القلوب البيض تبقى مثل مآهي

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد من كدّر غيابي مزاجه
ويابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي

الخجل في وجهك أول مَ نتوآجه
والبراءه في عيونك وأنت ساهي

وبسمتك لامن بغيت تقول حاجة
وغيرتك لاشفت كنّي عنك لاهي

قبل أشوفك .. والزمن عاقد حجاجة
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجة
القلوب البيض تبقى مثل ماهي

للشآعر العذب / فهد المسآعد

ملكة الرواسي ,محمد الغنامي معجبون بهذا

صح لسان شاعرها
وصح ذوقكـ يالجوهره
مبدعه في اختياراتكـ

خيال مطير معجب بهذا

صح لسانك , يالجوهره , وصح لسان شاعرها
طرح راقي من سموك ,,

خيال ~

الله الله
نص عذب وجميل لا عدمناك
دمتي بخير ودام عطاءك الخصب بالتوفيق

الفرآج ، خيآل ، هزآع
تسلموون ومشكوورين
ومنوورين يا الغاااالين

الله عليك

الجوووهره

صح لسانك وصح لسان شاعرها
نقل جميل وذوق اجمل

مروري وتقديري

تسلم مديرنااا
ومشكور على المرور العذب
شرفت ونورت الموضووع

صح لسان شاعرها
لا هنتِ غلاي