يابعد نومي

السلام عليكم يارواسي نجد ورحمة الله
واسعد الله اوقاتكم وكل عام وانتم بخير
مقطوعه لتشفع لقائلها ويعفى من المحاسبه بسبب الغياب ههههههههههه

البارحه يابعد نومي عن الموق=ابعد من الخوبه عن اطراف لوقه
جفني يبوق من السهر غفوته بوق=وروحي ونسها من تعسها تبوقه
والقلب يطري له هوى البال وايتوق=للي بعيني له على طول توقه
كنت احسب انه شب قلبي عن الطوق=واثر المعنى باقي(ن)له لحوقه
لما فات له لده ورغبه وبه شوق=ياقو قلبٍ يحتمل حر شوقه
والهجس ما يارد جبا كل مطروق=مير اعجبه فن المغني وذوقه
وشعاه للموال موال ابن روق=وهاظه لحن قاف وشعنه اطروقه
وهو من قبل ذا فيه رجه ومطفوق=وهجرس وهزنه مشاعر طفوقه

الله الله
صح لسانك يابو عبيد
جزل ومبدع الله لايظرك
نص فاخر راق لذائقتي يالجزل
مروري يسبقه اعجابي
وتقييمي

اقتباس:

المشاركة الأصلية كتبت بواسطة ناصر الهواوي

السلام عليكم يارواسي نجد ورحمة الله
واسعد الله اوقاتكم وكل عام وانتم بخير
مقطوعه لتشفع لقائلها ويعفى من المحاسبه بسبب الغياب ههههههههههه

البارحه يابعد نومي عن الموق=ابعد من الخوبه عن اطراف لوقه
جفني يبوق من السهر غفوته بوق=وروحي ونسها من تعسها تبوقه
والقلب يطري له هوى البال وايتوق=للي بعيني له على طول توقه
كنت احسب انه شب قلبي عن الطوق=واثر المعنى باقي(ن)له لحوقه
لما فات له لده ورغبه وبه شوق=ياقو قلبٍ يحتمل حر شوقه
والهجس ما يارد جبا كل مطروق=مير اعجبه فن المغني وذوقه
وشعاه للموال موال ابن روق=وهاظه لحن قاف وشعنه اطروقه
وهو من قبل ذا فيه رجه ومطفوق=وهجرس وهزنه مشاعر طفوقه

الله الله
ياسلام عليك يابو عبيد
صح الله لسانك ملايين
كايفه ولا فيك حيله يالجزل ولا جديد على شاعرنا غير الابدآع
والفخامه والحضور المميز
دمت ودام ابداعك وفيض مشاعرك العذبه
تقديري وتقييمي لسموك
النجلاء

والقلـب يطـري لـه هــوى الـبـال وايـتـوق
لـلــي بعـيـنـي لــــه عــلــى طــــول تــوقــه

صح الله السانك يا ابو عبيد
تقبل الورد
ابو احمد

الهواوي
الله الله عليك ابداع
موغريب عليك الابداع والجزاله
صح لسانك لين ترضى
يعطيك العافيه على الابيات
تقبل مروري واحترامي
المهره الاصيله

ناصر الهواوي

أحييك اخي العزيز من القلب
نص شعري متميز لغةً و بوحاً
و ذكريات
قرأت كلماتك الشعرية
بشغف و حب
ورأيتها تعكس روحاً رقيقةً
شفافةً تقف وراء
كل حرف و كلمة..
تحياتي القلبية لك
اخوك حمد اليامي

الذوق قافك والمعاني لها ذوق=مثل العسل يشفي قلوب{ن} تذوقه
ماجابها الخثروق في لمة السوق = ماله على بدع التماثيل طوقه
صح الله السانك على كل طاروق=وسلام يمك يالمغني نسوقه

وصح لسااانك ياناصر

ابيات جميله ورائعه

الهواوي

اشكرك على طرحك المميز

الله يوفقك