ياطير تكفى لاتزعلني

هذي قصيده قديمه لي كانت في منتدى السلاطين
لصاحبة عبد الله بن طلال رحمة الله عليه رحمة واسعه
ارسلها لي اخوي عبد الله الروقي وانا كنت ناسيها
وحبيت انزلها لكم هنا امل ان تنال استحسانكم

ياطير تكفى لاتزعلني وانا ماني زعول=احرص على صدري من الضيقه ومن مضمونها
لاجبت طاري من تليق بها الخلاخل والحجول=ماكنك ألا تركي الجمره على غليونها
داله وفي لمحة بصر يطري لي الطرف الخجول=واقوم اجاوب نايحات الورق سو لحونها
من عقب ماقلبي عن الخفرات والعشق معزول=استيسرتني بالرموش اللي وساع طعونها
سود العيون الناعسه تطرح رياجيلٍ فحول=والله طرحني بين غرتها وسود عيونها
ماغيرها اللي روحت بالقلب مرواح الذلول=الحره اللي من غوال المال مايصخونها

في حبها ياطير انا تايه ولاعندي حلول=اعنا لها حتى لو ان البعد يزمي دونها

عبدالله الصقري ,الجووهره ,سعود العتيبي و 7 آخرون معجبون بهذا

شاعرة نجد ,عبدالله الدّنّيش ,رحيل ,ملكة الرواسي ,ناصر الهواوي ,النجلاء ,خيال مطير

,الله يرحم ابو مشعل برحمته
قصيدة جزلةة من شاعر هامه غني عن التعريف
صح لسانك يابو بندر وصح لسان اخوك الروقي اللي ارسلها لك

تقيييمي ألمذهب لسموك
ولاهنت يالامير

محمد الغنامي معجب بهذا

خيال مطير
صح بدنك مليون
اخجلت تواضعي بعذب تعبيرك
شاكر لك حضورك وتواجدك الدايم
تقييمك وسام على صدري
دمت بخير وسعاده

الله يرحم ابو مشعل ويسكنه فسيح جناته
ابو بندر
صح الله لسانك ملايين
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري لسموك
النجلاء

قديمك جديد يابو بندر صح الله لسانك والله يرحم او مشعل رحمة واسعه

الله يرحمة ويغفر له وأموات المسلمين
روووووعه مديرنا لا هنت على النقلك الراقي

الله يرحمه ويغفرله ويسكنه فسيح جناته
القصيدة لك ي ابو بندر والا لابو مشعل
صار عندي لبس في الموضوع ):

صح لسانك ويعطيك العافيه
نص جزل شاعرنا الرائع
تحياتي