هنا .. سجن القوافي !!

هلا بالصباح المشرق الراقي المرموق
‏هلا بالصـــباح اللي تغـــرد عصــافيره

‏صباحٍ يسوق النور فوق البسيطه سوق
‏ويضفي على بيض النوايـــا تبـــاشيره

شاعرة نجد ,خيال مطير ,ناصر الهواوي معجبون بهذا

وهلا بكم
وصبآحكم نور وسرور
وتبآشير وسعآده

وصحت الالسن
شآعرنا الهوآوي
وشآعرتنا نجد
ودآم حضوركم الجميل وابدآعكم

شاعرة نجد ,ناصر الهواوي معجبون بهذا

هلا بالصباح وبالمصبِح وحلو الذوق=وهلابالسحاب ورش بارد شخاتيره
يوسع صدورٍ ضايقه وبلها وتروق=من المزرعه من رحمة الله الى الديره
ــــــــــــــــــــــــــــــــــــــــــــــــــ ـــــــــــــــــــــــــــــ
حياك الله يالجوهره وصح بدنك وصباحك سعيد ومساك اسعد
اشوف تواجد للخيال الله يصبحه بالخير
ويصبح الجميع بكل خير وعافيه
ــــــــــــــــــــــــــــــــــــــــــــــــــ ـــــــــــــــــــــــــــــ
مع المطر جاء للعصافير لجه
والورق مع رش المطر مالهن صوت
وانا بعد مشاعري مستلجه
ويطق باب الفكر طاريه ويفوت
له يستبيح ويشغله دون حجه
يطلع كروت مغيبه داخل كروت
وهواجسي مع بوصلتها توجه
لشيٍ معاويل الزمن شاتته شوت
مثل الرشاش اللي تقفته عجه
من جاه قبل وبعد هالعج مبهوت

شاعرة نجد ,خيال مطير ,الجووهره معجبون بهذا

الجو غيم وينتظر طلة الشوق ..
الا يابعد كل البشر في عيوني ..

قوم وخل نظرتك للسماء فوق ..
شوف جنون الغيم يشبه جنوني ..

شاعرة نجد ,ناصر الهواوي معجبون بهذا

مسآء الخير
وأمطآر الخير

كريم يا بـرق سـرى يشعـل اشعال
‏بـرقٍ السحـاب اللـي ترازم رعـوده

‏ناض وتلالا وأمطـر الـمــزن همال
‏والجو منعش فيـه غيم وبــــروده

‏وسالت نفود العرق وسهول وجبال
‏كـل الـديار بفضل ربي وجــــــوده
‏ِ

شاعرة نجد ,خيال مطير ,ناصر الهواوي معجبون بهذا

أبيآت وندآء للغآيبين منذو مبطي


إذا سرى البرق في أكناف أرضهم
‏أقول من فرط شوقي ليتنِي المطر

‏فأيـن الأحـبـة لاحــس ولا خــبـر
‏ألم يحنوا؟ أما اشتاقوا؟ أماذكروا

‏عـودوا إلي كما كنتم فعـودتـكـم
‏تحيي الفؤاد كما يحيي الربا المطر
‏

شاعرة نجد ,خيال مطير ,ناصر الهواوي معجبون بهذا

ارحب يالخيال هالبيتين عن معلقه صح لسانك او سلم ذوقك
حيا الله الجوهره رائعه الاوله والثاني الله يحفظك
دخلت ابي اشوف من موجود واسعدني تواجدكما
وقلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
مع حضور مراقبه مع مستشار
وما لفوا به من تسالي رايعه

النعاس اللي غزا العينين طار
بالتسالي قطعوا ذرايعه

دله وبراد شاهي حول نار
والذوايق للقوافي جايعه

الـ قمر فكري حواليهم مدار
كل همٍ غير همه بايعه

وتعترض سود الليالي بالمسار
لو توجه معه جاته فايعه

سببن للمد بالوصل انحسار
لايعه تقفي وتقبل لايعه

وبس هههههههههههه

شاعرة نجد ,خيال مطير معجبون بهذا

يقول سم وبالدسم ذوب السم
ومذاق سم مغاير لطعم سمه

ماهيب تدخل غير راسٍ منسم
حروفها والفاظها مستسمه

وكلمة غلا بقت مجرد مجسم
منظر حلوا من مر به لد يمه

لشاربه هو ما هقيته يدسم
ولمقابله ما يدهنه لو تلمه

كان الجفا خفيف قبل يترسم
عن بعد ما ذقناه لكن نشمه

واليوم له في كل وجه اتوسم
واثر الهجر عضيد له وابن عمه

شاعرة نجد معجب بهذا