[ آخـر الـعـشـق ]>>

رابط القصيدة في جريدة الريــــــاض -- خزامى الصحارى

http://www.alriyadh.com/2008/11/18/articl88873.html

أسعد الله صباحك لي ويـسعـد مسـاك=ألـتـقي فـيـك والـقـى فرحـتـي والهنـى
لا تخافـيـن شايـف بك خجل وإرتـبـاك =سولفى مابـه الا انـتـي وقـلـبـي وانـا
واطمئـني تـري مابـه هـوى إلاهـواك=يعلم الله مالـي عـن غـرامـك غـنـى
وسط قـلـبي مكانك فيـه يكـبـر غـلاك=لاتـغـارين مـن غــاده ولا مـن منـى
انتي ياللي البهى كله بعض من بهـاك=سـاطع الـنـور لي مـرك وقْـفْ وانحـنـى
والسـنى ماتـوصّـل بعـد لآخــر سـنـاك=في حـضـورك بـهـيـّه وش يكـون السنـى
جيت عـطـشان ودي أرتــوي من لمـاك=ودي أوصـل معـك لآخــر حـدود المُنـى
ودي ابـلغ الى أقـصـى مـدى مـن مـداك=لـ( أخـــر العـشـق) لـي مـزروع بـقـلوبـنـا
ودي أقـطـف ورودك واجـني أطـيـب جـناك=بعـد ماحـسـنـك الساطـع عـلـيّـه جـنـى
جـيـت ودي أحـقـق ياحــياتـي منـاك=عـلـنـا لـ ألـتـقـيـنـا تـصـدق أحلامـنـا
جيـت يابـنـت واقـف لـك بـعــتـبـة فـنـاك=ودي أنـسى الـتعـب، كله معـك والعنـى
كل ما غاب طـيفـك عن خـيالي دعـاك=قلب عاشق يـنـادي لـك تعالـي هنـا
وأسعدالله صباحك لي ويسعـد مسـاك=والتحيات والأشـواق واحلـى المنـى

الاخ والشاعر ....مبروك ماضي
قرأة لك هناك وهنا وفي كلتا الحالتين مبدع
شاعر لك المقدرة الفريده في التحكم بادواتك الشعريه
دام نبضك تقبل مروري ولك اجمل تحيه
اخوك

ويبقى للحب وميض


يُضيء زوايا القلب



مبـروك بن ماضي

حرفك .. رغم الهدوء صاخب

بروح الصدق


جل الاحترام

الله الله
عذب شآعرنآ
الرآئِع مبروك بن مآضي
صحت يمينك ودآمتـ أمطآرك ..
سلمت كفوف الجمآل ..

دمتـ بكل خيـر

ودي ابلغ الى أقصى مدى من مـداك = ل( أخر العشق) لي مزروع بقلوبنـا
ودي أقطف ورودك واجني أطيب جناك = بعد ماحسنك الساطـع عليّـه جنـى

الله الله
يامبروك
شاعر يحمل الروعة والبلاغة في بوحه
متقن ومحترف للغات الرائعه والجميله
وقدرة على توضيف كل مايفوق الوصف
صح كلك يامبروك وجعل السعد مايملك
ودام هالوجود بكل خير ومعزه

صح السانك وبيض الله وجهك

شاعر جزل ومتمكن

ووافي

صح لسانك
(((وتسلم يمينك)))

صح السانك يالجزل


وبيض الله وجهك