صادق الوقفه

من بغاني محزمٍ مليان عدّه
عند ضيقه يثني لي عند ضيقي
الوفاء والوصل له حبلٍ يمدّه
والصداقه عهدها عهدٍ وثيقي
والمواقف كل يوم مستجدّه
يعتريها رجف قلب ويبس ريقي
وكل موقف صعب يلقى ناس قدّه
وفيه ناس لساعته ماهي تطيقي
الجبل يبقى جبل مااحدن يهدّه
راسيٍ مهما العواصف به تحيقي
الكفو من طيب ابوه وطيب جده
وارثٍ الطيب ومن اصلٍ عريقي
والردي أدناة لازم ما يسدّه
كلما صعبت بوجهه يستضيقي
الله يا مقصر مداه وقرب سده
جعل عينه من منامه ما تفيقي
أعرفه لو كان مالي معه مدّه
صحبته لاهي تسر ولا تليقي
لو يجاملني ويصنع لي الموّده
ماني بجاهل عدوي من صديقي
تالية وقت الرخى يقفاه شدّه
ينكشف ويبين معدنه الحقيقي

حمد بن سايمه

عبدالله الصقري ,محمد الغنامي ,رحيل معجبون بهذا

صح لسانك لين ترضى على هـ الرائعه
و لاهنت ..

صح لسانك ونبضك ودامت حروفك الجميله
استمتعت بمعزوفتك الرائعه

صح لسانك

وبيض الله وجهك ~

شاعرنا

الشاعر حمد بن سايمه

قصيده جزله وأبيات رآئعه

صح لسآنك مليووون ولا يكفوون

ويعطيك العاآفيه على هالرآئعه

الله الله
حمد بن سايمه
اهلا وسهلا شاعرنا
الحمد لله على السلامه
واخر الغيبات ان شاء الله
صح لسانك مليون على هالنص الرائع
مبدع ورائع وشهادتي فيك مجروحه
سجل اعجابي وتقديري

صح لسانك مليون ولا يكفون
نص راقي برقي حضورك شاعرنا
أخر الغيبات ان شاء الله

رائعه صح لسانك مدد ولاهنت