اقرب يابو مشعل

السلام عليكم ورحمة الله وبركاته

محاوره بين الشاعرين محمد الغنامي وعبدالله بن طلال

ارجو ان تنال استحسانكم

محمد الغنامي

ياليل ياليل ياليل السعد يازين مسراك = مع واحدٍ مايهس يمين فـ المسرى دليله
اقرب وابا اقرب وعاهدني ليا حطيت يمناك = في يمين صاحبك وليا مال حمله ترتكيله

عبد الله طلال

ليل السعد فـ الرواسي جابني يالقرم وياك = وكلٍ على قد مايسعى يبا يلقى حصيله
العهد بيني وبينك مبطيٍ ماهوب يخفاك = والحمل ياشعيل ملزومٍ مع العالم تشيله

محمد الغنامي

قايدجيوش المسيره عقب ماناديته وجاك = عود وعينه عليكم كل صبح وكل ليله
الحظ ماجابك ألا في يدين اللي تمناك = ابرك وانا ماذخرتك غير لحمولٍ ثقيله

عبد الله طلال

عيني على خيل ابوي وخيل مصروخيل الاتراك = ولا انت مقطوع صيحه ريقه انشف من صميله
اصبر لي ايام معدودات وانشد عنك والقاك = وليا لقيتك ترى ماعادت ايامك طويله

محمد الغنامي

لايختلف ياطويل العمر ممشايه وممشاك = ويضيع قشك مابين الضلع الاقصى والمسيله
لاتجمع ألا الاصايل يا ادمي والليله اغزاك = ودني اختار في بنت العبيه والكحيله

عبد الله طلال

جيتك من هناك واخلفت المسار ورحت مناك = عليك واجب سجود السهو ياراعي الفضيله
ادري بودك بكلش ياعميلي ميرما امداك = دون الكحيله يجيك الجمع بسيوفٍ صقيله

محمد الغنامي

العام يابرق اخيلك واتمنا رش من ماك = واليوم نفسي وعيني طايبه ماعاد اخيله
الناس كلٍ بسيف وشلفهم تشبه لشلفاك = مير انت خليتهم وكبودهم فيها مليله

الله الله

تسلم يابو مشعل على التنسيق

بيض الله وجهك

ياسلام عليكم شعرائنا
صح الله لسانك يامحمد الغنامي
وصح لسانك يابو مشعل
بيض الله وجيهكم يامبدعين امتعتونا بهذه المحاوره الجميله
ودام الابداع والله يجمعكم دائماً على الود والمحبه والتقدير
تحياتي لكم
النجلاء

سلمت ودمت يا محمد الغنامي

ولاشكر على واجب يالامير

تقبل تحياتي

صح لسانك شاعرنا عبدالله بن طلال وصح لسان شاعرنا محمد الغنامي
محاوره ممتعه من شاعرين يتمتعون بالجزاله والابداع

صح لسانك ابو مشعل ....صح لسانك ي الغنامي
محاوره ممتعه وجميله....
الله يجمعكم ع الخير دائما.....

صح لسانكم ياابو مشعل ويالغنامي
وصح احساسكم العذب
محاوره جميله كثيرا
راقت لي
يعطيكم العافيه
دمتم بخير وسعاده