من ليلة البارح وانا خاطري ضنك(ندى للغنامي)

السلام عليكم ورحمة الله وبركاته

يسعد مسائكم جميعن

اليوم طرالي احط هنا مداعبه خفيفه الي الاخ محمد الغنامي

فقبلوها



من ليلة البارح وانا خاطري ضنك
وتضيق في عيني فجوجن وسيعه

ماني مجنب يامحمد ترا عنك
ترفاء رفيقك بالرخاء ماتبيعه

يامزبني ياراس مالي ويابنك
بنك الرجال مطبقين الشريعه

بعض الاوادم هرجته تنزنك زنك
وتجيب محصوله قبل لايذيعه

وبغا ردود الشعر ياصاحبي منك
بنات فكرك والمقاني طبيعه

هجوس شعرن لطرب منحنك حنك
لون كلمات الشعر له شفيعه

يومنك المزبان ونعرف معادنك
من ربعي الهيلا حصونن منيعه

مرحبا ومسهلا
حياك الله ياحبيس المشاعر
صح لسانك مليون يالجزل
مبدع وجزل بمعنى الكلمه
سلمت ولاعليك زود
لي عوده ان شاء الله

صح الله لسانك ياحبيس المشاعر
ابدعت وامتعت بهذه الفاخره
وفي انتضار الشاعر محمد الغنامي
تقديري لك
النجلاء

رائعه ومميزه

حبيس المشاعر

الله يوفقك

صح لسانك حبيس المشاعر
قصيده رائعه وجزله من شاعر مبدع
دمت بود وتقدير

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

صحة ارواحكم جميعن


واشكركم جميعن


لمروروكم



(نعم اسمي مستعار ولاكن شعري ليسى بمستعار لم اضع هنا شين لغيري)

ولاغلــب نكه مستعار

يامبتدين الشعر في قسمك جيت
هاتو الدلال وبهروها وحيو