ديوانية الشاعر هزاع العاصمي

اكتب وتقرا ريشة العود كتبي =شعري سلس ينقاد على السليقه
مشاعري ياشوق يمك جرتبي= من مرهف احساس بيوتن رقيقه

وحسك نسمة الشرقي يلاعبها( الحيا )الممطور

يــداعــب زهــرهـــا الــنـــادي يـعــطــر لـــــي مـسـائـاتــي

صورة جميلة جدا
راق لي هالبيت بالحيل
العاصمي صح لسانك مليون على هالتقاسيم اللي نشوفها في ديوانيتك

ابيات من قصيده

اقرب وقرب ياعسى الوصل ينعاد =ياغاية الداعي وصوت المنادي
انا صبرت سنين راضي ومن قاد =لا بحت مكنوني ولا الصبر فادي
لو المحبة بيننا حرب وجهاد =بجيك عاني لو يقولون غادي
ياصاحبي شفت الزمن كيف جحاد=وده يوردنا العناء والبعادي

اعرف ترى سر الغلا فيك صوتك =ياللي بصوتك تسحر قلوب الاحباب
هذي البلابل في نغمها تعيدك =وكل المشاعر تاخذ الصوتك حساب
وهذى حنانن عطره لي ربيعك =يوم العواذل ما درت ويش الاسباب
ترى الهوى ينقصه نفحة عبيرك =ياللي بقدك اسرٍ كل الالباب
جيت بهجير الليل يافرحتي بك =مثل القمر ضاوي على ليل الاصحاب
ارفق بحالي كيف انا اليوم جيتك =ورحم خفوقي لا يجي دونه الباب

الصاحب اللي ما عرف صادق البوح =ما ظنتي يدري بحزة مطاحي
مقدرٍ والحب جارح ومجروح =والله عليمٍ بالقلوب الصحاحي
حنا نوينا يا الغلاء نبني صروح =وانتي نويتي للعناء والبعادي

الله الله

أبيات رائعه وديوانيه عامره بأجمل ابيات القصيد صح لسانك وتقبل تواجدي في متصفحك ولك وافر الود والتقدير

الله يحيك بوح السنين سعدت من خلال مرورك

بشاش اسعدني مرورك وكل الشكر اتطلع الى تقديم ما يروق لكم ان شاء الله
الله يحيك