ليه تنزل موضوع ؟؟؟؟؟؟؟

بسم الله الرحمن الرحيم


السلام عليكم ورحمة الله وبركاته

اخواني واخواتي . أهل رواسي نجد . ماني مفرق بينكم لانكم اخوه ولا يهم المركز هنا


ابغى اعرف شي مهم في الامور اللي تخص المنتدى

ليش ننزل مواضيع ؟؟؟؟؟؟؟

وش المقصود من المواضيع اللي ينزلها العضوو ويتعب فيها ويبحث ويدور الموضوع المميز والمهم والموضوع المفيد

ليش؟؟؟

هل هو من شان يستفيد بنفسه لو المقصود منها النفس كان قريتها وخلص الامر

ليش يوم اتعب نفسي واكتب . ولا على شان يستفيد القاري ويعرف معلومات يمكن قبل ماعرفها.ولم تخطر بباله ابد

ولا ينزل الموضوع على شان تمر وتقول يسلموو موضوع مميز وانت مميز.

أكيد اني ماكتبت شي ادور على يسلمووووووووو . وانت ماقريت الموضوع ولا عرفت انا وش اتكلم عنه

اذا انت ماتبغى تقراء ولا تبغاء تعرف وش الموضوع وهاااوي للقراءه وحب المعرفه لا تكتب شي إطلع بلا تعليق

اكيد ما رايح يزعل صاحب الموضوووع

(السبب من قولي هذا)

ألاحظ ان فيه أشخاص يمرون على موضوع مميز وهادف ومنه فايده ولا يطلع منه بكلمه وحده ويكتفي بكلمة يسلمووووووو.

هل هو قراء الموضوع ما اعجبه ولا مافهم منه شي الله اعلم .

وفيه ناس يمرون على الموضوع مرتين ويضيفون ردود وش يعني هذا يعني انه ما قراء الموضوع دخل على اخر الصفحه وقال

يسلموووو وننتظر جديدك .

طيب وش الفايده من جديدي وانت ما قريت اي شي .

انا في وش فايدتي يوم اتعب حالي الا على شان انت تقراء وغيرك يقراء والفايده للجميع وانت تنزل موضوع وانا اقراه واستفيد منك

ونتانقش ونبحث عن الفايده من بعض والكل يستفيد. ونعدل أخطاء بعض إن وجد

انا الصراحه احب اقراء اي موضوع وأذا ما اعجبني ولا مافهمت عليه اطلع ما اضيف رد وأذا اعجبني الموضوع تلقاني حسسته اني قريت الموضوع

بكلمات من موضوعه ولا بقتراح .

(هذا ما لاحظت يمكن انا مو اول واحد يلاحظ الشي ذا واتوقع ان فيه ناس سبقوني بهذا الشي)

كل أملي أن لا أحد يزعل مني ولا يفهم خطاء فالكلام موجه للجميع .

أمل تقبل ملا حظتي بسدر رحب .

محمد الغنامي

وعليكم السلام

اخوي محمد كلامك منطقي وواقعي مو في هذا المنتدى بس في كل المنتديات

والسبب بعض الاعضاء لايحبو المواضيع الطويله والبعض الاخر لايحب

المواضيع الملخبطه والغير منسقه

والبعض الاخر ينقصه الثقافه في الرد مع انه يريد الرد برد يستحقه الموضوع

ولاكن لايستطيع

واحيانآ تكون النفسيه صفر وليس للعضو خلق لرد

اخي العزيز شاكر لك حرصك لرقي للأفضل

عاشق الصمت

كلامك مثل العسل على قلبي شاكر لك تعليقك

بس اللي ضايق خلقه معذور يوم ما يقراء بس لا يعلق

وذا روووووق يجي . هو ماهو مجبور يضيف رد

لك كل الود والاحترام

كلامك سليم اخوي محمد لابد عند قراءة الموضوع كتابة لو تعليق بسيط يجعل كاتب الموضوع يحس باهمية ماكتبه
وانه افاد غيره

لكن نلاحظ بعض الاعضاء ردودهم على مايطرح عبارة واحدة في كل المواضيع سواء دينية او عامة او فرفشة دليل انه ماقرا الموضوع

الغنامي

اشكرك على حرصك في رقي المنتدى وعلى مواضيعك الهادفة

اخي محمد شكر لك وكلام موزون صح

المشكله ياسيدي عند الكثير انه لا يرد الا على الشخص الي يرتاحله يعني نفسياات
حب تقدير سمها ماشئت والبعض اناني يحب نفسه والبعض كسل


وشكرا لك مره اخرا وكل التقدير

لهفة شوق

لا خلى ولا عدم من مرورك وقراءتك لمى كتبت

انا أتعلم منكم اجمعين

انا جيت للمنتدى على شان أضيع وقت بس لقيت أشياء استفدت منها كثير

لك مني كل ود واحترام

ابن الباديه

انت المعلم واحنا كلنا نتعلم منك

بس أذا أنت تكرهني موضوعي ما نزلته على شان تحبني

والمقصود منه الاستفاده ما هو الرد

لك مني كل الود والاحترام

السلام عليكم ورحمه الله وبركاته

اخوي محمد وكل اخوواني انا من ناحيتي قليله خبرتي بالمنتديات
بس كل واحد يعبر عن شخصييته وراييه بدون حواجز ..
بعض الناس يقراء المووضوع واذا جاء يرد علييه يصير قبله ناس كبار راديين وتكلموا عن اللي بقلبه من مدح واعجاب
مو كل المواضيع تعجب القاري بس رضاء الناس غايه لا تدرك .
ومن ناحييه الرد البسييط تراء يكون كبير عند اللي كتبه وعلى ماقال اخووي عاشق الصمت نقص الثقافه او نقص التعبير سبب رئيسي
ومن ناحييه دخولك للمنتدى من الفضاوءه انا مثلك
بس والله لقييت فيه شي ما اتوقع القاه كم سنه قدام من معلومات وفوائد ولو ما رد قاري المووضوع تأكدأنه اخذ فايده سواء من معلومه جديده او معلومه سابقه قراها وتذكرها ..
واسف على الاطاله

اخوووووووووك / ولــد شقرآآء
تقبل مروري