سامي الغنامي ضيفنا في قوافينا الشعريه

26-04-2015, 02:09 AM

ضيافة قوافيَناالشعريه )

.. مسـآء الشعر..

وَ أعذب القصيد ..

احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
وفي كل مرهـ
سنكون في ضيافـة عضو
سنبحر معه لننتشي عذب المشاعر وأروعــهآ
ونستمتع بعذب ذائقته الشعريـة
ليقوم بدورهـ وبعد انتهائه
باختيار عضو اخر يكمل رحلتنا تلك
و يمتعنا بروعـة اجاباته على الاسئلـة التاليه..

1- متى كانت بدايتك الشعريه ؟!!

2- ماهي علاقتك بالشعر ؟!!

3- من هو شاعرك المفضل ؟!!

4 _ ماذا يعني لك شعر الغزل ؟!!

5- قصيده تهديها لشخص معين ؟ !!

6 - هل لديك اجواء معينه لكتابة القصيده ؟ !!

7 - هل قصائدك من الواقع أم من وحي الخيال ؟ !!

8 - هل شاعريتك وراثه آم انها موهبه ؟ !!

9- اعضاء في رواسي نجد تثق في ذائقتهم الشعرية ؟!!

10- بيت شعر يحضرك دائما ؟!!

11- قصيده تعدها من اروع القصائـد بالنسبه لك ؟!!

12- قصيده تتمنى لو كنت اللي كاتبها ؟!!

13- قصيده اثرت عليك في مضمونها ومنهو شاعرها ؟!!

14 - امتعنا بقصيدة على ذوقك ؟!!

- لك مساحه بلآ حدود وحرية بلا قيود

راح يكون ثاني عضو بضيافتنا

[ الشاعرسامي الغنامي]

وَ أخيراً .. من تريد أن يكون ضيفاً في قوآفينا ؟

اتمنى ان ينال اعجابكم

المهره الاصيله

26-04-2015, 04:49 AM

اولا يعطيك العافيه ي المهره

على الموضوع الشيق والممتع ..

وعلى حسن الاستضافه ...

:

شكري الجم ..

1- متى كانت بدايتك الشعريه ؟!!

منذ الصغر وانا هاوي للشعر ..
ولا بدينا ف الشعر للحين ولا اعد نفسي في مراحل الشعراء
مجرد متذوق للشعر ..

2- ماهي علاقتك بالشعر ؟!!

علاقه حميمه جدا" وصادقه ولا يتخللها شوائب

3- من هو شاعرك المفضل ؟!!

شاعري المفضل هو من يكتب الشعر الجزل

4 _ ماذا يعني لك شعر الغزل ؟!!

شعر الغزل سلاح ذو حدين
ممتع احيان واحيان وقت ضيق لمن يبحث عنه ..

ولكن يبقى ف النهايه فن ابداع واتقان ..

5- قصيده تهديها لشخص معين ؟ !!

إي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا

لا جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيـق سكوتهـا

كم لي وأنا أنادي عليك آمال عمـري وأحتريـك
وكم لك تجيب أعذار من زرق البحـور وحوتهـا

مع كل هذا .. والله إنـي مشتريـك وبأشتريـك
وأحسد عليك أهل الريـاض وجوّهـا وبيوتهـا

لا تكثر ظنوني عليّ .. وتكثـر ظنونـك عليـك
نفسي فراقك ضيـم حالتهـا .. وقربـك قوتهـا

أموت لك أموت منك أموت معك أموت فيـك
ضع خط .. تحت الموته اللي تعجبـك وأموتهـا

6 - هل لديك اجواء معينه لكتابة القصيده ؟ !!

اكييد .. لولا الاجواء لما كتبنا شي من الشعر
والهدوء يعتبر افضل نوع اشوفه من وجهة نظري

7 - هل قصائدك من الواقع أم من وحي الخيال ؟ !!

هنا واقع وهنا خيال .. لولا الامتزاج بينهم لم نكتب الا الشيء القليل

8 - هل شاعريتك وراثه آم انها موهبه ؟ !!

