* ضجيج الناس *

20-08-2023, 12:52 AM

السلام عليكم ورحمة الله

أعزاائي..اتمنى يطيب لكم جديدي...

أنا وين اببعد لو شهر عن ضجيج الناس
نقاهه, واعوّد لا دعىَ الشوق غاليني

أسابق رباب الغيم واسبح مع الهوجاس
توارد تطارد لاطرَت مع شراييني

سواليف مثل الطيف مرت كما النسناس
وعذبه لِياا حرّك غصون البساتيني

من الذكريات أهييم واقول لا لاباس
على الهون هبي ياهبايب وداويني

أعيد استعيد اجرمت فـ الحرف والقرطاس
وانا داريه لو عاد مـ عاد يمديني

أكابر واصوغ القاف بالحس والاحساس
من روحي على روحي ولا ابيه يوحيني

شموخ وطناخة نفس مدري يباسة راس
عسى الله عليها كلها ربي يْعيني ,,

نهر ,الجووهره ,خيال مطير و 1 آخرون معجبون بهذا

20-08-2023, 07:27 AM

شموخ وطناخة نفس ما ادري يباسة راس
عسى الله عليها كلها ربي يعيني
ههههههههههههه
لله درك ياشاعرة نجد لعلهن الثنتين الاولات
صح الله لسانك ولا فض فوك
ابدعتي وامتعتي ولاهنتي
تحياتي

الجووهره ,خيال مطير ,شاعرة نجد معجبون بهذا