حسيت بشعور الندم يوم حبيت

حسيت بشعور الندم يوم حبيت
وفهمت وش معنى الخطأ من سواتي

خطأ وغلطه من عرقها تقهويت
ولبست من فوق الندامه عباتي

عانيت بالدنيا كثر ماتمنيت
يالربع انا لو أنتحر هو يواتي؟

معذور انا من باقي العمر مليت
ومن لامني جعله يجرب حياتي

ليه ثمان شهور اجرّ التناهيت
واجر ونات الطنا من سكاتي

اخاف اقول وينفضح كل ماخفيت
واصير قصه لين حزت مماتي

الناس مالها غير ماقلت وابديت
خلك غطا للبير واسمع وصاتي

مافيك خله بيك لو به تبليت
عليه سْكر من جميع الجهاتي

ياما تغديت المرار وتعشيت
وافطرت هم وصاحبي مايحاتي

ياما مشيت مع الاوادم وخاويت
اقسى تجاريب البشر في حياتي

خاويت من ضيم الليالي سرابيت
والم مامره يفارق شفاتي

والله عجب للحين ماقد توفيت؟
والله غريبه ماسمعتوا وفاتي!

أستغفر الله كان بالشعر زليت
يارب تدمح ماطلع من لهاتي

غصبن علي ان قلت بالشعر واخطيت
اطلبك انا يارب ياالله نجاتي

ياالله تنجيني من اللي توليت
ومن شان ترحمني ملازم صلاتي

عفت المنام ولمة الاهل والبيت
شين جرالي يابشر مايواتي

دايم اهوجس وان توذيت مديت
واقول ياضيم المقبلات هاتي

استغفر الله من حياتي توذيت
ياالله زين مابقى من حياتي

ماصارت احوالي مثل ماتمنيت
لاواالله الا عوفتني مباتي

تحيتي

ملكة الرواسي ,الشامخه ,النجلاء معجبون بهذا

شموخه
يسلم ذوقك الراقي ياذوق
انتقاء جميل ومميز
شاكره لك وجودك ومجهودك
تقديري لسموك
النجلاء

شكوخ
يسلم ذوقك واحساسك
ذوق جميل ورائع
لاهنتي

شموخ ابدعتي،،
يسلم ذوقك الراقي،،
دُمتي ودام ابداعك:)

ابدعت غلاي
يسلم ذووقك الراقي