سجل حضورك ببيت شعر على ذوقك

صح لسانك الهواوي..
الله يسغدك ويرفع قدرك>>احرجتني
ابشر على هالخشم ..وغيابي عن السجن
مهوب كره والله..
لان له مكانته ولازم انتقي شيء يليق به..
لكنك اخونا العود وم نقدر نرفض لك طلب..
دُمت بخير

عذب ,ناصر الهواوي معجبون بهذا

هم يقولون عليه الشحم
وانا اقول عليه دهن عود كمبودي معنق
وما فيه داعي للاحراج الله يهداتس
واعتقد انك شاعره لانه على اقل تفدير من يعشق الشعر لابد ما ينوني بابيات
ههههههههههههه

عذب ,الشامخه معجبون بهذا

بعد كتمه غصون الشجر والسعف تهتز
رقاق النسيم ينسن برفق ويهزه

شرقيه وانا هجسي ليا نسنست له فز
يفرح به مثل ما يفرح بصاحب يعزه

عن مطلع سهيل العام يادوب ادزه دز
ولذاك الجبل والوادى يحوص واكزه

مربى من زها ريان عوده رقاق البز
فديت الجبل وشعيبه وطلحه وبزه

معزة سنينٍ روحت لو يدوم العز
حاستها طناخة راس بنفيسته عزه

شاعرة نجد ,عذب ,الشامخه معجبون بهذا

كلن يشوف اني مقصر و غايب
‏وانا مقصر صدق .. مدري وش اقول
خسرت ربع طيبين وقرايب
‏أحبهم لكن مابي منهم الزول

‏معي بلا عجزت عليه الطبايب
‏يتكني وأنا ماعندي حلول
عيت على صدري تهب الهبايب
‏لا اداني الجمعة ولا اداني الضول

‏ماكن لي بين الحبايب حبايب
‏لو اضحك شوي اتعومس على طول

اقرب وصف لي هالايام هالابيات..
نشوفكم على خير.

شاعرة نجد ,ناصر الهواوي معجبون بهذا

ههههههههههه لاحول ولا قوة الا بالله
الله اسأل ان يشرح صدرك ويزيل همك ويشملنا جميعا بعفوه ورحمتهصح لسان شاعرها وذوق ناقلها
جاز لي معناها وجاريتها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
هي هكذا الدنيا حظوظ ووهايب
ما فات مات ومقبل الوقت مجهول

ما راح لا تكثر عليه النحايب
واتكل مقابيله على لطف ذي الطول

رب العباد اللي يدير الهبايب
بلياه ما للعبد قوه ولا حول

لااحترت ما بالشور نقد ومعايب
يمكن براي لما تمنيته اتنول

شاعرة نجد معجب بهذا

يالعذب وش هالسكوت الحكي يا رجال ببلاش
خذ واعط معنا تراني معجب بقافٍ تقوله

حلو القوافي تراها في مثابة دعم وانعاش
من غير غرفة عنايه تنقذ النفس الملوله

الفكر من كثرة التفكير في ماضيه منداش
له في متاهة خيالاته ليا امسا الليل جوله

كنت اتحيزم على جور الليال بصملة الجاش
واليوم لامحزمي حولي وانا مانيب حوله

شاعرة نجد معجب بهذا

مهب الهواء غربي وانا رغبتي شرق وجنوب
اقفِّي عن النسناس ما ابيه لو انه ندي

تغر الاماني والمواعيد باغلبها كذوب
يومن بي من سهيل اليماني الى نجم الجدي

اعرف الحقيقه لكن اماشي الضبي اللعوب
مثل ما يقول النادم اطرفت عيني في يدي

عصر لي بعد كوب العسل من عصير الشري كوب
ومع ذا ليا جيت ازهمه قلت وينك يابعدي

انادي وانا بيني وبينه مسافه لها الموتر يجوب
لساعات والرجلي شهر لو بتل يعدي عدي

شاعرة نجد معجب بهذا

ممممممممممممممممم ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
خيال لو من بعض الاقوال جزنا
ماء الوجه يا خيالنا ما دفقناه

لو احتفظنا بالذي فيه فزنا
وما ضاع منا يامعلم نسيناه

ياما لما به يُرفَع الراس حزنا
واللي يجي من بعدنا له ذخرناه

وهي هكذا الايام فرحه وحزنا
وآهـٍ بعد ضحكه وضحكه تعقب آااااهـ

عذب ,شاعرة نجد معجبون بهذا