وراثه وموهبه في كلا الحالتين وراثه من اقربائي

وموهبه من الله .. لاتنحصر على شيء معين منهم

9- اعضاء في رواسي نجد تثق في ذائقتهم الشعرية ؟!!

كلهم فيهم الخير والبركه

بدون تحديد ..

10- بيت شعر يحضرك دائما ؟!!

يامكثرين الهرج ل اسمع ولا اجيب
تريحو من فضلكم واسمحو لي ...!

11- قصيده تعدها من اروع القصائـد بالنسبه لك ؟!!

كثيره القصائد اللي اعدها روعه ولكن بذكر وحده منهم

خلك شمالي .. عند زلة قرايبك
وعلى الحقوق اليا نصنك حجازي

لاتذخر المذخور من دون واجبك
اوف الحقوق الواردات بنجازي

للضيف والجيران .. لين جوانبك
وبالطيب جاز وبالردى لاتجازي ..

واحلم على زلة خويك وصاحبك
ادمح خطاهم لاتصير انتهازي

للشاعر : عبدالله زويبن الحربي

12- قصيده تتمنى لو كنت اللي كاتبها ؟!!

تعال ياسكر نبات العشق ياملح القصيد
غيبتك لي مده وانا اغني على طاروقها

قصيدة" موالها تهتز له خضر الجريد
ترخي هماليل المزون اللي تلوح بروقها

الى اخرها للشاعر محمد مريبد العازمي

13- قصيده اثرت عليك في مضمونها ومنهو شاعرها ؟!!

خلوني أكرم في حياتي و أنا حـي
و لا مت مدري جثتي من دفنهـا

خلقت في الدنيا و أنا ما معي شي
و بروح منها ما معي شي منهـا

مسكين يااللي تحسب الواجـد شـوي
و العافية لـو تنشـري وش ثمنهـا

للشاعر : مبارك البخيت السبيعي

14 - امتعنا بقصيدة على ذوقك ؟!!

اقبل يحرك خطوة الرجل برفوق
والقاع لمصافح خطاه يتشوق ..

مخلوق لكنه ماهوب اي مخلوق
على بنات ادم وحوى تفوق ..

عليه لبس" يجمع الوسع والضوق
موسع" بعضه وبعضه مضوق ..

مادام لا معوق ولا لاحقه عوق
وراه يمشي مثل مشي المعوق

اللي على حاله خطر من هل السوق
مفروض يمنع مايروح يتسوق ..

- لك مساحه بلآ حدود وحرية بلا قيود

شاعر وامثل لي .. قبيله ولابه .. !!
واسمي يسطر في سطور الشغاميم

يالمستمع ماظن .. فيها غرابه .. !!
لان نهجي نهج .. شعر الغنانيم ..

توقيع : سامي الغنامي °•~

كل الشكر ي المهره ..

والاختيار راجع لك .. واتمنى اكون ضيف خفيف الضل عليكم

26-04-2015, 06:44 AM

الله الله
صح الله لسانك ياسامي
استمتعنا بأ جاباتك الراقيه وحضورك المميز
وكل الشكر للمهره الاصيله على استضافتها واختيارها لك
تقديري لسموك
النجلاء

26-04-2015, 09:09 PM

الله عليك يا سامي صح لسانك امتعتنا بابياتك واجاباتك الرااائعه والمميزه ..
كل الشكر موصول للمهره على ابداعاتها وموضوعاتها الشيقه ..

ودي وتقديري ..

26-04-2015, 09:54 PM

سامي الغنامي

ابداع في ابداع يالجزل

صح لسانك مليون ولا يسدوون

شكرا لك يامهره
على الاستظافه

27-04-2015, 03:31 AM

ماشاء الله ياسامي
حوار رائع واجوبه ممتعه
استمتعنا معك كثيرا
يعطيك العافيه
تقبل تحياتي واحترامي لسموك

27-04-2015, 08:51 AM

مرحبا ب الجميع ..

صحت ابدانكم والله لا يهينكم .. جميع

كل الشكر لكم على الحضور الطيب ...

لاهنتوآ ...

22-06-2015, 01:10 AM

المهره
يعطيك العافيه
على الموضوع
تحياتي لك