آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
24-04-2019, 01:39 AM | #2441 |
|
يقول الامير: خالد الفيصل دايم السيف .
الناس تفنى والمباني والاملاك والقول يبقى والخبر للتوالي الشعر معنى حكمته بعد الادراك وما كل يلمع على النور غالي والشعر صور شاعر فيه تلقاك اما لبس لك جوخ ولا سمالي |
الخط يبقى زمنا بعد كاتبه ،،، وصاحب الخط تحت الأرض مدفون |
24-04-2019, 01:40 AM | #2442 |
|
وهذا الشاعر: سليمان بن شريم من بني زيد يقول:
وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك الى ان قال: واصحى لخلان الرخا لو تغالوك اعرف ترى اطيبهم الى احتجت يجفاك كنك خوي مقيط دهووك واغووك وحقك عطاك رشاك واقفى وخلاك واحذر عن العيلة ترى الحق مدروك مثل العمل يدركك ما منه فكاك وان كان عدوانك على الضيق حدوك فاخصم طلابتهم بعجفاك وقداك وان كان هم لمشرف الحق ما شوك ناظر مطاليع الفرج قبل مبداك واحلم على الجاهل ترى الحلم مبروك وقم للضعيف اللي من الضيم ينخاك وادمح خطا جيران بيتك الى اوذوك ترى القصير وحرمة الجار بحماك وقم للضيوف اللي لفولك وضافوك اغلا كرامتهم حجاجك وبشراك |
|
24-04-2019, 01:40 AM | #2443 |
|
يقول الشاعر: عبدالله بن صقيه التميمي:
ساس الردي لابد مبناه ينهال ولد الردي صاحبي تحطه بطانه تلقاه وقت الضيق لاضحكك الجال الصفر لا يغريك زين لمعانه ترى الذهب من صافي جنيه واريال ما يختلف يا ذيب طيلة زمانه بستان غيرك لوبه الوان واشكال ما تنتفع من خوخه وبردقانه ما ينفعك ما فيه لو بالثمر مال لاصار بالغدراء جدياره مخانه |
|
24-04-2019, 01:41 AM | #2444 |
|
ويقول ابو التميمي ايضا:
احرص عن الزلات في كل الاحوال لا تنخدع باللي يعلج اللبانه ما يفتري ويشين الناس رجال راع الحكي بالناس خله وشانه عليك باللي بالمهمات سردال ليث مثل من حط قوسه رهانه انت وانا نبعد عن القيل والقال كم واحدٍ يا ذيب ضره لسانه |
|
24-04-2019, 01:41 AM | #2445 |
|
ويقول غازي بن دخيل الله بن عون العتيبي
الرفقه اللي مالها ساس ووصول اتلى تلياها تروح بسهوله مثل الذرور اللي على راس غرمول اول مهب يعترض له يزوله والفعل ما يطلع على مستوى القول يقول قول ما يطبق فعوله والفرق في الافعال,, ماهوب في الزول والا ترى اطيب ما من الثور زوله لو غرّهم زوله,, وحطوه مسئول صاروا مثل راع الغنم ومخيوله ثوب على جسم على شبه مخيول ودايعه يفرسهن الذيب حوله |
|
24-04-2019, 01:41 AM | #2446 |
|
يقول: عبدالعزيز الحسن:
بعض البشر مثل النجوم المراهيش انوارهم تزهي بالافراح بشه افكارهم ري العقول المعاطيش في الدين والدنيا للاخيار هشه وبعض البشر عقله من التبن والخيش لوزان شكله داخل الراس عشه |
|
24-04-2019, 01:42 AM | #2447 |
|
وقال تركي بن حميد العتيبي
ترك عشير عشرته يوم او دون ثم يبدل بك عشير وينساك شف لك قطامي على السد مامون درع القفا ما ينهض الراس لحذاك اللي الى اوحى الناس فيكم يهرجون حامي على عرضك ويدمح خطياك |
|
24-04-2019, 01:42 AM | #2448 |
|
ويقول: عبدالله اللويحان التميمي:
الشور ما ينفع قلوب المهابيل كالزند وان حرك تطاير شراره لو تأمره بالعدل يعرض على الميل يبتل على رايه بربح وخساره والطبع ما ينزال غيره بتبديل مثل الجدي مرساه ليله نهاره والحنظله لوهي على شاطي النيل زادت مرارتها القديمه مرارة |
|
|
|