وردت بعلمٍ ماخطر لي على بال

هذا واحد. اعرفه معرفه شخصيه يقاله /محمد بن عايض العصيمي يحب له وحده عمرها حول 23 سنه وهو عمره من 12 الى 13 سنه حولها
ويحبها حب صحيح من قلبه ماهو لعب ههههههه.سنع انها بتخطب مدري خاف انها تخطب وتروح علاه ..هو يحبها ولا يدري هي تحبه والا لا..وفرر الرجال انه يقابلها
ويصارحها بحبه لها علشان تصير على بينه وهو يعرف وش معه منها . وهو عمره كان ايامها يقول من 12 الى 13 منها وحول .وهي عمرها حول 23
.المهم الرجال استجمع قواه و قابلها وعلمها باللي عنده وهي تقوم تضحك .قالت انت توك ورع عمرك ماجاء 12 سته لهالحين ولاكبرت وصرت رجال يمديك على الزواج
والحريم واجد بتلقى اللي تاخذك .واتصدم الرجال من ردها اللي ما كان يتوقعه ههههههههههه( الحريم قلوبهن من حجر )الرجال جايه الموت من الحب وهي تضحك
كان على الاقل جاملت الورع واخذت بخاطره وقالت ابا اشاور واشوف والا خلني افكر وارد لك خبر مهوب تعطيهياه بين العيون بغت تمرج عقل الورع هههههههههه
المهم مانبي نطول علاكم القصيده تشرح القصه ,,,هاذي قصيدته يقول فيها

ابـــن الـمـطـوع مــــا لــقــا الــــدار مــاهــول=مخـلٍ جنابـه عـن جميـع الونـس خـال
شافـه خـلا مـن عقـب مـا هــوب مـنـزول=وأقـفـا عـلـى أقــدام الحـفـا يـهــذل أهـــذال
ابــن الـمـطـوع مـــات مـــع درب مـجـمـول=عطشان في راس أبرقٍ نايفٍ عال
لــكــن ســواتــي مــــا بــعـــد عـاشــهــا زول=ولا قـد سمعتلهـا مـع أهـل الهـوى أمـثـال
عايشـتـهـا عـمــري ثـلاثــة عــشــر حــــول=أو هــو يـقـل عــن الـثـلاثـة عـشــر حـــال
أنــــا صـغـيــر ونــاحــل الـخـصــر مــدلـــول=ســبــع وثـــــلاث مـعـديـتـنـي ورى الــجـــال
الفـرق عـشـرٍ فيـهـن أريــاف ومـحـول=فــــــارق هـــوانـــا فــــــرق راحــــــل ونـــــــزال
صــبــرت عــــل الـصـبــر يــنـــدار بـحــلــول=وحـمـل العـنـا عـــن بـايــد الـحـيـل يـنـحـال
أقـــــول أظـــــن الـصــبــر يــنـــزال ويــــــزول=وصـبـرت وأثــر الصـبـر مــا هـــو بـحــلال
ونـويـت أكـسِّــر حـاجــز الـصـمـت وأقـــول=أمـــــــا طـــمــــع وألا مــنــاكــيــف وأجــــــــزال
واجـهـتـهـا خــايـــف وســايـــف ومــذهـــول=وأخبـرتـهـا بـالـحـال عـــن خــافــي الــحــال
واجهـتـهـا مــــن راس مـارسـلــت مــرســول=وردت بعلـمٍ مـا خطـر لـي علـى الـبـال
قــالــت واشـافـيـهـا تــفــرق عـــــن الــلـــول=تــــوك صـغـيــر ولا بــعـــد صـــــرت رجـــــال
اليـا شتـد عــودك وأصـبـح الـزنـد مفـتـول=ومـشـيــت مــــا بــيــن المـنـاعـيـر تـخــتــال
يـمــديــك تـلــقــى مـــــن يـسـلــيــك بـــدلـــول=ويـحـطــلــك بــأقــصـــى خــفــايـــاه مـــنــــزال
وأقــفــت يلـحـفـهـا مــــن الـلــيــل مــجـــدول=مـــا غـطـتـه عـــن نـاظــر الـطـفـل بـجــلال
أقـفـت وأنــا فــي مـاقـف الـيـاس مـخـذول=مـفـلـس افـــلاس مـضـيـع الـجــاه والـمــال
تـفـتـر بـــي دنـيــاي فــــي حــيــل مـشـلــول=وفـي مـا قـفـي مــا طـاعـت الـرجـل تـنـزال
وراح الزمـان وطـال واطــول بــي مـطـول=وأصـبـحـت فـــي رجـــوى قـبــالات وهــبــال
أصبـحـت جـرحـي فــي خفـايـاي مشـيـول=نـــوب يـهـيـض ونــــوب يـلـتــف بـأسـمــال
لا طـــاب مـــن مــابــه ولا مــــات مـقـتــول=أبــطــى وتـاثـيــره عــلــى الـنــفــس مـــــازال
جــرحٍ يــزوره ســاري الطـيـف محـمـول=عـلــى مـتــون الـلـيـل فـــي مـهـمـه الـــلال
يسقـيـه فـــي لـــذة كـــرى الـنــوم مـعـسـول=حــلـــو الــمـــذاق بــلـــذة الــنـــوم سـلــســال
مــن منـهـلٍ ياعـنـك مــا هــوب منـيـول=صعـبٍ علـى خـيـار النشـامـا والانــذال
والـيـا انتـبـه جـرحـي مــن الـنـوم مـثـمـول=عــــادت عـلـيــه أتــــراح الافـــــراح تـنــهــال
هــذا جــواب الـلـي عــن الـنـاس مـعــزول=عـزل الجبـال الصـم عـن جــرد الاسـهـال
واتــلا الـجـواب مـــن المسـاهـيـر هـمـلـول=تـهــدي لـهــاك الـــزول مــــن بــــد الأزوال

عايض بن محمد العصيمي

وراح الزمان وطال واطول بـي مطـول ,, وأصبحت فـي رجـوى قبـالات وهبـال
أصبحت جرحي في خفاياي مشيول .. نـوب يهيـض ونــوب يلـتـف بأسـمـال

الله لايلوم اللي يلومه ,
بس هي أكبر منه عجوز
بعدين ردها كان قاسي
والله مدري ياعمده
مير
صح لسان شاعرها
وصح لسانك يالامير

ياااسلااام ي عايض
قصة في منتهى الروعة
وقصيدة ..شرحت بدقة فحوى القصة...
صح لسان الشاعر ملااايين ..
وتسلم على روعة النقل و شرح الموقف





تحياااتي وتقديري لسموكم

راحت علاه مناكيف وجزال هههههههههههه

القصيده جايه من اقصى الضلوع الله يعوضه بالحور العين

استمتعت بطرحك يابو جزاء لاعدمناك

يالوف قلبي عنه لوفاه=انا اشهد انه توسدها

والله ما الومها فيه صدق
هي حرمه مستجوزه وهو ورع ويباها تحتريه هههههههههههههههههه
صح لسان شاعرها
انا اشهد انه جزل ومبدع وقصيده اكبر من عمره
وصح لسانك يابو جزاء
دمت بخير

هههههههههه كان مراهق مو حب عايض
قصيده روووووعه يعطيك العافية

ههههههههههههههههه عايض..
قصه جميله الله يسعدك دائماً مبدع..
صح لسان العصيمي وصح ذوقك..
دُمت متألق.

هههههههههههه صح لسانك ولاهنت يابو جزاء
اثر دايم اللي اسمه عايض معاقب الحريم حتى لو انه ورع