دلعهن عالي المستوى

مدخل

كنت أنا في طريقي ماشي ٍ بالعدال
...................... مترك ٍ كل ذيب ٍ فوق رجمه عوى

لين قابلت في ، دربي شبيه الغزال
...................... غضة العود غر ٍ ، عقلها مااستوى

عندما تعصف بالشاعر لمحة خاطفة
لعذراء تتمايل في تغنّج وتتعمد إظهار
مفاتنها ...!!! ليس عليه جناح إن تغنى
في محاسنها وسرد أوصافها ....


دلعهن عالي المستوى

الهوى والمحبة ، و الدلع والجمال
...................... والقلوب الرهيفه ، ماتخاون سوى
راعي القلب الأخضر لوتكلّف وشال
...................... شال ثنتين منهن ،، كان قلبه قوى
بس أنا ، شايل ٍ قلبي هموم ٍ ثقال
...................... أربع ٍ فوق الأربع لين ذاب وذوى
همّ فرقا ، عشيري والتوجد ، ليال
................... وحرقة البعد في قلب ٍ جزع وإنكوى
لو أعدّد همومي وأضرب ابهن مثال
.................... ما هقيت إن قافي ، يشمل المحتوى
كنت أنا في طريقي ماشي ٍ بالعدال
..................... مترك ٍ كل ذيب ٍ فوق رجمه عوى
لين قابلت في ، دربي شبيه الغزال
.................... غضة العود غر ٍ ، عقلها مااستوى
يوم لدّت بطرف ٍ ، زاهي الإكتحال
................... وسلهمة رمشها اللي للمحاجر زوى
وجيدها اللي مداريته بطرحه وشال
................... مثل عنق الوضيحي لا إنثنت إلتوى
وصفحة الخد تزهابه من الذوق خال
................... وأبيض اللولو ، اللي ،، للثنايا حوى
والشفايف ، لها ينبوع عذب ٍ زلال
.................. راعي الغي عمره لوشرب ما إرتوى
قلت ياريم صبري ، بالمعاناة طال
..................... ما تشوفين حالي ، بالعذاب إنطوى
أسهرالليل دمعي من على الخد سال
.................... وآتعبّر وراسي ، من ونيني ، خوى
وآآآهني الذي عمره ، تمنّى ، ونال
...................... مرة ٍ، في حياته ، أدرك اللي نوى
لضامرات البطون ومترفات الدلال
.................... بالتغنّج ، دلعهن ، عالي ، المستوى
بس ياليت ،، ما تنفع على كل حال
..................... التمنيّ ، تجنيّ ، والسلامه ، دواء

رابط الحماية

تحيتي وتقديري
محمد بن عمار ــ جريح القصيد

الله الله

يسعدني ويشرفني احتلال المركز الاول

ووقوفي المتواضع امام هذي الشامخه

صح لسانك مليون ولايسدون

دمت شلالً لاينضب

الغنامي

صح لسانكـ و أعتلاء شأنكـ ع الرائعه ..

تقديري لكـ ..

الله الله
ياسلام عليك يابن عمار
شاعر مميز دائماً تنفرد بمعزوفه خاصه بجريح القصيد
ابدعت وامتعت بهذه الفاخره العذبه
دام هذه الرقي والابداع وجمال الحرف ودمت لنا بحضورك الشامخ
تقديري وتقييمي لسموك
النجلاء

طرح جمييييل ورائع

الله يعطيك العافيه

ياسلام عليك ..... طرح راااااقي حيل
تسلم يمناك على ماقدمت
دمت بود

ارفع عقاااااالي وفالك البيرق


صح كلك عن كل شر

صح لسانك ملايين
شاعر مميز استمتعت بتواجدي في متصفحك
ننتضر جديدك بكل الشوق
دمت بخير وسعاده دائمه