آآآه يالسوداني

قصيدة الشاعر /نايف المحينيش(آآآه يالسوداني))

يالادانه يالادانه يالادانه داني=ويالاداني ويالاداني يالاداني دانه
شاعر ٍ متورط ٍ مع واحد ٍ ديـّاني=والله أنه لايعيد الدين والديـّانه
أبك انا من قشر حضي طحت فالسوداني=واحد ٍ قبل أمس شارن يافهد طليانه
كل ماهل الشهر والا انتصف ينصاني=وابتلشني بالدراهم وانطلق بلسانه
مايسويبه سواته واحد ٍ نصراني=لو ذبحت ابوه والا ذابح ٍ ورعانه

مجاراة الشاعر / سعيد بن مقبل المنيعي الأكلبي

مثل ماقال الدليهي والكريم معاني=الله انه لايهين الكفو في ضيفانه
المحينيش اشتكى والعلم قبله جاني=يوم كانوا لادخلت السوق قالوا عانه!!
كنّي اوزع بخاشيش العرب مجّاني!=راتبه يكفيه ويوزع على جيرانه!!
هذي خمسميه تروح لمطعم الافغاني=وميتين تروح للهندي على دكانه
والف وميتين معطيها طبيب اسناني=يوم ركّب صاحبك سن الذهب باسنانه
كاشخٍ بالسن ويحسدونه الشيباني!=كل واحد فارشٍ طقمه على ذرعانه
يوم انا والراجحي كنّا ثنين اخواني=مايفرقنا الزمان وفرحته واحزانه
والبطاقه محْتجزها واحدٍ قوماني=يسحب اقصاده وانا آشوف الرصيد وزانه
لاخذا حقه عطاني شي ما كفّاني=قال عبّر نفسك بهذي ومعك آمانه
لاتعامل لابغيت الدين واحد ثاني=والتفت للي على المكتب ومد لسانه!!
شاقني طاروق نايف لين جبت الحاني=شاعرٍ غالي وانا آحبه واحب الحانه

مجاراتي

مثل ما جاب المنيعي فالمقال الثاني=جيت عاني والمعّنا يالمنيعي عانه
جبت الابيات الطريفه كلها مجاني=والله اني مارجيت ريال ولاّ لبانه
وش حدا سرحان للمرقاب ياسرحاني=من صدوف الوقت عين الذيب في كرعانه
يوم شال البندق الشاوي ورد الشاني=مال ظل السدر من ميل الدهر واغصانه
يازمانٍ شيّخ العميان والعرجاني=والغناوي مكسب رياله على حقرانه
والبصير اللي تبسم في عيون الجاني=يرفع الحاجب وياخذ فالمناصب خانه
والله ان الوضع مزري والفقير يعاني=البسيطه من رهاها عدها عطشانه
لا تسابق شيب راس الورْع فالجيلاني=فاطلب الله في قنيفٍ عايمٍ ربانه

صح لساااااانك يالشاعر قصيده لطيفه
لاهنت - انتظر جديدك الاجمل باذن الله

دمت كما تحب

كايف ياكايف ولا تجيب الا كل كايف ولا عاد تغيب ابتد الامسيات من الان وصح لسان الشعراء وصح لسانك لين ترضى

صح لسانك يا سعيد القير

في انتظار جديدك أخي

سعيد القير

صح االسانك وعلآ شآنك

قصيدة رائعه جداً

سلمت يمينك

لآخلآ ولآعدم من جديدك القادم

.................................................. .

صح لسانك الله يعطيك العافيه

وهذا النوع من النصوص يوضع بقسم المحاورات المباشره وغير المباشره الله يسلمك

لاهنت وننتظر كل ماهو جديد منك

سعيد القير

صح السانك وعتلا شانك

مجاراه رائعه جدا ويعطيكم العافيه

تقبل مروري

تحياتي لك