ديوان الشاعر / عبدالله الصقري

قويَّه


قد ماهي عايدي .. تبقى قويَّـه
مــا لهــا داعـي و لا تنعـــدّ شي

أنت حرّ .. وما سلبنا لك هويَّه
و منت مثبتها بـ طعنك قلب حي

الخوي في وقتنـا يجرح خويَّـه
دون ما يشعـر و زاد الجهل كي

المحبَّــه حكمهـا جــايــر عليَّـه
بين صدق حقوقها ودروب غي

رواسي نجد


صاب قلبي وجد فوقه وجد
ما توجَّدتــه و انا منضامي

بوح روحي يا رواسي نجد
ما هو الاَّ لحظـة ٍ في عامي

لو أقـلّـدهـا وجـودي مجــد
و استثرتـه بالفـؤآد الدامي

ما أظنّ القاف يسجد سجد
أويصوم ومن تجافى صامي

جمرة سْكوت



لا تبعــد المعنى .. و يكفيك تســـــأل
وابوح لك بـاسرار تلجمك بـ سكوت

ما همّني وش صعبها وشهو اسهل
لو ينفتح باب الصــدر خايف تموت

اللي ظلمني صــاين ٍ فيني اهـمـــــل
والملحمه بفصول تُدفَن بـ تــابـــوت

يُـدفَـن فـ بَحــر ٍ يَـدفِـن الحلم الاجمل
بَدَّل بيــاض اللـؤلـؤ بـْـ دَمّ يــاقـــوت

