امر وأدها بين الغرام وبين تحقيق الآحلام=الله من نفسً تزايد نكدها قامت تداعبها الهواجيس بأوهام=من كثرها عجزت لحصي عددها وطير السعد له عدة ايام ماحام=والله يعلم ضيقتي وش بعدها فكري غدا من حيرتي عدة اقسام=ولي حالةً تصعب على من شهدها ياذكريات العام واللي ورى العام=الفايته وشلون يرجع رغدها طول سبات ألحظ عاثر ولاقام=وعزي لحالي دام حظي سندها لاقلت عاوني ترى الدرب قدام=قام يتثنى والمواقف جحدها وانا من الأقدار مونس ومنظام=يافارج الكربات عجل سعدها ضاقت ولاعاد احتمل كبر الابهام=يوم السهم وجه لكبدي لهدها سهمً لكن ماهوب من عند الأخصام=ولاهوب من يمنا عدوً جردها جاني من اللي حطمت كل الأرقام=سبحان خلاقً بحسنه فردها عنقً نحيفة خصر ورهيف انسام=مزيونت ًبين الخلايق وحدها تقول بين الصدر والردف قسام=يفصل مابين اردافها عن نهدها جمالها فتنة و للعين سلهام=تربك مشاهدها ولو مانشدها تحكم بليا شرع وتنفذ اعدام=وجدي على جمراً يغطي بردها اللي كساها الستر جلباب ولثام=من شافها يبطي عظم ماانتقدها لاجا يبي ينطق يصيبه تلعثام=ويضيع الكلمه بعد يعتمدها راحت وانا من بعدها مالي عظام=والنفس باالضيقات كثرت عقدها احاول ادله وتسلى باالأقلام=ورسم ملامحها وصور جسدها رسمي وتصويري بتدقيق وحكام=ومن وين مالديت باالعين أجدها والصوره اللي في خيالي من العام=يمكن تريح خاطري من بعدها والا الأصل روح ونكست الاعلام=بعد استدارت وأشرت لي بيدها (رد شاعرنا على قصيدة الشاعر ضاوي الشيباني) يارب ياللي للصعيبات حلال=يافارج الكربات لاحاصرتني أنت الوحيد اللي عليمً بالأحوال=وأنت العزيز ونعمتك غاطيتني خذني على بدع المثايل والاقوال=اللي ليا غنيتها شرفتني وجعل حجاجي طلق وحبالي طوال=وعني على حل الأمور ان نصتني يامرحبا ترحيبتً فال وعقال=ترحيبتً من فرحتي سابقتني ترحيبتً تضفي من الجال للجال=برسالتً من عند ضاوي لفتني قريتها ورسلت للجزل مرسال=وروابعي ماعمرها خالفتني اليا كتبت اكتب طواريقً جزال=وبدع ليامن القريحه عطتني وحبري ليامنه على صفحتي سال=ماهمني لو العرب حاربتني أهم شي اقدم البن بأدلال=والبي الدعوه ليامن دعتني ولاهنت يانسل الطحاطيح الأبطال=ياضاوي الأبداع نارك كوتني تشكي علي افراق لباست الشال=تقول بعد افراقها عذبتني وحسيت بحساسك ولقيت لك بال=والحيره اللي حيرتك أتعبتني ان كان دمعك يابيض الوجه همال=انا دموع الشوق قد غرقتني أونست حر الشوق والشوق لازال=وسيرت فراق البين قدمك طوتني أونس وكابر والتفت يم الأطلال=لامن ظيقات الفؤاد ارهقتني ارقا بها لاثار في الصدر زلزال=وارتاح لامن الهبوب لفحتني لاكن يابوعبدالله الصبر حلال=له سيرتً جربتها ريحتني (ياالجوهـرهـ) ياالجوهره لاتقلبين الموازين=يكفيني اني من عنى الوقت ضايق من غيبتك لايصبح الجرح جرحين=من وقتك المزحوم ابي لي دقايق مايحتمل قلبي فراق المحبين=اللي غلاهم طابعً له وثايق بين الحنايا له صروح وعناوين=يبقى وانا لايمكن أخف الحقايق والله يلولا نظرة العين للعين=تهنى بها نفسً عناها موايق ليسجل اسمي ضمن كشف المجانين=اللي على خط الشفا والحدايق لاكن دخيلك لاتقولين بعدين=لدي علي الطرف والبال رايق خليني اسلا في وصالك ولو حين=قدام لايصبح لنا الموت عايق تكفين يابنت السلاطين تكفين=البال من حبك وفرقاك ضايق (مرثية صاحب السمو الملكي الأمير نايف بن عبد العزيز رحمه الله) مل قلبً عليه من الهموم حشود=ارهقنه من البارح ودكنه أصبح الحزن سايد والفرح مفقود=والمحاجر غزير الدمع هلنه في ضحى السبت جتني ظربةالعبرود=وقعت في الصميم وجالها خنه يوم نايف توفي والخبر موكود=أرجفً الحنايا من صدى الونه وأصبح الحبل بغياب الأسد معقود=والاذاعات شين العلم بثنه غاب نايف ونايف باالوفا محمود=غاب نايف ودرب الموت ماعنه غاب نايف ونايف سيفنا المجرود=غاب ند الخوارج ناصر السنه وصبحن الليال البيض عندي سود=وأضلم الكون والأحزان غطنه احسن الله عزا حكامنا ال سعود=وأحسن الله عزا شعب الوطن لأنه فاقدً له هرم لا...