آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
17-11-2019, 12:36 PM | #28169 |
حزب العاصفه
|
اطرب ليا شفت الجرايد تواما=وتلعب بذعذاع النسانيس واتميل
لصوت السعف بالفكر اترجم كلاما=ياصل لقلبي دون مرسال وايميل خوة عمر من فوق عشرين عاما=وانا لحالي والنخل والمعاميل وبلهاتف استقبل علوم وسلاما=وللحديث تتمه ان شاء الله |
|
17-11-2019, 01:32 PM | #28170 |
|
مسآءالورررد والبرررد
وهلا بكم كلن باسمه منوووووررررين المنتجججع وصحت الالسن والاذوآق ودآم حضوركم الجميل وابدآعكم |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
17-11-2019, 02:27 PM | #28171 |
|
الجو عقب المطر و الدِيم
و مزونها تشتعل برقا حسب التواريخ و التقويم جانا الوسم يالسما الزرقا https://youtu.be/gn5JoroWTaM |
|
17-11-2019, 06:02 PM | #28172 |
|
يا مساء آلخير وهبـات آلنسيــم
ويآ مساء آلنـور ونقــوول السـلآم آلسعـاده رزق وآلمعطـي كــريم آسعـد آلله قلـب من مر من هنا |
|
17-11-2019, 06:06 PM | #28173 |
|
مختآرآت تويتريه
عن الاجوآء الجميله والمطر والخير الله يجعلها أمطآر خير وبركه غيم وسحاب وجو ماطر وجذاب شرح صدر من ضاق صدره وباله يا الله تديم الغيث يا رب الارباب يوم ان الكل ب المطر زان حاله ،،،، العام خير .. وهالسنه..كلها خير وعيّت سمانـا .. ما تطلق ثرانـا ' برق ٍتلاعج .. بالمزون المحاديـر وحس الرعد من كل صوب غشانا ' باكر نكيّف ..بالفياض المخاضير وريح الخزامى يفوح..ويملاسمانا ' بامر الولي صارت زهور..ونواوير ترفيـه ربـانيّ ... بثوبــه كسانـا! ،،،، على صوت المطر دن الرعد في خافق المشتاق ولاح البرق في عينه حنين . . . وزادت اشواقه تذكر وقته اللي كان . . . . وقام يقلب الاوراق وعلى صوت المطر هب الهوى ثم لخبط اوراقه ،،،، دن الرعد والبرق ترزم مزونه والخير مقبل والمطر بارقه لاح البر يبهج خاطر اللي يجونه لا لاح براق الحيا والمطر طاح .... الجو براء صدق ماهو طبيعي كنه يشاورني على ( طلعة البر ) ماهو ببردن حيل ولاهو ربيعي لاكنه دواء لخاطري لاتكدر. |
|
17-11-2019, 09:22 PM | #28174 |
حزب العاصفه
|
اهلا يالجوهره ومساك اسعد والشر عنك ابعد
حلوه الاجواء هالايام الان علينا ديم والعصر عنا شمال وغرب وشرق سيول لا تبعد اكثر من عشرين كيلوا من شعبا غرب ضريه الى طخفه شرق شمال |
|
17-11-2019, 09:52 PM | #28175 |
حزب العاصفه
|
صوت المطر لا ديمت يفتح النفس=وريح الثرا الممطور يبعث سعاده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ سألت قبل يومين عن ضيف المنتجع وكيف يخرج منه وكيف يستضاف غيره ولا لقيت مجيب ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ يامن يبينا ونبغى شوفته بالله وين انت=اللي نبيه ويبينا ما يطول بالمغيبه لا تهين من لا يهينك بالتغلي وانت لاهنت=تصرفاتك بتال الوقت يالغالي عجيبه لننا من اجلك ولكن لجلنا يالترف ما لنت=ولي اتضح بعد تحليلاتي الرجعه صعيبه ما احد يسد الفراغ اللي حصل راجع ولا بنت=الا الذي سببه ياليت من شاله يجيبه |
|
17-11-2019, 10:30 PM | #28176 |
حزب العاصفه
|
مساء الخير
وطابت اوقاتكم وصحت السنتكم ودام تواجدكم,’’ |
سبحانك اللهم وبحمدك
أشهد الا اله الا أنت,أستغفرك واتوب اليك |
|
|