هنا .. سجن القوافي !!

صح الله لسانك يابو عبيد
صح الله لسانك ملايين يالروقي
الصقري صح الله لسانك
خيال لاهنت على الحضور والتسالي
ياهلا والله ياجوجو منوره بالغلاوالحمد لله على السلامه وعسى ماشر اختك الف سلامه عليها ان شاء الله

رحيل ,ناصر الهواوي معجبون بهذا

اهلا يالجوهره والتهنكم سلامة الاخت والله يزيدها من فضله عافيه
اهلا يالنجلاء وصح بدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
‏

اسمع ما يقولون البشر واسفه الكثير=من مروتي ما الد فيهم ولا اداني
يقولون وش حالك هالايام قلت بخير=من المزرعه للبيت وارجع لها ثاني
ادخل بالونيت المزرعه وابتل استدير=واشوف الحمام ليا دخلت يتحداني
ليا جيت يمه زاد نوحه ولا يطير=يراني كماهو طير واصبح هو انساني
انا اسلا بنوح الراعبيه ومنها اغير=ليا سمعها اللي هي تناديه جا عاني
وانا لي سنه ولهاتفي بالندا جغير=انبحت حبال الصوت به ما احدٍ جاني
ابا ادعي على ما صار لي منه واستخير=لاني على نفسي بحبي له الجاني

عبدالله الصقري ,رحيل معجبون بهذا

يارحيل يقولون لا تدل ال.........بيتك
لوسمحتي نسقيها وانقليها للتاج ههههههههههههههه
وشوفو لي حل مع هالمتصفحات لجل ما ابلشكم
وخصوصا الحفيد لانه حضري والحضر يعرفون كللل شي هههههههههههههههههه

عبدالله الصقري ,رحيل معجبون بهذا

‏

سير ياقلم والا توقف عن السير=حصيلنا يالباركر نفض الاحبار
ربكه ودوشة فكر وارهاق لاغير=ومن الزرايا حولنا سوي حصار
غديت من شين العلوم احسد الطير=اللي ليا ضاقت عليه الوطا طار
واكبدي اللي كن روس المسامير=فيها اتدق اوتقل تشذب بمنشار
على مفارق سادةٍ لي مناعير=وفا وطيب وصدق نيات وخيار
فياضٍ مريفه كلها خير في خير=صارت حتايف تحفي الذيب وغبار

‏

عبدالله الصقري ,رحيل معجبون بهذا

صباح الخير
جوجو منورة والحمدلله على السلامة

ابو عبيد ابشر من عيوني
بس التاج تبي تطلع باسمي هههههههههههه
انت نزلها وانا انسقها هناك
وهنا الحين انسقها


وصحت السنتكم جميعاً
الروقي صح لسانك
وداعيه مرفوضه وغير مقبوله ابد

الجووهره ,عبدالله الصقري ,ناصر الهواوي معجبون بهذا

صباح الخير ع الجميع
ماقصرتي يارحيل وتسلمين كلك والله يحفظك ويديم عليك عافيته وفضله
ــــــــــــــــــــــــــــــــــــــــــــ ـــــــــــــــــــــــــــــ ـــــــــــــــــ

‏

قل ما فات مات وصدّْق ان المثل صحيح=لكن ماتزال جروح ما فات نزافي
ويصير النفس مع ذكر ماقد مضى فحيح=وقشر العيون اهمالها يكشف الخافي
لضرايا القطيعه دون وكر الفرح نحيح=حقدٍ ما يحالي حقد بقلوب ياكافي
تقوم الاماني مع دروب الامل واتطيح=والاسباب حظي لا مصحصح ولا غافي
الا يالعسيب اللي تراقص بنسمة ريح=هو ماجاك من يمة هبوب الهواء لافي؟
ماشميت رياً تشبه لدهن ورد وشيح= او جابت خبر يقول ما جاهم خلافي

‏

الجووهره ,عبدالله الصقري معجبون بهذا

صباح الخير و المسرات عالجميع
وصح لسانك يا جدو ملايين
و جميل هالتواجد من الكل
وشكرا رحيل على التنسيق

وعندي اقتراح يصلح لك
يضاف الى دواوين شعراء رواسي ديوان باسم السجن
تجمع فيه النصوص والمجاريات فقط
لايتضمن السوالف والتحايا و الصباحات وكذا
فقط قصائد شعريه و اكيد حيكون افضل ديوان على الإطلاق لوجود كوكبه جميله من المبدعين


علمي وسلامتكم
..
ملاحظه
ابو عبيد اترك الجوال ترى مافي احسن من الكمبيوتر
للنظر راحه و للتنسيق خيارات اكثر و اسهل و اجمل
او ارسل لي اللي ودك مع صوره 4*6 وانت براس النخل وابشر
..


أنا حفيدك كيف اصير حضري !
أيش هوو هادا بس يا جدو


لمّا ادندن شعرك بـ وتري
يوصل باحساسي الى حدّو


ههههههههههههههههه

الجووهره ,رحيل ,ناصر الهواوي معجبون بهذا

ماقط دخلت من الجوال بتاتا
وحياك الله ياحفيدي
ـــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ ــــــــــــــــــــــــــــــــــــــــــــــــــ ــــــــــــــــــ

‏

ماتستسيغو سوبيا الخضري=مع ما يقول ابن ابني لجدو
لكن يا اغلا شوي من نظري=عيوني الى التنسيق تمدو

‏

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ ــــــــــــــــــــــــــــــ ـــــــ
‏

الا واعنى الولهان من كثرة التفكير=تحوس الدماغ الصبح والعصر تلعب به
اتعشمه امانيه بسعاده تبي تصير=ومن واقعه يدق في صدره منبه
يقول اركد اركد خايف من الفرح تطير=خيوط الرجا ترقيك وبياسك اتجبه
وتسقط صقوط اللي هوى وسط جمة بير=يحطم قواك الهجر والطبه الطبه


‏

عبدالله الصقري ,الجووهره ,رحيل معجبون بهذا