خوي الطيب

اشتر خوي الطيب لو كان بفلوس=قرمن يباادلك النقاء والصرااحه
وان جاات صعبات المواقيف فااعوس=مثل الجبل ماهي تهزه ريااحه
الصدق من طبعه بالاعماق مغروس=حررن علي الطولات يكفخ جنااحه
بالمرجله عنده مهاارات ودروس=الطيب نهج له ويلبس وشااحه
مايخلف اشوارك ولا هو بمعكووس=عفوي وفي وجهه قبول وسماحه
في حضرته ماعاد ينصاك هاجوس=والصدر من ضيقه يزيد انشراحه
خفيف دم وواسع الصدر ويدوس=يا بعد مسراحه ومبعد مرااحه
واحذر تخاوي كل هافي ودنفوس=اترك ضعيف الرابعه في مرااحه
اهل الردي هافين وانذال ونجوس=الكلب كلب وما يخلي نبااحه
من سار معهم عاش بيرقه منكوس=في سلمهم كل الطراايق مباااحه
شريحتن بالمجتمع تدني الرووس=في بعدهم مكسب ومغنم ورااحه
الضرس لي منه غدي حوله السوس=ماله سووي يقلع وتبري جراحه..

حمد بن سايمه

الله الله
حمد بن سايمه
صح لسانك مليون ولايسدوون
نص فاخر وجزل لابعد الحدود
سجل اعجابي ومروري

حمد بن سايمه
صح لسانك ملايين
قصيده كلها فخامه وابداع
من شاعر مبدع وجزل
لاهنت يااخوي
تقبل مروري من هنا
احترامي لك
دمت بخير

صح الله لسانك يابن سايمه
جزل وشهادتي فيك مجروحه
دمت ودام مداد قلمك ورقي حرفك الفاخر
تقديري لسموك
النجلاء

صح اللسانك شاعرنا المميز
قصيدة شامخة لا تصدر الا من شاعر متمكن
اعجبتني في مضمونها عن الخوي ابدعت اخي الكريم
دام نبضك

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صح لسانك ملايين
ابيات جميله ورائعه
بانتظار جديدك وابداعك القادم
يعطيك العافيه اخوي
تقبل مروري واعجابي
دمت بخير