مجاراتي لحلم غطرسه

غطرسه

‏انكسر حلم مسكته في يديني= بس ياحلم السهر ماهو براجع
ارحميني يامشاعر وتركيني=يكفي الي في ضلوعي من مواجع
‏ياحروفي جمعيني بعثريني=وسط دفتر ذكرياتي والمراجع

الغنامي

جدد الاحزان فالقلب الحزيني=الحمام اللي على الاغصان ساجع
غرد القمري على لحن الهجيني= لين صحى النايمين من المضاجع
طاري الفرقاء من لسان الخديني=مثل ذكر الموت من طاريه فاجع

الله الله
صح الله لسانك يالغنامي
وصح الله لسان غطرسه
مبدعين ماشاء الله عليكم
دام الابداع والتواصل والمجاريات الجزله
تقديري لك
النجلاء

الله الله
صح لسانك يا الغنامي
وصح لسان غطرسه
مجاره جزله
يعطيكم العافيه
تقبلو تحياتي وتقديري
اخوكم حمد اليامي

صح لسانك شاعرنا على المجاراه الرائعه
وصح لسان الشاعره غطرسة قلم
دمتم بخير وسعاده دائمه

صح لسانك يالغنامي وصح لسان الشاعرة غطرسة

باانتظار الجديد والرائع من عذب مشاعركم

تقبلوا مروري المتواضع ..... ودمتم في حمى الرحمن

صح لسانك يالغنامي
وصح لسان غطرسه
مجاراه رائعه
لاهنتوا
بانتظار ابداعكم القادم
يعطيكم العافيه
تقبلوا تحياتي واحترامي
المهره الاصيله

صحة السنتكم الصوت والصدا ولا اروع

صح لسانك ي الغنااامي
وصح لسان غطرسة
مجاره ف غايةة الروعةة
لاتحرمناا من ابداع جديدكم
لكم ودي