آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
19-02-2019, 12:04 AM | #1 |
|
سجينة خميس مشيط
ألا يا الله يا عالم .. بما أجهرت وما أخفيت
ألا يا الله تفرجها عليّه.. يا مسويها أناظر للزمن نظرة يتيم ما لقاله بيت أناظر كل ها العالم.. عيوني ما تكفيها ألملم فرحتي بيدي .. وأنا من فرحتي شديت ونفسي يوم مات الفرح .. حزني جاء يعزيها هموم ضيقت صدري .. كثيرة يوم أنا عديت لقيت الحزن بأولها.. وأوسطها.. وتاليها حزن ما يفارقني.. معي لا نمت.. أو سجيت كئيب ما يبي غير السهر.. والنفس يشقيها دعيت الله .. يصبرني وأنا مما جرى مليت ونفسي .. يا إله الكون .. نفسي من يراعيها وش اللي صار في الدنيا.. وش اللي في دنيتي سويت جاوب يا الحزن أرجوك.. جاوب قلي وش فيها رجع صوتي يرددني.. يردد كل ما ألقيت جاوب يا الحزن أرجوك.. جاوب قلي وش فيها ألا يا ليت.. ألا يا ليت.. ألا يا ليت.. ألا يا ليت ولاة الأمر تاصلهم قصيدة يوم أرويها تمنيت السعادة تعود.. وأنا والله ما ظنيت سنيني الماضية ترجع بعيدة عن موانيها تفتت خافقي والله.. مثلما للصخر تفتيت دوافير الصدر شبت.. ولكن من يطفيها إلهي صمت من أجلك.. إلهي لك بعد صليت إلهي يا إله الكون.. عيوني لا تبكيها أنا منساق لك ركب الذنوب وها أنا .. حسيت دخيلك يا إله الكون.. عيوني لا تبكيها (ست اسنين) بي مرت أنا والهم.. والتنهيت اثنا عشر عيد.. أنا وحدي سجينة دون أهاليها وأمي في نهار العيد .. تناديني.. في وسط البيت وترجع وتذكرني .. دموع العين تهميها نعمت أول سنيني في جناب الفهد وافي الصيت مليك العرب والإسلام وبلادي اللي أفديها وعشت اللين والشدة ولو قاسيت ما قاسيت تهون تهون ما دامت حياتي عايشه فيها وأنا لا زلت طمعا في سنين وعمر غير ازريت عسى لي في ذرا عبدالله أياما أقضيها وولي العهد سلطان الكرم والخير إذا ناديت يلبي للضعاف اللي سهوم الوقت ترميها ألا يا أهل العفو تكفون لا حيه ولاني ميت ألا يا أهل الكرم والجود فكوا قيد أياديها أبي درع الحياة ولو نفيتوني ورا تكريت يكفيني سنين سود في سجني مخاويها ألا يا الله يا عالم .. بما أجهرت وما أخفيت ألا يا الله تفرجها عليّه يا مسويها وتم إعلان العفو عن سجينة خميس مشيط اثر تنازل أهل القتيل عن القصاص وذلك بعد مساع من خادم الحرمين الشريفين الملك عبد الله بن عبد العزيزوولي عهده الأمير سلطان بن عبد العزيز. الله يرحمهم برحمته |
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 19-02-2019 الساعة 12:13 AM
|
19-02-2019, 12:03 PM | #3 |
|
روووعه خيال
صح لسان شاعرها ولا هنت على نقلك |
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! |
|
|