عشاق تال الوقت

الحب تـال الوقت ماعــاد به فـــود=واكذب سواليف الغــرام الوعــودي
يابنت شومي عن هوى كل مقــرود=قدام قولة عزتـــــي يا وجــــودي
لا تسهرين الليـل والعالــم رقـــود=لاتحسبينـــه وافيـــاٍ باالعهـــودي
يقولك حاضر وصامـــل وموجـــود=وأعطيــك كل اللـــي تبينه وأزودي
لا يخدعك بالقول لــو يكثر وعـــود=بكره يوريك الجفـــاء والصـــدودي
عشاق تال الوقت يا معشر الخــود=مامن وراهم غير دبــل الكبـــودي
الحب وقته راح ماظنـــي يعــــود=وأهل الوفاء ما عادهم فـ الوجودي
حُبّ بلا ذمه ولا عقــد و شهـــود=ما فيه خير ولا يجي منه فـــودي
صوني حياتك وأحشمي لحية العود=وأمشي على دينك ونهج الجدودي

#سلمى

حمد الحربي ,جراح القلوب ,عبدالله الصقري و 4 آخرون معجبون بهذا

روابي ,رحيل ,النجلاء ,محمد الغنامي

لله درك ياسلمى
اشهد بالله انك شاعره ومبدعه
صح لسانك مليون يالجزله
اعجاببي وتقديري
يسبقه ختم التميز
والتقييم+بنر بالصفحه الرئيسيه

الله الله
ياسلام عليك وصح الله لسانك مدد بلا عدد شاعرتنا
كايفه ونايفه وجزله
دمتي ودام مداد قلمك ورقي حرفك الفاخر
تقديري وتقييمي لسموك
النجلاء

تم تنسيق القصيده بواسطة النجلاء

صصصصصصصصح لسسسسانك

لله درك

سلمت اناملك ولاهان سموك وصح الله لسانك
شاعره بما تعنيه الكلمه

سجلي اعجابي ومروري وسجليني كلي من متابعين جديدك

الله عليك ياسلمى

مبدعه شاعرتنا

قصيده جزله ورائعه ببمعنى الكلمه
وواقعيه جداااا

صح لسآنك مليون ولا يسدوون

ويعطيك العافيه على هالرااائعه

حُــبّ بــلا ذمــه ولا عـقـد و شـهــود
مـا فيـه خيـر ولا يجـي مـنـه فــودي


المختصر المفيد اراه في هذا البيت 👍👍
صح لسانك ولله درك شاعرتنا


كل التقدير لجمال ماخطه قلمك هنا

الله الله عليكِ ،
لله دركِ يا مبدعه وصح لسانكِ ملااااااااااااااااااايين
على هذه العذبة الرائعة ،
أبدعتي بماقلتي وكتبتي فـ أوصلتي ..

الله عليك
صح لسانك ملاييييييييييييييين ولا هنتِ
يعطيك العافية على روعه قلمك