قولوا لرعيان الغنم لا ينامون = اشوف بالمرعى مواطي ذيابه.......

في ظل هذا التطور السريع في عالم الاتصال. يجب على الوالدين مراقبة الابناء

قولوا لرعـيان الغـنم لايـنـامـــون=اشـوف بالمرعى مواطي ذيـابه
قولوا لهم خذوا الحذر لاتغـفـلون=كـم غـافـلٍ اصبـح حـلالـه نهـابه
قـولوا الـذيابه بالغـداري يغـيرون=والجوع ينسيها الخطر والمهابه
والذيب مايومن على مايـقـولـون=يغـرس بارقاب الفرايس نيـابـــه
تلقون ضرب انيابها كنها طعـون=وجر المخالب مثل جـر الحـرابـه
اقـسم برب البيت ماني بمجــنـون=ولاني ردي الاصل ولاني زلابــه
اشـوف أشـياءٍ لـهـا ما تـشـفـون=تغيب عن بعض العـقـول النجابـه
اقول قـولي والخـلايـق يعـرفــون=خير الملا من قـبـلـنا قـد حكى به
لابــد مـايــومٍ إلى الله تـعـــودون=وكلٍ يبي يُسأل عن اللي رعى بـه
اللي رعـوا بالشر للشر يجـنـون=واللي رعى بالخير يجني ثـوابــه

احمد بن عبدالرحمن العريفي

(نديم المجره)

غنجَ ,محمد الغنامي ,محمد العواد و 3 آخرون معجبون بهذا

رحيل ,صـدووودٓ ,الملكة

صح لسانك نديم المجره ولا هنت
يعطيك الف عافية على روعه قلمك وجمال ابياتك

ننتظر جديدك

صح لسانك نديم
راقت لي كلماتك
لك تقديري وتقيمي لجهودك
لـ روحك ورد الجوري

قصيده جزله

وابيات رائعه

صح لسانك نديم المجره

ويعطيك العافيه

على هالرااائعه

نديم المجره ،،
صح لسانك ملايين على هذه الثمينة لاهنت ..

عوداً حميداً نديم المجرة

أهلا وسهلاً بك

وصح لسانك مليون على هالرائعة

استمر يا مبدع تستاهل التقييم

( تم تنسيق الابيات )

الله الله
ونعم يالعريفي
وانا اشهد صادق يانديم
واللي يقول انك مجنون خالي من العقل
صح لسانك على هالنصيحه الفاخره
جزل ومبدع وشهادتي فيك مجروحه
سجل اعجابي وتقديري
يسبقه ختم التميز
ولك اجمل
تحيه

لابــد مـايـومٍ إلــى الله تـعــودون
وكلٍ يبي يُسأل عن اللي رعى به
اللـي رعـوا بالشـر للـشـر يجـنـون
واللي رعى بالخيـر يجنـي ثوابـه


ماشاء الله..تبارك الله
قصيدة رائعه...شاعرنا القدير أحمد العريفي
صح لسااانك ملااايين ولا هنت

تحياتي
ريوف