محاورة مستور العصيمي وسلطان المنصوري؟؟؟

بسم الله الرحمن الرحيم
السلام عليكم ورحمة الله وبركاته

اليكم هذه المحاااوره


مستور العصيمي وسلطان المنصوري




سلطان المنصوري

سلامي سلامن كنه البـن والهيـل=وجوب العتيبي عند ربعـه عتيبـه
والا يالعصيمي نسبر البرق والسيل=لعل الحيا يصل الديـار القريبـه

مستور العصيمي

هلا مرحبا يانور ساطع مع الليـل=ليا بان في وسط السمـا ينسريبـه
ياسلطان كان الحرب بالهجن والخيل=وذلحين صاروخاً يجيـب المصيبـه

سلطان المنصوري

ابا نشدك عن راع الجمال المحاميل=يقولوون عود بين شكـه وريبـه
تساهيل يامستور راحت تساهيـل=ترانا نعرف المخطيـه والمصيبـه

مستور العصيمي

احب العميل موفي الوزن والكيـل=واجنب عن اللي مايقدر صحيبـه
لكن اعبدو شاورنكـم ياسرائيـل=حكمكم رضا مدري حكمكم غصيبه

سلطان المنصوري

اجل خلنا نسري على الجدي وسهيل=ولاهي على مثلي ومثلـك غريبـه
انا ماعبد الا الله ياحيل ابـا الحيـل=ولانلتفت فاهل الوجيـه الغضيبـه

مستور العصيمي

توكل على رب الملا عادل الميل=وموضوع مايختصنا وش نبيبه
من اول تهد اجبال وتشيلها شيل=وذلحين صارت يالعتيبي صعيبه

سلطان المنصوري

يامستور نطمع فالليال المقابيل=عسى الديد يامستور يقطر حليبه
ابا القا اليا دورت بعض المداخيل=ولابد جرح الوقت نلقـا طبيبـه

مستور العصيمي

تبعد عن المنقـود والقـال والقيـل=ترا الرجل مايرضى بعلـم الغليبـه
معك لو وصلت اسهيل والنجم ابوذيل=تحفر القبـر والا تجيـب النصيبـه

الله يعطيك العافيه على النقل الجميل



تقبل تحياتي

كايفه

يعطيك العافيه على النقل الطيب

وصحة قلوب الجميع