رأس مال الخاطر

من بعيداات الهقاوي وخيبات الظنون
والشعور اللي من سنين ماكنت أحسبه

انفجر دمعي وغطى محاجير العيون
وسال لين أصبح لخدي مواري بسببه

الطواري جددت لي جروحي والطعون
قمت اغني واذرف الدمع والحظ اندبه

ناح ورق الحب فيني ومالت به غصون
الوله والشوق والفقد شي آمنت به

هيه يا شفي ويامن على إحساسي تمون
لا كتبت البيت فيك أتراجع وأشطبه

ثم اعيد صياغته واتفنن باللحون
لين اجيب الجزل لو كان عالي مرقبه

أنت شانك شان والشعر شأنه ما يهون
مير قاف ما يوفي مقامك ما أكتبه

أنت روحي نبض قلبي ولأحزاني زبون
رأس مال الخاطر اللي يبيك ومكسبه

خالقك ربي ولله في خلقه شؤون
وحط لك في مهجة القلب قدر ومرتبه

أحمد الله واشكره عد ما كان ويكون
وكثر ماهي في حلاياك عيني مُعجبه

#سلمى

عبدالله الصقري ,رحيل ,ملكة الرواسي و 6 آخرون معجبون بهذا

الجووهره ,نايف الناجي ,عبدالله الدّنّيش ,سعود العتيبي ,ريم الفلا ,النجلاء

صح لسانك واعتلا شانك
ابداع في ابداع
قواك الله,,,,

أنت شانك شان والشعر شأنه ما يهون*
مير قاف ما يوفي مقامك ما أكتبه*

رائعة ياسلمى صح لسانتس مدد
ولاهنتِ.

الله الله
ياسلام عليك وصح الله لسانك ملايين
ابدعتي وامتعتي شاعرتنا الرائعه
تقديري وتقييمي وختم التميز لسموك
النجلاء

صح لسانك شاعرتنا
ابيات فخمه وجميله
يعطيك العافيه

خالقك ربي ولله في خلقه شؤون
وحط لك في مهجة القلب قدر ومرتبه

أحمد الله واشكره عد ما كان ويكون
وكثر ماهي في حلاياك عيني مُعجبه

لو ماقلتي الا هالبيتين تكفي ياسلمى
صح لسانك وحرفك وابداعك
مافيك حيلة ابد
وصح لسانك مدد

هيه يا شفي ويامن على إحساسي تمون
لا كتبت البيت فيك أتراجع وأشطبه

ثم اعيد صياغته واتفنن باللحون
لين اجيب الجزل لو كان عالي مرقبه

^^^
الله الله على الجزالة يا جزلة
صح لسانك شاعرتنا سلمى
قصيدة في غاية الحبك والسبك
وليس غريب عليك هذا الإبداع
&
أنت شانك شان والشعر شأنه ما يهون
مير قاف ما يوفي مقامك ما أكتبه
^
كتبتِ فأبدعتِ هذه الدرة الماسية
شكرا لقلمك الذي أروى صفحات الذائقة ،،
ودام إبداعك مع أطيب التحايا والمنى ،،

سلمى الشموخ
صح الله لسانك حتى الرضا
تحيتي وتقديري