لَمحَـه يخلّي حـاجـر الشّــوف يَدمَـل
وشعــاد لو صافحت بالعين مكبـوت

جرح ٍ بدا بالهـون بـ سْتــار يُسـدَل
إلين خـانت هـالكـوالـيــس مبغــوت

و جرح ٍ عليـه مْغَـرِّدَ اَلفجـر يخجل
صعب الحكي به صعب ٍاحمِّله نوت

وجرح ٍ قتلني عقبه الوجد و اكمل
ناره تشاغل بالوفـا لحظـة قـنــوت

و عـقـل ٍ تقسَّـم بين عالـم و أهبـل
على جبين اقـداره الـســرّ منحـوت

بـ اجيك عـالـم يجهـل القول الامثل
فيه اِفـتِـكـر لا بَيَّـنَــه كل مـبـهــوت

واجيك جاهل واعقل الحرف وادهل
بيتٍ سكن في موجه الجال والبوت

و اصـيـر عـاقـل قبلمـا يقفي اقـبـل
تايه جمع صدفه و فجأه و موقوت

و اصـل بـ قلبٍ آمن بـ جـرح منزل
لمقدِّمه عن ملحمه بـ كفّ طاغوت

يلفظني بـ ءآخر نَفَس فيه و اَشْعَل
فيني هجاد الروح من جمرة سْكوت

الدروب الطايله



أعترف لك يـ الدروب الطايله
يالثقيله حملك أتعب عايلي

لا نهايـه .. لا محطّــه دايله
وان تفرّعتي تزيد مسايلي

مــاتنــولين الـذي بك نايله
من سلكتك والعقل بي مايلي

من طعنتيني وقلتي حايله
ما انتهيتك ما سمعت القايلي

ما قضى نحبك عصور ٍ زايله
ما بدى من حاضر ٍ لك زايلي

بالنسب كنّك من ءآصل وايله
لابتي و فيـهــا أعـزّ خلايلي

يالنجــوم اللي بـ عـزّ القايله
وش تبين بـ حالي المتهايلي

السراب اللي كفوفـه طايله
لو صبرنــا ما يطـولـه طايلي

أكتب ومقصودي اللي شايله
و آتعـذّر كان قـصـّــر صــايلي

الطريق اللي بـ رغبه جاي له
مادريت انـّه بـ رعبه جـاي لي

مــا تـوجّـزت بــ قصيــد ٍ قايله
جف معناي و خــذآه السايلي

لي مصـابيح الليــالي مـايـلـه
بس منزالي جـفـــاه الخـايلي

قنوت





ذي هــديـًّــه للعــزيــز المحـتـــرم
من فؤادي صغـتـهــا عـدًّة بيــوت

وان ســألت القلب جــاوبتـك نعــم
هـو مقــرًّك يا نـديمي ليـن امـوت

وان بغيت الصدق شف خطًّـ القلـم
قبل يـمحـيـه الدُّجى وعنًّك يـفـوت

و ابتسـم في وقتـك اللَّي ما اْبتسـم
غـيـر لــ صْحاح النوايا و البخوت

و ان تبـسًّــم لا يغــآفـلْـك بـْـ سهـم
قوسه بـ يـدْك..وسنين العمر قوت

لو نفعك الكيف ما عـشـت الـوهــم
لين صافحت الحقيقـه و مـآل بوت

في بـحــور الغيِّ كـم حلـم انـهـــدم
والغـرق طآل اَهْـلَـنـا وسط البيـوت

مـا تـعـنًــا غـيــرهـم أو شـآل هـــم
مـا تشيلــه لا جـبــال و لا خـبــوت

مــا لـقَــوا منَّـا ســوى كـل الألــــم
لين مـآتـوا من ألَـمْهـم في سكـوت

لا .. و مـن عـلًّــم نـبـيـًّـه بالـقـلـــم
و اَخرج لْمستغفره من بطن حـوت

الـحـيــــاه اللَّي بــلا ديــن و قـيـَــم
كـ الـسًّرآب اللًّي عن الظامي يفوت

و الــدروب اللًّي نهـايـتـهــا النـــدم
الحـذر لو تـنـفـرش نرجس وتــوت

ليتهـــا من شــوك صبَّــار و سَـلَــم
كـان ما شـفـنــا سمـايلهـــا كـيــوت

لـيتهــا ما جـرجـرت نـفــس و قـدم
و ليتـنـــا فــ دروب خالقـنــا قـنـوت

الـمعـــاصـي لا تـعـيـِّـشــك الـعــــدم
و ان بقى بك نبض مالك أي صوت

دام عـنــدك وآلـــديـك ارعَ الـذِّمـــم
بـرِّهــم مـن قـبـل واحـدهــم يمــوت

حلمت بـ عقربه




حلمت بـ عقربه تدبي بـ جنبي
لهـا رجول ام أربـع واربـعيــن

لها لون الذهب والســــمِ بمبي
و مـدري جن كـانت أو هجين

و باتت لين حل الصبـح قربـي
وانا بــ آيــآت خالقـنــا حصين

وقلت: الله على ماشفت حسبي
يجنبني عن الـشــــر و يعـيـن

كفاني سـمــهـم بـ زلآل شربي
نعم واعمى عيـون الحاسـدين

وانـا محتــار و آداري و اخبي
على قول ام كلثـوم و حـزيـــن

فــ لا يخـفـى عليـك اللي بقلبي
و عشـرتنــا لهـا عـــدة سنيـن

ولا يخفـاك ابــد جــدي و لعبي
و همي في حيــــاتي و الأنـيـن

و بعيونك شهدت اعلآن حـربي
من اقربهم ,, و زادوا الحاقدين

على جال المشــاكل كان جــذبي
من اللي بــ الـجـهــالـــه مبتلين

علي اخطـوا كثيـر و زآد كـربـي
و صرت الخايـن لــ مـبــدأ أمين

وصار اصغـرخطـأ بـ البعـد ينبي
و هــم أكـبــر خـطايــاهــم حنين

و كثر اللي مضى و اهوال دربي
بـ عـمـري مـا حقـدت و ما أدين

سـوى للي معــه غـفـران ذنـبـي
وهـو سـبحآنـه اقـرب لـ الوتـيـن

عآدته يظميني



قيل قديما أنَّ المستحيلات ثلاث
الغول و العنقــآء و الخلّ الوفي
هل صحيح أنَّ الخل الوفي مستحيل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هي قصيدة قديمه كتبت في هذا الشأن

بعد أن هجرني الشعر فتره

فكانت هذه عودته حينها

ووجَّهتها إلى أحد الأخوة الأعزَّاء

مدرجا فيها مفارقات عدّه

و إليكم النص وأرجوا ان ينال رضاكم



.........................................




صاحبي . نبَّهني مْن الجرح "جافي"
هـزّني بوصــالــه المرتـــاب "قافي"

طـمِّـنَـــــه في راحتيك وشوف مابه
خافق ٍ بين ( العيــون و كفّ ) لافي

أسـتُــرَه بين الظلـوع ليـا فـضـحني
و اَدفـنـــه حـيِّ ٍ عليـه الحـيّ رافـي

ما تكلَّفتــه قصيــدٍ لي تـشــوفـــــــه
لا ولا بـيَّـنْـت لـو بَـيَّـحــت خــــافـي