والله الا طود=والحمول الثقيله مايكيدنه هامته مجدها طول الزمن ممدود=هامتً ترفع المحتاج وتحنه سيرته طول عمره زود يتبع زود=فضل ربي عليه ولا لحد منه لا نوى باالسياسه يدرك المقصود=وان هرج مايجي في هرجته كنه نايف ابواليتاما والكرم والجود=ياالله افتح لقبره باب للجنه وأحسن الله عزاء حكامنا ال سعود=في وفاة الحكيم وناصر السنه (مشاعر الفرقا) مشاعر الفرقا تفاكير ورهاق=ماحدً يحسبها سوى من عرفها منها يضيق البآل وتشين الأخلاق=والعين تسهر مايغمض طرفها هذا هواللي محرقً قلبي أحراق=يبست معاليقه وحالي نحفها اسمع ورى حدب المهاديف دقاق=يسري لياحل السكون ورجفها تومي بي الذكرى على بحر الاشواق=وأبحر مع الذكرى وعيش بكنفها والورده اللي يمها العقل تواق=ماحدً طمع فيها ولحدً قطفها لوحاولو يبطون والكذب مالاق=الى على ناسً خبيثً هدفها يااللي عليك القلب مخلج ومشتاق=الكذبه اللي وصلتك من صرفها قالو لك اني قلت باألفين طقاق=واني طعنت الغايبه في شرفها وهم قصدهم تجريح قلبين وفراق=أنفوسهم حقد العواذل جرفها ناسً نتاج علومهم موس حلاق=تزوع كبد الأدمي من قرفها لاتستمع في هرج قطاعت الساق=اهل النفوس اللي كساها سخفها وانا ترى قلبي من الحب خفاق=ونفسي على شوفتك يكثر شغفها اغليك لأنك داخل القلب سباق=لك سيرةً باالحب ماحدً عرفها تبقين في وسط الحنايا والأعماق=انتي خلف للروح وأنتي سلفها يابهجت الخاطر وياشمس الأشراق=ياجمل هنوفً قلب مشعل ولفها (( ابو سيف )) ليت المرض عدى لغيرك يابوسيف=وانته بقيت بصحتك ومتعافي يوم الخبر هز الضلوع المهاديف=ضاقت على صدري وساع الفيافي وقامت هواجيسي تجيني مراديف=شي يجي قدمي وشي خلافي اناظر الصوره وأفك المضاريف=واقول ياشين السنين العجافي صورتك يافيحان باعلا المشاريف=تبقى على طول الزمن ياالسنافي انت الرفيق الوافي اللي بلا زيف=وانت الصديق اليا انتهى بي مطافي شهمً شجيع وتكرم الجار والضيف=وسيفً من أشد السيوف الرهافي قلبك قوي في حال وبحالً رهيف=وجمك يغثرب حال وبحال صافي على عداك أشد من لاهب الصيف=وآفي وتبقى ياأبيض الوجه وافي من طيحتك حنت قلوبً مواليف=وهلت دموع وبان ماكان خافي يارب تشفي راعي الطيب ابو سيف=ويقوم مع ربعه بخير متعافي (( يانواف )) يانواف ماعينتو الزين يانواف=قطع برج بوابة عفيف اتصالاته تخاويت انا وأياه في عالي المشراف=وترك قلبي المجروح يسبح بحسراته تصوبت من فرقاه بعد اعلن ألمحراف=وحرمني لذيذ النوم ماذقت لذاته مضالي يابوسحمي سنه والسنين اعجاف=وانا في رجاه ولاعرف وين نياته انشد هل الديره وأنشد هل الأرياف=ولا أحدً عطاني وصف وين اتجاهاته وانا من فراقه يابن عمي علي خلاف=اقاطع ونين الشوق وكرر آهاته تولعت به لأنه عديمً فريد اوصاف=شبيه المها بمعنقه والتفاتاته يضيع حكيم العرف ويضيع الهداف=بسلهامت عيونه وحلو ابتساماته عليه السلام ورحمة الله عدد من طاف=ومن زار بيت الله وصلى بساحاته منقول |
|
|
|
|
28-09-2016, 03:21 PM
|
#7 | |
 
|
ديوآنَ يحملَ بينَ صفحآتهَ مدنَ الجمآل
وعلىَ أسطرهَ تنبتَ الروعهَ .. ونحصد الفتنهَ منَ محتوىَ القصآئدِ الجزلهَ .. حيثُ نسريَ معَ المعنىَ لسمواتَ الألهآمَ ..." جلبٌ بهِ مآيسرَ النآظرينَ .. سلمتَ أخيَ تقيييميَ لكَ وأتمنىَ الآ يخذلنيَ .." |
|
 شموخَ وآيليهَ / ولىَ الأبدآع والجمآلَ وجهُه شطرَ أنآملكِ ⚘
|
|
«
الموضوع السابق
|
الموضوع التالي
»
العرض العادي
|
|
