عمر الجمل ما حمل قشّ يوتيوب

عمـر الجمــل ما حمل قَش هَــلّ الجـــــزيل وبلل اعمــــــاقي و رشّ واهمـــل على قاع الفكـــر طيب رشّــــه وامطر على روض الحشى بي ورشرش جمــــــــلة أحاسيسي ولا شي خشّـــــــــه نعنش خفوقي و استدار و تنعــــــــــــنش واسهب على روحي عبيره يرشّـــــــــــه سَـــــيّل محــــادير المعــــــاني و روّش نبت الخفــــوق و فيض روحي مرشّـــه أزهر فياضي والربيع يتنغمَــــــــــــــــش نش الحشى في زاكي الطيب نشّــــــــــه جاني غـذا ما شــــــفت مثله تنهمـــــــشّ قلّطت فكري قلت سَـــــــــمّ و تعشّــــــه شفته من اجناب السمـــــــــينة تعرمشّ عرمش ســـــــــــــمانيها ولا شي طشّـه قام يتفنن بالجــــــــــــــــزل و يتبشـبش نوبن أغني له و نوبن أهشّـــــــــــــــــه أداعـبه شواردي و آتنشــــــــــــــــــنش وآهـدّ سْــــــــــــــــــبّاقه جزيلي و أكشّه واهشهشــه طير الفكــــر هيت مع هَشّ واعانقه وأحب راسه و ابشّـــــــــــــــه يومي ترفرافـــــــه مـع الروح و يدش ما فيه شيّ بمهجتي ما يدشّــــــــــــــــه يوقد حطب فكـــري وَنَس يوم ما غَش لين اقبلت من قاصي اقصاه غْشّـــــــه قلت آتدارك حلقـــها اللي تعكـــــــرش قامت تسد اللي تطوف و تدشّـــــــــــه و ارزم على فكـري و حـاس وتخربش غَص الحشى جَــزّ الخَظار ابمحشّــــــه زمجـــر شعوري و الفكـر طشني طش وشــــوش خيالي قلت افتّح و امشّــــــه شفت العرب في حال حش الحشا حش و طير الحكي طارت به الريح عشّــه قمت آتحـاور و الجـــــــــــزيل آتنبّش عن يعربي السالفة و ش مطشّــــــــــــه وعن وضعنا يومي ســـــــــئلته تكلبش لا ما عرف حال العـرب وش مغشّـــه ألا النقي اللي ولا قد تخشخــــــــــــش منهـو سقى روض المعاليق رَشَّـــــــه قامت على شاشة شعوري تغــــــــــبّش صورت عروبتنا تغلّ و تفشّـــــــــــــه وقامت موازين المعــــــاني تطشــطش تبكي جزيل و دمعها ما تخشّـــــــــــــه وامست تشــــــــوف الكل بالكل ينهشّ غابة و كلّن يملك اللي يقشّــــــــــــــــه كلً على همه سرى و يتعـــــــــــــلبش حتى الأخو عادي شقيقه يغشّـــــــــــه أحدً زمانه غَش واللي لقى غَــــــــــشّ راحت حياته في دروب المغشــــــــه واحدً من افكاره مريض و تدشـــــدش تومي به و في قاعها تستطشّـــــــــــه واحدً على هام النميمــــــــــة تراعش هش و قليلة لو يسمّى مهشـــــــــــــــه ذا يقتفيك و ذا بالاعراض ينهَـــــــــش وهذا سقيمً ذمته في محشّــــــــــــــــــه ياللي بنى قصره على موقـــــــعً هش ما تنبنى عشّــه على أرض هشّـــــــــه والغـدر آلامنه مع السالفــــــــــــة دش غَــرّق ثقيلات الحكي في مدشّــــــــــه من حــالنا حتى الكلام يتناحـــــــــــــش جـــار الزمان و صابه الوقت وشّــــــه بالذيب نفخر والغدر فيه نخــــــــــتش شيٍ نخش و شي وينه مخشّـــــــــــــه و أعدائنا مثل الأفاعــي تحـــــــــربش ما بيننا سْـــــــــــــــــمّ المنايا ترشّـــــه سَووا و قالوا لكن آقولهــــا مَـــــــــــشّ أكتم قهر و اللي تبا اليوم مشّــــــــــــه عند العرب عمـر الجمــل ما حمل قَش و اللي قصم ظهر الجــمل كان قشّــــه ماجد بن رتيق

صـدووودٓ ,عازف الشوق ,رحيل و 3 آخرون معجبون بهذا

الملكة ,النجلاء ,محمد الغنامي

الله الله
ماجد الرتيق
صح لسانك واعتلا شانك
نص فخم وجزل للغايه
مبدع ورائع شاعرنا
مروري وتقديري
يسبقه ختم التميز
والاعجابي

خيال مطير ,ماجد بن رتيق معجبون بهذا

نص جزل وقوي الفاظ وتركيب حتى القاف صعب واجدت بنفس طويل ما شاء الله عليكك

ماجد بن رتيق معجب بهذا

الله الله
ياسلام عليك وصح الله لسانك ياماجد
كايفه ونايفه وجزله كما تعودنا من سموك الابداع والامتاع وشهادتي فيك مجروحه شاعرنا
دمت ودام مداد قلمك ورقي حرفك الفاخر
تقديري وتقييمي لسموك
النجلاء

خيال مطير ,ماجد بن رتيق معجبون بهذا

صح لسانك وبيض الله وجهكـ

ماجد بن رتيق معجب بهذا

صح لسانك وبيض الله وجهك
كفيت ووفيت ماجد
يعطيك العافية
تقيييييييييمي

ماجد بن رتيق معجب بهذا

اقتباس:

المشاركة الأصلية كتبت بواسطة محمد الغنامي

الله الله
ماجد الرتيق
صح لسانك واعتلا شانك
نص فخم وجزل للغايه
مبدع ورائع شاعرنا
مروري وتقديري
يسبقه ختم التميز
والاعجابي

أررررحب تراحيب الغيث يا بعدي
صح بدنك و علا شأنك
وكل شكري لمرورك الفاخر و إطرائك العاطر
حماك الله
ورعاك
و أبقاك







لا خلا ولا عدم م سموك

اقتباس:

المشاركة الأصلية كتبت بواسطة نايف خويتم

نص جزل وقوي الفاظ وتركيب حتى القاف صعب واجدت بنفس طويل ما شاء الله عليكك

مرااااااحب كبار يالأمير
سلم قلبك و نبض روحك واحساسك
وكل شكري لمرورك السمو
حماك الله
ورعاك
و أبقاك











لا خلا ولا عدم