أســـألــك باللّه يــــوم الـكـل يـســـأل
مـسـتحـيــل بـصــدق نلقى خل وافي !!؟

هـالزّمـــان يـعـزّ من يدنيـــه كـذبــه
مـنَّـه الصّـادق جـنـى مليــون جـافي

و اســألـك باللّه لا تـشـــره عـلـيــَّــه
هاجسي لـ اتلآه يـاطـا الشـوك حافي

مـدلـج ٍ هـجَّـج من الأحــداق نـــوري
مرجهن .. من هـيَّض المكنون طافي

تـفهــم الـمعـنـى إذا ســــرَّاك معـنـــا
خـاطــر ٍ بـ شْـفـــاه رمش الآه غافي

مـخـلـف النيـَّـه يبي يسلى بـ نـوحـي
قـال : طيِّب؟ قلت : مابي منك شـافي

إيـه لي حـرف ٍغَـرَسـني بـ قاع غـبَّه
بـس مـا زَيـَّـف مـعــانــاتــي و زافي

صَـبِّـني بـعــروق ٍاَغْـرَقْهَــا الحـنـيـن
و مـا جـذبتــه في ذرا مرقــاب نـافي

هــزِّنـي جـرحـي و لا هـزّيـت جــرح
و ما جـنيـت من الـظـنـا لليــوم كافي

مانـويـت آكـحِّــل عـيــون الـيـــديـــن
لو قصَــر شوفي وشفت النقص وافي

مـوقـفـي واضـح من الليل و نجومــه
الـنهـــار يــردّ نـجــم اللـيــل طــــافي

لـو تـنــام الغيمـــه بـ حـضـن السمـــا
لـ الـنّــوا بصمــه لو المجــدول ظـافي

آيــــةٍ لا مـــا يـشــــاهـــدهــــا خَـلِـيِّ ٍ
مـن خَــوَا نـبـضــه ينــاجي كل هـافي

كـلّ مـوق ٍظَـلِّـل اهــدابـــه سـرآبـــــه
ما اَنْـبَـت بْـوَجــده على ما راح سافي

مـن سـكـب دمـعــه بـكـفَّـك لا تـلـومـه
قـبـلـمـــا يلقي الـســلام اقـفـــاه قــافي

غـصـب ٍ ولـو قَـلَّـدَك مـن درّ قـــافــــه
مـا أظنّ بـ قـطــرة ٍللـبــحــــر ضـــافي

دَمِّـي اَصـخـيـتــه بـ جُـود و جـفّ دمِّي
و الـنَّـظـــر بين السَّنـــا والـبــرق دافي

خـايـف ٍ لا يـكـسـب الـدّانـي جـمـيـلــــه
إن شـفـق بـالــدَّمـع واسـقـانيــه صـافي

مَــلّـنـــي قـلـب ٍ يــمــــالــــيـــنــي دوآه
عـفـتَــه و ممَّــا لـقـى بـالـضّـيــم عـافي

مــا هـفـى لاجـلي و لا ظـنّـيـت يـعـفــــا
عــادتــه يـظـمـيـنـي و يـرويــــه قــافي

رسآله




كُلّمَا يِتلَخبَط اِحسَاسِي بْـ رِسَــالَـه
أَلتِـقِـي في دَاخِـلـي جَـــرح ٍ دفِين

جَرح غيراَلجَرح الاوَّل أَو بـدَالَـه
يختِـلِــج في قَلبـي المَـدمِي سِنيِن

يَـنـزِف و يسقيني لـ حَـدَّ الثّمَـالَـه
ليـن فِي وَجهِـي عَـلَامَــاتَــه تِبين

بين حِكْمَة عَاقِل وُ نَزوَة جَهَــالَــه
و بين آآهَة صَابِــر وُ بَسمَـة أَنين

كُلّ جَرح بْـ قِصَّـه وُإِثبَــاتْ حَـالَــه
وكُلّ دَمعَـــه تَجعَـل القَـاسِـي يِلين

ليتَهَـا لآنَت قُلُوب اَهل الجمَــالَـــه
مَا قسَت بالمِمتلي شُـوق و حَنِين

اَلرّسَـايـِـل لَا غَدَتْ للبُـــوح آلَــــه
خَلِّي الخَــافِقْ مَـعَـاهَـا مـسـتِكـيـن

إنْ طَرَى لَه جَرح وَالاّ مَاطَرَى لَه
خَلَّـه ينَــاجِي وَ لَا تِســأَلْـــه مـيـن

للحَيَـاة الظَّالمَـه صُـورَة عَــدَالَــه
مثلمَــا فِي ظَـالِـمِـيــنَـــا عَـادِلِـيـن

مثل من ضَاعَت يمِينَه فِي شمَالَه
يَآكُل بْـ يُســرَآه و يَحسِبهَــا يِمِين

متّقي رَبَّ المَلأ في كَسب مَــالَــه
مَا يسَـاوِيـه الّـذِي بَـه يِـسـتِهـيـن

من غَرَس في رُوضَةالخِلاَّن بَالَه
مَا جَنَى غَير الهَــوَاجِسْ كُلّ حين

يسْـرِجَ اَلتَّفكِيـر وَ الأَوُهَــام فَـالَـه
يفقِـد اَلتَّمييــز لَـو عَـقْـلَــه رزين

العَنَا مَوجُود واَشْقَـاني وصَــالَـه
والهَنَـا مَفقُــوُد واَلمَعنَـى الثّمِيـن

لَامنِي من يعتِبـر حِـسّــي هَبَـالَـه!
لَـو يِحِسّ الّلي فِـ ذَاتِي مَــا يِهِين

فِينِي التَّعبِيــر لَـه نَهْج و دَلَالَـــه
فِيه سَلوَى و فِيِه عِبْـرَه للـفطِين

هُو أَعَـزّ بْدَاخِلِي . وهُوَ الِّرسَالَه
لَو أَمُــوُتْ يظَلّ بين اَلعَــالَـمِـيــن